呂布狠狠把我釘在牆上,然後使勁把我抬起。

他身軀雖然矮小,但力量卻大得驚人。

我被勒得喘不過氣。

「劉備係邊?」呂布厲聲問道,手勁越使越重。

脖子被狠狠抓住,我根本哼不出半聲。





「劉備係邊?」呂布加重語氣再問道。

我根本答不出話來,只好不停拍打呂布手臂。

呂布看來意識我就快支撐不住,才鬆開手來。

「咳咳.....你都要鬆手我先答到㗎大佬。」呂布甫一鬆手,我立即跌坐在地。

呂布這一鬆手終於給了我一下喘息的空間。





「劉備係邊?」呂布蹲下來,雙眼牢牢的瞪著我看。

在他那霸道的力氣底下,手無寸鐵的我根本不可能逃脫。

在這危險之際,我的腦袋急速運轉。

劉備?佢搵劉備做咩?睇佢個語氣都唔似搵佢聚舊,而佢冇即時殺我唔通係因為佢認定左我係佢同伴?

「答我呀!」呂布樣子更為兇悍,與當日溫文有禮,風度翩翩的公子形象截然不同,看來我並沒有真的急速運轉.........





「由於我係一個鄉下道士,對塵世之事一竅不通,只好跟住劉大人去到戾氣最重既軍營化解戾氣,之後我就唔知點解畀人追殺,然後就畀人捉咗嚟哩道啦。」為求保命,故意說得與劉備更密切。

「咁有冇見過小玉?」呂布若有所思。

「冇呀,見到趙文拉佢走就冇見過。」

「唔,咁就麻煩你好好守秘密。」呂布推我出房面,示意我離開。

「守咩秘密?我同你.....」我對呂布的話十分疑惑,正要回頭一問究竟。

只見呂布揮刀向我斬來。

我勉強一個欠身,避開那衝向我脖子的斬擊。

「喂!做咩又劈我呀?」





你班古人係咪痴撚線㗎!郁啲就劈人,嚟咗哩道捱咁耐都夠慘,仲要隔一排就畀人劈一鑊,隔一排又劈一鑊,仲要次次唔同人唔同花款,真係出嚟行都冇我咁刺激!

「避咩?噉你未會痛苦好多囉!」呂布一臉惋惜,似乎毫無放下手中大刀的意圖。

「噉你殺我都要話我知點解?」我慌忙躲開避斬擊,但依然被刀鋒劃得遍體鱗傷。

「都話要你幫手守秘密.....」呂布一臉無奈。

眼看呂布殺意已決,我亦難以哀求他憐憫。

「我知好多內情!」情急之下,我思索與呂布的對話,從中找到關鍵。

語音甫落,呂布停下手中大刀。





「內情?」呂布一臉疑惑。

「好似關羽曾經做過囚犯,手上面好似有隻唔知咩眼噉嘅紋身......刺青咩都好啦,我仲知好多!」我竭力從腦中擠出有關他們的事情。

「眼既紋身?你又唔知比咩人追殺?」呂布若有所思。

「睇嚟你真係有啲用。」呂布雙眼忽然變得明亮起來。

「唔.......噉,冇我叫你唔可以踏出房門半步,否則格殺勿論。」呂布說著說著就走出房間。

「噉噉....我去茅廁點算?」我被嚇得口齒不清。

「裡面有夜壺夜盤,用完可以叫人入嚟幫你收,係入嚟!唔係你隻手畀人斬咗唔好問點解。」呂布回頭,在門隙之間柔聲叮囑,使得我不寒而慄。

俾人折磨一輪仲要坐監真係畀死更難受....都係死難受啲,最緊要保住條命,仲有人等緊我返去。





小南的笑容在我腦海中停留。

也是這個笑容令我依然堅持。

「飯菜到啦!」一個衣著光鮮侍女貿然打開房門,把飯菜端上。

房門打開之際,門外兩個侍衛已死死的盯著我,而在庭院之間亦滿佈侍衛,顯然根本沒有逃跑的可能。

在我仔細分析之時,有東西突然濺濕我的臉頰。

「對唔住呀。」一把少女聲道歉起來。

一隻幼嫩的手正想為我抹臉,一陣芬香亦不經意地竄進我的鼻孔。





我與那婢女對了眼。

她不是別人,正是小白。

「嘻嘻...」小白把食指豎在唇前,示意我不要作聲。

她連忙關上房門。

「對唔住呀!都係我啦,搞到你俾人困喺到,我會叫爺爺放你出嚟,好快!」小白真誠地道歉。

「我要多謝你先岩,其實都係因為你我先保得住條命。」小白此刻的真摯,亦不由得我不相信。

「係我擅自帶你翻嚟,我就會救翻你!」小白輕拍胸口。

那自信的模樣頓時令我心花怒放。

但事實是根本不可能。

「係啦!你都肚餓㗎啦,我帶咗好多嘢食畀你,有羊血腸啦,羊肉串啦,薄餅啦,仲有馬奶,全部都係我平時最鍾意食㗎。」小白如數家珍似得說着。

看著滿桌的美食,對於久未飽餐的我,自然吸引非常。

肚子的鳴叫亦驅除了我的戒心。

我開懷的吃着,小白亦欣慰的看着,直到我吃完。

「呀!我都要走啦,唔係又畀華大媽鬧,我聽日再搵嘢畀你食。」小白匆忙離去。

而飽頓一餐的我,亦很快墮進夢鄉。
已有 0 人追稿