風之軌跡（校園，戀愛，籃球）: 回憶深處 下

我起番身，示意繼續比賽。

「咁都要繼續打呀？咁想輸？」阿威用輕視嘅口吻對我講

「打就未必贏，唔打就一定輸」我對佢講

「入到波都當你贏啦，你咁廢」佢繼續串我

「開波就開波啦，咁多野講」我對佢講





又係佢開波，宜家比分去到2比0。

今次佢唔用d花式，直接摌入黎，我當然死守上去。

「你守唔到我㗎」佢一講完直接跳起起我頭上灌籃，撞到我又跌低

「阿威！！！！！」佢兩個朋友又再叫囂

「點呀？投降未呀」佢笑住咁講





「我一定會贏」我慢慢咁企起身

「唔好再打落去啦，阿健」詩雅佢衝左過黎扶我

「投降算啦，你唔好為左我整到自己傷呀，唔值得呀」佢眼有淚光咁同我講

「唔得，以前比你走左一次，今次我唔會放手」我用手推開詩雅自己行番去同阿威比賽

「你記番起以前嘅事？」佢對我講





我無回答佢，選擇繼續比賽

「點呀，真係唔投降呀？比條女我地未幾好囉」阿威又恥笑我

我都無回答佢，我選擇專心打呢場波。

比數3比0。

佢見到我好認真咁，佢都正式開波。

同上一球一樣，佢直接摌過黎，睇黎佢唔識射三分。

我今次知道佢一定去左邊，所以終於守得切佢。

「今次守好快喎」佢笑住講





佢起左側內線位想推去禁區灌籃。

可惜今次我唔會比佢得逞，我用全身嘅力氣唔比佢推進。

佢見推唔入，就想投個中距離。

佢一跳起我都一齊跳。

終於佢射失左波啦，我馬上衝過去攞板。

攞番個波之後馬上出圈。

「終於攞到波喎，好快你就會無㗎，好摸多幾下啦」佢又笑住同我講





我無理佢講嘅野，一個crossover想過佢

「你當自己係Allen iverson呀，crossover 想過我」佢邊講邊緊貼防我

我見佢防得好貼，我就利用胯下運球加上一下突然加速，成功去到籃下。

我見佢重起後面就直接上籃。

「無咁易」佢邊講邊飛身過黎

佢一下拍到個波飛出場外

「block 到臭曬，你上幾多次我block 幾多次」佢又串

「睇番你嘅控球唔差，唔係1on1你會好d嘅，但係都係會輸比我」佢難得唔係一味串我，居然讚我





又到番我開波，今次我用三威脅嘅方式對上阿威

我嘅希望就靠呢球，我上籃一定會比佢block到，既然係咁唯有用三分黎贏。

我一個直接射三分，阿威都估唔到我會咁做。

個波起空中畫上一道完美嘅軌跡，直接一個穿針入網。

「入左？」佢不敢相信

我都比唔到反應佢。

「估唔到你用三分打敗我，我真係估唔到你會射。我話過你入到波我就當輸，我講得出做得到」佢轉身叫佢嘅朋友示意離開





「𡃁仔，你有無打校隊㗎」佢回頭問我

「有呀，我係鳯凰城中學嘅校隊球員」我回答佢

「我聽講地學校啱啱有個學生轉學左去我地學校打波，好似叫anson」佢對我講

「anson！佢去左你地學校打波？！」我驚訝嘅表情回應佢

「估唔到佢真係轉學...」我講

「睇黎你同anson識得喎，幾有趣。我地學界比賽再見啦」佢一個轉身就離開

點知佢又轉番過黎同我講「差d唔記得左，我係起金州中學打波嘅。」

今次佢真係講完之後轉身離開啦

詩雅走左過黎想開口問我講野，點知比我阻止左，因為我有野要同佢講。

「我係咪邊到見過你」我笑住咁問

「我都咁覺得」詩雅已經忍唔住佢嘅淚水

「你嘅名係？」我地一齊問對方

詩雅講完之後直接大喊，我過左去抱佢。

「你記番起我啦」佢用力抱住我。

「啱啱睇完你的名字，就可以用番出黎」我笑住同佢講

「唔好成日喊啦，我以後唔會比你再喊」我對佢講

「我已經忍左好多年無喊啦，哩幾日係喊得最多既日子」佢對我講

「但係你唔係鍾意.......」佢欲言又止

佢講一講我就心痛左一痛。

「我都唔知道....」我都唔知點講好，我係鍾意阿晴但係對詩雅又有特別嘅情感，我又唔知係咩。

「唔緊要，我會等你嘅答案」佢對我講

我地講完之後就去左食飯，我地一直講番我地分開之後嘅事，講講下又食完飯番到屋企。

我送到佢去升降機口我就過番去自己果面番上樓，重有我地終於交換左手機號碼方面溝通。

我番到屋企沖涼嘅時間一直諗，我唔知自己對詩雅嘅情感，我對佢係愛情？係友情？

沖完涼望下手機，見到詩雅send左野黎

「早d訓呀，等等聽日又唔知醒，唔好要我等你」後面重有個憤怒嘅emoji

我覆番佢「我知啦」

睇黎唔好諗咁多先，宜家諗都唔會有答案。