風之軌跡（校園，戀愛，籃球）: 風之子 中

對面開始發球，今次對面個控衛無諗住同我1on 1 crossover過我。

佢過半場之後直接傳落底角位大前鋒手上,佢地個大前鋒利用身體優勢推進到禁區位。

我地嘅隊友完全防唔住佢，輕鬆一個上籃，2比2。

本身諗住輕鬆打嘅我見到咁嘅情況，就叫左個中鋒埋黎教佢幫我pick 。


到我地開波，我知道今場係睇驗我耐力嘅戰鬥，所以我慢步過半場。





我又招手叫中鋒幫我pick,今次終於識過黎。我利用佢嘅pick 擋走對面控衛，我一個三分串針，5比2。


所有人見到我輕鬆射入三分都叫囂起黎。我望去計分版果面嘅阿晴，佢笑著對我舉起3隻手指。見到佢嘅笑容，我只好再落力d打。


對面見到我入左球三分，明顯佢地開始亂。佢地一開波個控衛直接比分衛想黎個快攻。傻韋嘅防守都好快，令到佢快攻中斷。






佢無辦法下傳去邊線比小前鋒。可能係想回應我嘅三分，佢都突然起手。

點知一個inside out 彈番出黎，我地隊嘅中鋒跳起攞個籃板，估唔到佢都跳得幾高。

對面嘅防手唔勁，可能今場真係會贏！

我地嘅中鋒攞完板之後傳左比我，我當然打番慢d留氣。

過左半場之後，我見到傻韋想過黎pick 。我就等佢過黎，對面以為我地又好似第一球咁所以轉防。





我過左pick 之後，傻韋直摌籃底，我地一個pick and roll,我傳比傻韋上籃。

對面果中鋒行左過去防，可惜傻韋已經上左籃。但係個中鋒收唔切手，一野拍左落去，防唔到傻韋。

阿sir一個吹罰，傻韋攞左個and 1嘅機會。傻韋一個刷板射入罰球，令到比分去到8比2。