風之軌跡（校園，戀愛，籃球）: 風信子

「死得未呀」開門聲伴隨住一把熟悉嘅聲音

「死左啦，落黎陪我啦」我覆番佢

「重識講笑，你應該無事啦」傻韋行左入黎病房講

估唔到琴日場波完左之後我會入醫院，之後驗出我原來係韌帶拉傷，好彩無斷到，但係醫生叫要休養一個月到。

「點呀，無事嘛，琴日你一跌低果陣我地吓左一跳」阿晴講





「你睇下你幾好，你一有事我地幾個第二日就黎睇你啦」brian講

我望左下佢地，只有傻韋、Brian同阿晴黎左，唔見詩雅起呢到。

「話說你傷成點呀，我估你應該打唔到星期六對金州中學嘅比賽啦」傻韋講

「醫生話最少休息一個月呀，但係今場輸左就......」我講

「你唔好諗住黎打呀，我唔會比你出場㗎」阿晴講





「好啦好啦，唔好講呢d野先啦。啱啱考完試，準備聖誕節放假，睇黎阿健你差唔多可以直落放長假呀」brian講

「係喎，過多兩個星期聖誕啦，唔知會唔會好似上年咁呢」阿晴講

我用疑惑嘅眼望住阿晴問「咩上年咁呀」

「我地籃球隊幾個人上年搞左過旅行呀，去左長洲挽左幾日」阿晴講

「好似幾得意喎，有我一定參加」傻韋講





「反正都係去，不如去遠少少去台灣啦，台灣機票又唔貴d野又平，最重有係我女朋友阿玲幾日前話想去....」brian講

「唔錯喎！等阿健幾日後出院就plan下啦」阿晴講

我地一直傾一直傾，好快就差唔多夜晚。

「好啦，都差唔多係時間走啦。阿健你保重啦，等你幾日後出院啦」阿晴邊講邊由袋中攞左一束花出黎放起我左邊個花瓶到

「幾靚喎，咩花黎」我望住果幾支白色嘅花問

「唔知呀，頭先經過花店見幾靚所以買上黎」阿晴講

「再見」佢地幾個向我揮手之後離開病房。

我望住個天花板，無野可以做嘅我只可以發呆，發發下呆又進入夢鄉。





訓左一陣，我聽到左邊有聲，我就望過去果邊。

「唔好意思呀，係咪嘈醒左你呀」詩雅坐左起格離同我講

「你黎左幾耐呀，你黎左做咩唔叫醒我呀」我同佢講

「黎左一陣姐，你食左野未，我整左野比你食」詩雅邊講邊攞出黎

「未呀，講起都有d餓」我講

我邊食邊問佢「咁夜先黎嘅，係咪有咩事呀」

我見到佢眼神晃忽諗左諗先講「啱啱有野做，所以夜晚先黎得」





佢睇黎想轉換個話題所以佢問我「今日有一上過黎？有束風信子起到嘅」

「風信子？你話束花呀，啱啱傻韋佢地黎過」我講

「係喎，阿晴今朝都有問我一唔一齊去」佢講

「啱啱都傾左好耐，我地重話聖誕一齊起旅行呀。問定你先，一唔一齊去呀」我笑住問佢

「聖誕節...」佢眼有淚光，忍左一忍結果都係忍唔住，佢抱住我喊。

「做咩呀，乖啦唔好喊啦」我一隻手抱住佢一隻手摸佢個頭

好快咁佢平伏番心情，好似咩都無發生過咁對我講「聖誕節ok呀，反正無野做。」

佢再講「今日心情唔係太好，我走先，對唔住阿健」





「唔緊要㗎，幾時我都會起你身邊」我講

佢聽到我講之後就轉身離開病房。我唔知佢點解喊，但係我知一定唔係小事黎，佢唔會因為小事喊，佢喊親都係同我有關....

我決定唔理住等之後旅行先算，食完個飯，望住束風信子慢慢進入夢鄉。