風之軌跡（校園，戀愛，籃球）: 愛情小說
鈴..鈴..鈴，我電話個鬧鐘不斷響起。
起醫院住左幾日，終於可以番屋企。由於我康復神速，日日都做物理治療。好快就可以番屋企同埋要番學啦，星期五都要番學是否可悲。
我攞起個電話關左個鬧鐘，見到詩雅wts佢已經留下等緊我。所以我都攞起支拐杖馬上刷牙洗臉換衫，9秒9衝出門口。
一打開升降機門，佢見到我就馬上過黎扶我。
「唔洗扶我啦，我自己一個都行到。我宜家跑都跑到呀，可以去籃球場打波都得呀」我講
「你唔好打波呀，比我見到你打波我就以後都唔彩你呀」詩雅講
「講笑姐，講笑姐」我把口雖然咁講但係我真係好想聽日打金州中學果場波。
「聽住先啦」佢講完之後繼續扶我
講下講下好快就番到學校，去到學校門口就見到熟悉嘅背影。
「傻韋！今早呀」我對門口嘅傻韋講
「唔好咁大聲叫我呀」佢細細聲同我講
「做咩呀，鬼鬼祟祟咁，做緊衰野呀」我講
佢指一指前面果個女仔同我講「我鍾意左去好耐，健大神可唔可以幫下我呀」
我望左個女仔一望，佢少少啡色嘅長頭髮，d頭有d倦。外表唔算話係模特兒嘅級數，比起詩雅同阿晴差少少但係都算係一個靚女。身高目測同傻韋差唔多高大約米六多少少就米七。身材方面目測同詩雅差唔多唔大又唔算細。
「你咁嘅性格邊到會成功呀，連走過去都驚」詩雅講
「關你鬼事咩，邊個話我驚呀，我係未準備好炸，準備好我就直接黎了啦」傻韋講
「啱呀，你次次都直接表白，係女仔都比你吓走啦」詩雅講
「唔好理佢呀，健大神！教我溝女呀」傻韋對我講
我望一望詩雅諗左一諗我就同傻韋講「我唔識溝女呀」
「扮咩呀」傻韋用失望嘅表情對我講
「好啦，上課室唔好理佢啦」詩雅講完之後扶住我走
去到課室門口我就同詩雅分道揚鑣，我行番去我個位到。
「阿健你可以番學嗱，咁我地又可以討論去旅行啦」阿晴對啱啱坐埋位嘅我講
「打埋聽日場球先啦，無左阿健你都唔知點打」brian講
佢一講完個氣氛馬上沈左。
「大家都唔想嘅，今次唔得咪下次」阿晴安慰我
「阿晴你都知今年之後隊長就畢業，少左個人唔係咁易好似今年咁」brian講
「唔好意思，可能呢幾日練波練到傻左，當我無講過」brian邊講邊轉番個人去前面。
「唔好理佢，我估佢講笑姐。我都知大家壓力好大，唔好放起心入面」阿晴對我講
「知㗎啦」我把口就咁講，但係我個心係好想打聽日場波
今日成日嘅堂都好快上曬，主要係我完全沒留心聽，考完試上嘅堂基本上都係講廢話。
到左放學，阿晴同brian去左留下操場練波，宜詩雅又要番工，得番我一個人。我落放睇佢地練波我又怕我自己忍唔住打，無野做又唔想番屋企嘅我走左上學校嘅圖書館。
基本上我番學咁耐以黎都無咩上過圖書館，功課果d讀書報告都係自己作出番，完全唔洗睇書。
我起圖書館行下，見到有講籃球嘅書我得攞上手睇，睇下睇下先發現係愛情小說黎，一向唔睇愛情小說嘅我都比佢入面講籃球嘅部分吸引左，企左起到睇。
睇下睇下我依稀聽到左手邊有一笑左一下，我下意識望過去發現就係今朝傻韋話鍾意果個女仔。
佢見到我望佢，佢馬上對我道歉。
「唔好意思，我見到你手上個本..」佢對我講
「我見好似幾好睇所以睇左幾眼」我講
「幾好睇！多謝你呀」佢講
「多謝？點解我睇本書你要多謝我呀」我成頭黑人問號
「.....本書係.....我寫㗎..」佢停下講下咁，見到佢咁我都忍唔住笑
「估唔到我地學校有作家喎，多多指教呀」我笑住講
佢見到我咁講以為我笑佢，佢馬上走左出走，我見到咁嘅情況馬上放低本書追左出去。
「唔好意思呀，你唔好誤會我無笑你呀」我講
佢聽到之後停低問我「真係？」
「係呀，你本書幾好睇呀，我雖然對愛情小說唔係太認識，但係籃球方面我應該算由細睇同打到大」我講
「我都係第一次寫運動類嘅野，本身唔係太識籃球，都係試下寫炸」佢講
我諗返起傻韋佢地打緊波，唔好話兄弟我唔幫你「我都係學隊黎，不如我帶你落去睇佢地練習同你介紹下籃球幫你攞下靈感呀」我講
「真係得？我之前經過都有睇過你打校隊選拔賽有你介紹我一定會寫好d㗎」佢合十雙手好似拜託我咁
「行啦」我講完之後就同佢番到去操場。
「傳呀，傳波呀」傻韋叫替補我嘅控衛傳波
點知佢無傳到自己射左出去重要炒埋
「識唔識傳波呀」傻韋邊講邊坐起地下到
「無左我就唔識打波呀」我大叫同傻韋講
「你都痴.....」佢見到我格離個女仔佢馬上收左聲
阿晴走左過黎講「阿健，你唔係想打波呀，詩雅叫我一定要防止你㗎」
「我唔係黎練波，我係黎教人睇波姐」我講
「你好呀，我係3a班嘅陳映雪，叫我小雪就得啦，多多指教」佢講
「我都係啱啱先知你叫咩名炸」我笑住講
「阿健你又走去識女仔，等我講比詩雅知」阿晴講
「我地無野㗎，唔好屈我」我講
「好啦，信住你先啦」佢講完就走番過計分板到
「我估唔到你中三炸」我講
「中幾有咩關係喎，教波啦健sir」佢笑住講
我聽到佢叫我健sir我笑左出黎
過左一陣，佢地都練習完，我都講左我耐波。
「阿健，得唔得閑呀過黎一陣先」傻韋好正經同我講
我望左下小雪，佢點左下頭示意ok
我過左去，佢馬上同我講「多謝曬呀健神，都話你好人啦，咁都比你叫到佢黎」
「之後點就睇你自己啦，幫你唔到啦」我講
「ok 」佢自信滿滿咁講
我地行番過去，小雪同我地講「咁快講完嘅？」
「講下廢話姐，好快講完」我講
我見傻韋目定口呆唔知講咩好，我唯有再幫佢，我同小雪講「聽日得唔得閑呀，聽日打學界比賽，我相信你一定會有好多靈感㗎」
「聽日....應該無問題，我地交換wts方便聽日呀」佢講
我攞出手機比佢入wts,我格離嘅傻韋用羨慕嘅眼神望住我。
「唔係喎，我唔知我會唔會準時，不如你比埋佢，方便聽日啦」我指住傻韋講
「好啦」佢講
搞左一大輪，終於可以離開學校。我send 左個信息比詩雅同佢講我上去等佢收工，佢話我受左傷重黎等佢收工係咪傻㗎。
行到上去見到詩雅，佢馬上過黎扶我。
「都叫你唔洗黎，睇住自己身體呀」佢講
「得啦」我講完之後拖住佢隻手行去坐車番屋企。
「我啱啱幫傻韋佢溝女，我估佢成功呱」我講
「佢次次都失敗㗎，你幫佢唔到」詩雅講
「試一百次總有一次成功嘅」我笑住講