【穿越】【三國】 流離者(不定期更新): 64 第一部完

「睇嚟就係佢兩個。」帶頭一個留着滿臉鬍鬚，神情嚴肅的中年大叔說着。

數個白衣人緩緩走近。

小南見狀十分害怕，躲到我的身後。

「你哋係邊位呀，外星人定滅卻師呀？」我故作鎮定地說。

「哈……，佢話我哋外星人，哈……」一個語調輕挑，頂着一個金色刺蝟頭，籃眼睛西方面孔的少年笑說道。





「死開啦你 … 唔洗驚，我哋唔會傷害你哋㗎！」一個彩髮豔妝的少女推開少年，輕聲說道。

突然我和小南手中陀錶發起光芒。

「隊長，應該就係哩兩個裝置導致時空粒子異動。」站在後方一個冬菇頭，戴眼镜，語氣木獨，邊擺弄着類似平板電腦的裝置邊說。

「哩兩舊嘢你哋點得嚟。」隊長問道。

「執㗎囉，我都想知哩舊咩嚟，一執起咗就畀人吸咗翻嚟古代，你估我想㗎咩。」我抱怨道。





隊長看着我手中的陀錶，若有所思。

「哩個裝置好唔隱定，應該係試驗版，睇嚟你好唔好彩咁係適應者，身體本身就對時空波動比較敏感，所以就誤打誤撞穿越咗過嚟。」隊長解釋道。

「你哋好似咩都知噉，唔通你哋係未來人派嚟救我嘅？係就啱曬啦，快啲帶我哋翻未來啦！」我雀躍地說道。

「翻去未來？睇嚟你誤會咗啲嘢，首先，我哋唔係咩未來人，而係時空管理局，我哋係負責抑制時空膨漲而唔係嚟救你，第二，你係冇可能翻到未來嘅，因為未來根本並未存在。」隊長解釋道。

「你係咪玩嘢啊？同我玩食字呀？你都識話我穿越咗嚟古代，噉我原本個時代咪未來囉！」我憤怒的說道。





「睇嚟你真係咩都唔知㗎喎，等我同你補下習啦，每一個時空都好似一㗎車噉，佢會不停咁前進，但佢未行到嘅位置根本㗎車就未出現，而㗎車行過嘅車痕就係所謂嘅過去，本身就冇實體，更加似係時空嘅記憶噉，人類搵到時空粒子嘅異動可以扭曲時空，令到你可以穿越到時空嘅記憶之中，而你根本就唔屬於記憶嘅一部分，所以時空會對你造成排斥並分裂新嘅時空，間接造成時空嘅膨漲，過度膨脹可能導致時空停滯，甚至影響埋時空群，所以我哋先要出手阻止。」那彩髮豔妝少女解釋道。

「伊織你講咁多做咩，睇佢個樣都唔明㗎啦。」刺蝟頭少年揶揄道。

「Anthony你好好咩，時空學你咪又係包尾！」伊織笑說。

Anthony一臉沒趣地走開。

不過他的確沒說錯，我真的聽不明白。

「簡單啲嚟講你，身處嘅空間係分裂出嚟新嘅時空。」伊織續道。

「新嘅時空？」我一頭無緒。

「呀，唔記得你連時空嘅概念都冇，而家我哋身處嘅空間重疊咗好多個時空，你當係同一個網頁有好多個分頁咁上下，你望你陀錶上面英文同數字。左面A10嘅A係代表我哋身處嘅時空群，同一個時空群嘅生態同歷史都會相對接近，而第二個時空群會好大差別，甚至連物理系統都差天共地，而10係代表唔同嘅層區，你當係一棵樹分出嘅枝節噉，數字越大就代表離原時空越遠嘅樹枝，相對時間流逝速度會更快，而下面+189就係代表而家身處嘅時空，為咗方便分類，我哋會以嗰條時空嘅分裂年命名，最後右邊+190就係而家嘅年份，亦都係因為哩個時空得一年，我哋先咁易搵到。」伊織續道。





我聽得木定口呆，根本給不了反應。

「咩都好啦，我淨係想翻屋企炸！」回過神來的我說出我唯有一的訴求。

「你仲未明，你畀你嘅時空排斥咗，你亦唔在屬於嗰到，亂嚟你甚至會被時空嘅母體消除。」隊長解釋道。

「冇可能！點可能翻唔到去！我話咗帶小南一齊翻去！」我崩潰地吶喊。

「好不幸哋，哩個係事實，無意中穿之後翻唔到屋企嘅人好多，我哋多數將哩啲人稱為The rover，亦即係 ……」

「流離者。」

「唔洗擔心，只要你交出哩兩隻陀錶，我哋會收留嚟喺時空管理局做嘢，我哋做個簡單嘅檢查就可以走。」隊長續道。





「冇可能㗎…咁咪以後冇得見老豆，阿媽同阿妹？冇可能㗎…」我喃喃自語道。

「放手啦妹妹。」伊織勸道。

「唔好搶走佢呀，冇咗我走失嘅時候就搵唔翻憂哥哥！」小南緊握陀錶不讓伊織拿走。

「個女仔身上根本冇異空間粒子反應。」木獨少女說道。

「文希，你講真嘅？」隊長說道。

「既然佢係屬於哩個世界嘅人，我哋就唔可以帶走，噉點會多咗一隻陀錶？你識唔識一個叫郭嘉嘅女仔？」隊長問道。

「咩國家，英國，美國定法國？」既然郭嘉決定留低，我都唔忍心佢哋帶佢走。

「郭嘉就之前困係時空囚室嘅時空罪犯，之前走失咗，我哋好急要搵翻佢，如果唔係佢會不停穿越翻去製造更多嘅時空。」隊長嚴肅起來。





「佢或者只係想翻去佢原來嘅地方見翻佢想見嘅人，唔通噉都叫犯法咩？」我質問道。

「我哋邊個唔想，但係為咗一己私欲無視咁多時空嘅人嘅安全，咁就係犯法！」隊長字正詞嚴地說。

「唔洗講啦，你跟我哋翻去，我哋自然就會知！」Anthony同隊長把我拉走，我身體彷彿脫力一樣，無法反抗。

「你唔洗諗啦，以你對時空粒子嘅控制力，你喺時空裂縫就連想郁都難。」Anthony說道。

「求吓你唔好…..」小南話說到一半，手中的陀錶便被伊織搶走，小南頓時停下所有動作，彷彿雕像一樣。

「小南！最少畀我帶埋佢走。」我竭力的大叫道。

「佢係屬於哩道嘅人，我哋唔可以帶佢走，規矩就係規矩，我都幫你唔到，唔好意思。」隊長平淡地說道。





我重要嘅人又要畀人搶走？

我明明應承咗小南唔會再氹低佢。

我又要任人擺佈？

唔得，我一定要兌現我嘅承諾，無論係對小南嘅定係對自己嘅都一樣。

「你唔洗諗啦，以你對時空粒子嘅控制力，你喺時空裂縫就連想郁都難。」

我之前既然可以穿越，即係我都控制到！

我捉緊手中陀錶，回想起當初穿越的感覺，感到一道如霧似幻的氣體在我身邊聚集，身體瞬間變輕。

我乘其不備，甩開二人，一個箭步搶走伊織手上陀錶，跑向小南身邊，把陀錶放回她手上。


「搶走佢……」小南彷彿活了過來。

「快啲用抑制槍！」隊長急忙說道。

「我冇拎出嚟！」Anthony慌忙說道。

「唉！去攞啦，次次都係噉！」隊長憤道。

「我冇時間解釋，我都唔知會點，就算走到可能都會好危險，你想唔想跟我走？」我問道。

「小南唔怕，只要同憂哥哥一齊。」小南回應道。

「好…捉實我隻手！」我指示小南。

我聚精會神，把那霧一般似的氣體聚集起來。

今次聚集的量比剛剛多了許多，兩隻陀錶都發出耀眼的光芒。

「仆街！佢點解會識用！佢要走啦快手啲！」隊長憤怒的罵道。

周遭事物開始動了起來。

回想當初時間倒流的感覺，我彷彿被一股無形的力量拉着倒退一樣。

今次我要反抗佢，將佢推翻轉頭。

周遭境色瞬息萬變，我緊握小南的手和手中的懷錶。

霎眼之間，我倆身處於高樓林立的街道之上。

雖然一時頭昏腦脹，但不久就調整過來，可能是第二次的原故。

相反地，小南卻還未能站起來，但卻始終未放開我的手。

一會兒後，小南緩緩站起來。

「話！有好多方方正正嘅山呀！」小南驚訝道。

「唔係山，係屋嚟㗎，住到人㗎。」

「但要行上去咪好攰。」

「哈哈哈哈……有𨋢㗎邊洗行，我哋真係成功咗，哈哈哈哈……」我欣喜的大笑。

「好嘢！」小南抱着我歡呼。

我們大吵大鬧，瞬間成為街上的焦點，惹來不的目光。

我們隨即靜下來。

「原來真係有鄉下仔，哈哈…」數個少女嬉笑道。

細看之下，其中一人竟然是我的妹妹。

「阿妹！」我衝過去抱緊我的妹妹。

「喂！變態佬，死開呀！」妹妹狠狠的把我推開

「你唔認得我呀，你阿哥呀！」我疑惑道。

「你有阿哥哋㗎咩，我哋都唔知嘅？」旁邊女孩說道。

「咩阿哥，我幾時有個阿哥啊？」妹妹厭惡地說。

「唔好扮嘢啦，你係方倩婷，我係你阿哥方滯憂，你點會冇阿哥。」我抓着妹妹的肩膊連忙說道。

「我係叫方倩婷，但我由細到大都冇阿哥，定係你想話你係我老豆個私生子呀！」方倩婷說道。

我放開雙手。

我回想起隊長的一句話。

唔通隊長冇呃過我

我而家真係變咗無家可歸嘅

流離者？












流離者第一部 三國遊記 完