風之軌跡（校園，戀愛，籃球）: 理想與現實

時間好快咁過去，又到左考試同比賽嘅季節，轉校過黎都幾個月，終於到左呢個時間。

我一起身刷完牙換完衫就馬上跑左落去，因為我知道有個人要發脾氣。

一打開升降機門，一個差唔多日日都見嘅面孔就怒視住我。

「健先生，你呢兩星期遲左幾多次呀」詩雅叉住條腰怒氣沖沖對我講

「我個野壞左呀，我個野壞左呀」我當然扮傻咩都扮唔知





「又用呢招，今次唔會比你成功」佢都重係保持怒氣狀態

睇黎我都要用必殺技啦

「死火，番學就遲到啦，再唔行就」我故意改左手機個時間改做兩個，有一個快左10分鐘

我比個手機佢睇，佢望左一望就相信左我行左出去坐車，上到車見到車個鐘佢先發現上左當。

「上左當！」佢對我講





「好啦好啦中午請你食野當無數啦」我對佢講

番到學校我就同佢分道揚鑣，我去番自己個課室。

「今日放學要去抽籤睇下三十二強打邊隊呀」brian對我講

「估唔到今年打到去三十二強，已經破左學校記錄啦」阿晴笑住咁講

「之前分組賽d對手唔強姐，入到三十二強嘅球隊唔會弱得去邊」我坐番去自己個位同佢地講





「無事嘅，有本大爺carry你呀，兄弟」brian自信滿滿咁對我講

「我真係恭喜你呀」我對佢講

「李嘉欣上身，兄弟你係咪傻左呀」佢同我講

「好啦，唔好講廢話啦，搵多陣書先」阿晴對我地講

我露出驚訝嘅眼神對佢講「搵咩書呀今日考試咩」

佢地兩個同樣用驚訝嘅眼神同番我講「你唔係唔知呀，今個星期係測驗周」

我正想攞本書出黎睇下，但知阿sir已經入左黎課室。

「無啦無啦，我連考咩都唔知」我講





阿晴聽到我講笑左一笑。

考左大約4個鐘到考完。

我完全唔知佢考緊d咩，成份數學卷都唔知講咩，平時我又唔聽書，我終於知咩叫書到用時方恨少。

「邊個考試唔合格嘅，可以準備星期六番學啦」

「佢講咩啦？」我問

「我地學校係咁㗎，考試唔合格要星期六補一堂課。」阿晴對我講

咁就死火啦，我基本上係讀書絕緣體黎，點算好呀





「行啦，放學啦，一齊去食野之後去抽籤啦」brian同我講

「我約左人.....」我細細聲講

「咩話，我地成班人食喎，你唔係唔黎呀」brian又同我講

「阿健，你約左邊個呀，我地識唔識㗎，叫埋佢一齊咪得」阿晴笑住咁講，其實佢都估到我同邊個食

「問下囉」我講

我地3個走左去格離班門口，見到佢地未考完

「傻韋佢未考完喎」brian佢同我地講

「你唔係話搵人咩做咩停起到」佢又再講





「我搵嘅人咪起入面囉」我對佢講

佢終於估到我同邊個食飯，佢就笑住咁講「阻住你地2人世界」

格離班嘅門打開，傻韋已經一馬當先衝左出黎，佢見到我地就走過黎講「邊個發明考試呢d慘無人道嘅野」

「我都好明白你嘅感受」我講

「有嘅恐怖咩」詩雅慢慢咁由課室走出黎，正好同傻韋成正比

「你緊係咁講啦，年年都係第一名」傻韋講

「我先唔理你呀」佢講都廢事同傻韋講咁





之後佢又講「阿健你黎搵我呀」

「佢地話一齊食野，食完野完抽學界籤。今朝話請你食野，睇下你一唔一齊」我對佢講

「好呀」佢諗都無諗直接答

講完之後，我地幾個人就上左去商場。

「嘉豪佢地好似等左好耐，死緊啦今次」brian講

「重講呀，行快d 啦」我覆番佢

終於我地行到去餐廳，見到我地其他隊員都到曬

「全部人等你地呀，準時d好唔好」球隊隊長打大前鋒嘅嘉豪對我地講

「一定又係阿健遲到啦，次次都係佢」之前同我一齊打選拔賽果個中鋒阿傑對我講

「今次唔關我事阿，唔好屈我呀」我講

「係佢呀，都叫左阿健你快d啦」傻韋brian同阿晴都異口同聲咁話係我

「個個都話係你啦，重唔認，宜家認重有得救」嘉豪講

我見阿晴楚楚可憐嘅眼神望住我，我只可以食左個死貓佢

「係我遲，唔好意思」我講

「算啦，今日抽籤好日子，唔罰你啦」嘉豪講

「多謝隊長！」我回應

我地坐低左，嘉豪同阿傑先發現多左個人。

「你咪係5B班嘅陸詩雅,點解你會起到㗎」估唔到詩雅起學校真係咁出名，連隊長都識佢

「本身阿健約左我食飯，之後先記得約左你地，所以叫埋我一齊食」詩雅講

隊長用仇視嘅眼神望住我，睇黎佢都係詩雅嘅fans黎，我見過呢個眼神好多次。

坐低左之後我地開始傾下比賽d野。

「今年你地三個第一次打，你地三個應該唔係太知學界有咩勁隊」嘉豪對我地講

「等我講下啦，傳統勁旅有幾間，佢地年年都4強，所以抽到佢地基本上可以番鄉下啦」brian講

佢繼續講「分別有金州中學，內華中學，伊利諾中學同上界冠軍多倫多中學」

「金州中學.....」我記番起之前打街場比佢屠嘅果個阿威好似就係金州中學

「之前打選拔賽果個anson去左金州中學打」我講

「咁睇黎今年佢地又強左好多」嘉豪講

「講咁多都無㗎，我地一定會打低曬佢地嘅」傻韋又開始病發

「阿健，你一定會贏㗎」詩雅對我講

「盡力啦」我應佢

「好啦食完未，食完比完錢就起行啦」阿晴突然企起身講

比錢嘅時間我比埋詩雅個份又比嘉豪串「好彩無囡姐，唔洗比多份」

點知brian衝口而出「阿晴你幾時搵個男朋友請你食飯呀」

佢都知自己講錯野，馬上收口

「詩雅唔係女朋友，係好朋友姐」我馬上澄清

詩雅聽到我講都有d唔開心，雖然表面上無野但係我知我都講錯野。

阿晴見場面有d尷尬就話「好啦，再唔行就無車啦」

我地一班人聽到之後就走去等車。

「阿健」詩雅拉住我衣袖對我講

「唔好意思，我......」我唔知講咩好

「我知㗎，你見到阿晴起到。我知你鍾意阿晴，但係都唔可以奪取我愛你嘅權利」佢一講完就錫左我一下

行左去車站嘅隊友見到咁嘅情況都廢事阻我

「我番工先」佢一講完就轉身離開，我咩都未講

「過黎啦」傻韋大叫

我聽到佢大叫我先回神，行番過去。

成程車佢地都有講有笑，唯獨我一個人一聲不響。

「做咩呀，係咪掛住小雅呀」阿晴坐過黎笑住咁講

「唔係呀，我有好多野煩緊」我就係最唔想佢問我

「講黎聽下，可能講出黎會好d」佢對我講

「我......」我講到口邊，但係又講唔出口

「我地都好想知呀」brian佢地成班人走黎偷聽

「你地好八掛呀」我笑住話佢地

「笑番咪幾好」brian講

終於到站，我地就走左入會場。

「阿健，估唔到你真係打到入黎三十二強喎」金州中學嘅阿威走左過黎同我講

「今次唔會同街場一樣」我認真咁同佢講

「咁就努力掙扎啦」佢一講完就行番去隊友到

「你識佢㗎」嘉豪問

「食野果陣咪講過下識佢」我講

「叮....叮....叮，有場嘅同學請注意，請派一個人過黎抽籤。」廣播


「隊長你去啦」brian講

「好啦」嘉豪邊講邊行過去

過左半個鐘後，嘉豪番左黎。

「點呀，我地有無撞到強隊呀」阿晴問

「我地三十二強打新奧爾中學，佢地都係8強嘅常客」嘉豪講

「咁輕鬆啦」傻韋講

「但係今場真係贏到嘅話，我地下一場就應該打金州中學」嘉豪講

「唔係呀」brian講

「打低左眼前嘅對手先算啦，加油呀」阿晴講

就起呢一個氣氛環境下我地坐車番番去自己屋企。

啱啱想行去坐車番屋企嘅時間，手機震左震。

我望下手機見到詩雅send訊息黎

「抽籤抽成點呀」

我覆佢「應該無問題嘅」

「番工就唔好玩手機呀」我再send 比佢

「好快就放工啦，放完工重要去溫書」佢覆我

係喎，我差d又唔記得左要考試，星期六中午要打比賽，但係補多幾堂就打唔到啦，今日已經炒左科。

我記得傻韋話詩雅年年第一，咁不如試下叫佢教我啦

「你等等有無時間」我send 比佢

「放工之後ok嘅，做咩」佢回我

「可唔可以教我讀書」我再send

「當然可以啦，一齊搵無咁悶」佢回我

「咁我坐車過黎等你放工」我回佢

我見到咁嘅天大喜訊，當然跑過去坐番學校附近嘅車。

行到過去車站見到阿晴一個人等車，佢都好似見到我行過去佢果面，所以招手叫我過去。

「你做咩坐呢邊車嘅，你都唔係住呢邊」

「我去搵詩雅....溫書....」我斷斷續續同佢講

「哦」佢對我講

「我再炒落去星期六場波可以唔洗打啦」我對佢講

「加油啊，無左你，我地會好難打㗎」佢對我講

講完之後，啱啱有車黎，我同阿晴坐左去小巴雙人位。

「話說啱啱起巴士上面你話過你有野煩緊，其實我都有野煩緊」

我估唔到平時開朗活潑嘅阿晴都會咁講。

「你都有野煩？」我真係估唔到

「可能平時我都係用開朗活潑嘅形象黎視人，但係真正嘅我根本唔係咁」

我都係第一次見佢係咁，由第一次見到佢，佢問我鍾唔鍾意籃球開始，我就比佢陽光開朗嘅性格令到我鍾意佢。

「唔理你係點都好，你就係你，我相信第一次見面就會問我鍾唔鍾意籃球嘅人唔會係假嘅」我認真同佢講

「我雖然唔係真係識左你好耐，但係我就係因為咁所以...」我都係講唔出我愛你三個字，可能我個心重有第二個人。

「阿健..你」

「你完全唔了解我」佢突然咁同我講

「我講錯左d咩，唔好意思」我馬上道歉

就起咁嘅環境下，為持到落車。

落車之後我同佢又再分道揚鑣，我走左去等詩雅。

幾個鐘後，詩雅放工，我走左過去搵佢。

「阿健，做咩睇落去咁唔開心咁，係咪驚聽日唔合格呢」佢同我講

「唔係呀，啱啱發生左d野，唔知點解阿晴好似嬲左我咁」我覆佢

「我唔知你地做咩，但係你重有我嘛，開心d」佢邊講邊攞左件草莓蛋糕比我

「突登留比你㗎，食完希望你開心d」

「多謝你」我攞左件草莓蛋糕放入口

食食下見到有d野用保鮮紙包住放起蛋糕入面。

我攞起佢，發現原來係個護身符黎

「詩雅你...」

「點呀，整得靚唔靚，啱啱我親手整㗎」佢對我講

「希望可以保你球賽又贏,考試都pass啦」佢又講

起呢一刻我抱緊詩雅，第一次主動咁錫左佢。

「阿健」

「我愛你詩雅，你可唔可以做我女朋友呀」一句簡單嘅說話我啱啱對阿晴我講唔出口但對詩雅就輕易可以講出黎。

「你唔係...」佢講

我無比係講，直接拖住佢行去坐車。

「阿健，你唔係話要溫書咩做咩上車」佢問我

「係喎，掛住行都唔記得」我笑住回佢

「咁不如上我屋企溫書」我對佢講

「可以咩」佢又問

「我都係第一次帶女朋友番屋企，我估得掛，反正我同家姐兩個人住，佢唔會阻我嘅」我講

「咁好啦」佢講

上到我屋企，我都係第一次叫人上我屋企。

「你屋企幾亂喎」佢笑住講

「咁多年都無汁過」我都笑住回應佢

之後我地走左去放滿垃圾嘅枱上面溫書。

過左一陣我家姐番左黎。

「哇！死仔唔早講有人上黎，汁下屋嘛」我家姐對我講

「扮咩姐，都唔會汁啦」我笑佢

「死仔」佢講

「你地兩個人感情真係好」詩雅講

「邊到好」我同家姐一齊講

「好啦，認真下先，正式同你介紹佢係我女朋友叫詩雅」我認真同家姐講

「呢個靚女係你女朋友？話說詩雅嘅個名...」佢回我

「佢就係你細個成日提果個詩雅」佢又再講

「係呀」我講

「好啦好啦，記得戴套呀，我會扮聽唔到㗎啦」佢講

我同詩雅臉都紅曬，我對家姐講「唔好誤會呀，佢上黎教我溫書炸」

「知啦，心照啦」佢講完就走左入房

「我地繼續溫書啦」我對詩雅講

「好呀」佢講

就係咁，我地就溫到夜晚，佢溫到訓著左，可能教我教到太累。

我抱著佢去我張床訓，宜我就起張床格離張枱到溫書。

溫溫下我都比睡意吸引，訓左落張枱到。