【穿越】【三國】 流離者(不定期更新): 63

「多謝你！」小夏輕聲的說了一句。

「我多謝你先真，你救咗我好多次，你係一個好好嘅人。」我回應道。

「我唔係好人！我殺咗好多人！就連……」小夏語氣有點激動。

「你曾經殺咗幾多人，殺咗啲咩人對我嚟講一啲都唔重要，重要嘅係你保護咗我哋。」我打斷小夏的說話。


。。。。






一片寂靜。

喂，最怕空氣突然安靜呀，而家點呀，要我自己尷呀？

「憂哥哥？」小南淚目望着我。

「小南？」原來小夏早就走了……





「係咪冇事啦？我好驚再見唔到你…」小南語帶泣聲。

「冇事啦，我唔會再抌低你！」我堅定地說道。

小南埋首於我的懷裡。

「啊……你攞住佢，你隻懷錶會互相牽引，噉我哋就算走失咗都會搵得番對方。」我掏出那兩隻懷錶，把其中一隻給了小南。

雖然冇哩個功能，但郭嘉同我茫茫人海中都能相遇到，我都唔算講大話。





「懷錶？好靚呀！有呢樣嘢我就可以搵到憂哥哥？」小南疑惑道。

我點點頭。

小南重新展露笑容。


「憂哥哥你流咗好多血呀，有冇事？」小南回過神來才發現我那傷口不斷流血。

「我冇事，頭先係小夏同你搏咗條命我先冇事，好多謝你哋。」我輕撫小南的頭。

「係你有冇事先真！」小南溫柔的慰問以致我忘了小夏剛剛也經過激烈的戰鬥，我仔細地檢查小南身上有沒有傷口。

幸好小南身上並無明顯撕裂的傷口，最多也只是碰撞的瘀傷。





徹底放鬆下來的我腳步一浮，看來是因為剛剛那個刀傷使得我失血過多。

「憂哥哥你點呀？你坐底我幫你包扎一下先。」小南緊張的說道。

「係咁易得㗎啦，我哋要快啲走！」我叮囑小南。

雖然在這裡包扎絕不合適，但再這樣流血也不是辦法，只好先做一下緊急處理。

小南撕下部分衣物迅速的包扎了一下。

「好，我哋快啲行，師父唔知有冇事！」我急忙起身出去看一下狀況。

踏出營外，只見遠處依然亂戰在一團，看來師父依然沒事。

但係我哋就算過去都幫唔到手，仲可能阻手阻腳，師父自己走可能仲易，但點先可以通知到師父呢？





我心生一計。

我連忙帶著小南離開，留下被付之一炬的趙文營帳。

這樣做不但能通知師父我大功告成，更能分散敵人的注意力，可謂一石二鳥。

然後只要走出森林，迂迴回到曹營就能再見到師父同曹大人啦。

雖然我走路依然是一步一拐，但我亦不敢怠慢，搭着小南肩膊急步走進樹林。

遙望趙文軍營火光熊熊，四周又有數人慌忙撥水救火。

他們忙於救火，而且又無人知道營中發生甚麼事，一時三刻應該不會貿然追來。





正想鬆一口氣之時，一張臉孔在腦海中浮現。

許攸！

他見住我潛入軍營，實知咩料啦，但佢當初又點解要放我入去？

唔通…佢想上位？借我手殺咗佢阿頭，然後捉我坐正？武俠小說成日都咁借刀殺人㗎啦，仆街啦！

我匆忙地與小南走，總之走得越遠越好。

走了好一段時間，依然未有人追來，希望只是想多了就好。

森林中的寂靜，令我既安心又害怕。

走著走著，發覺寂靜得有點異常，比往常的寂靜更寂靜。





森林縱使寂靜依然會有風吹草到，蟲獸鳴啼的聲響，但現在彷彿都消失了一樣。

「憂哥哥，你睇下！」小南的聲音打破了這一片沉寂。

原來小南手中一直緊握那懷錶，那懷錶現在發出了耀眼的光芒。

不只她手中的，在連我懷中的也發出光芒。

「磁～」一聲電子聲音突然響起。

不遠處憑空出現了一個半浮於空中的光球，光球慢慢撕裂開，裂出一個人一樣高橢圓形的缺口。

數個白衣人緩緩步出。

「確認A10層區，正189時空偵測到時空粒子異動。」

「好彩冇聽你講話搵第二區炸，鳩upper!」

「點知收到咁埋啫，我都搵得好辛苦㗎！」

「你又好意思講㗎喎，唔知邊個失職搞到我哋咁煩。」

「夠啦！咪嘈，做緊正經嘢先，再比佢哋走甩又唔知搞多幾條時線出嚟！」