風之軌跡（校園，戀愛，籃球）: 遊樂場 上

好快我地叫嘅甜品就已經到齊曬，當然我嘅草莓蛋糕都好快比阿晴同詩雅分左屍啦。

「阿健你對晴姐姐同詩雅姐姐佢地兩個都好好，有咩都比曬佢地。」阿雪細細聲對我講

「我本身都無咩野想要，佢地兩個開心咪幾好。我對個個都差唔多。」我講

「咁...如果係對我呢？」小雪更加細聲咁講

「一樣呀，你開心就好。唔止你，傻韋呀brian呀嘉豪呀，我都一樣。」我好認真咁講





本身小雪聽到我話對佢同阿晴詩雅一樣個陣佢馬上開心起黎，但係一聽到我對佢同傻韋佢地一樣之後馬上表現得神情低落。
佢扮無事發生，對我笑一笑之後繼續食甜品。

「食飽曬啦，之後去邊好呢？」阿晴食完甜品心情好好

「唔知呀，我地繼續行下睇下有咩挽下」詩雅講

我地幾個人繼續行下，沿途都買左d手信，直到行到百貨公司上層嘅地方見到有個好似冒險樂園嘅地方。

「去挽下都好喎」詩雅講完之後已經拉住阿晴跑左去，我同傻韋小雪都跟上去。





「我都唔知詩雅你鐘意打機」我對行緊去跳舞機嘅詩雅講

「嘿嘿，阿健同我一齊挽呢部機」詩雅笑住講

我望一望部跳舞機係可以兩個人挽而且仲有兩部機起到，唔好話我唔比機會你呀傻韋。

「不如黎個比賽，我地分兩隊邊個輸就請野飲。」我講

「都好喎，但係我地五個人點分兩隊」阿晴講





「我同阿健一隊傻韋同小雪一隊，阿晴你每次揀一隊入」詩雅都比曬機會傻韋

「好呀好呀，小雪我地一定贏」傻韋都把握機會

小雪望一望我，之後點頭同意同傻韋一隊。

「今場跳舞機我就支持阿健詩雅兩個，我揀佢地贏。」阿晴講

我第一次挽跳舞機，完全唔識挽，睇落似係跟住螢幕跳就啱啦。我地兩隊人㨂左同一首歌，我對音樂唔熟，完全唔知咩黎。

「開始啦」詩雅指住螢幕叫我準備

我望著螢幕嘅動作，我完全跟唔上，好似小兒麻痺一樣。





「阿健，一二一二隻手啦，小兒麻痺呀」傻韋邊跳邊笑我

我又估唔到傻韋又跳得幾好，相比之下小雪同我一樣都係咁廢。

「跳咁慢開追悼會啦」傻韋繼續嘲諷我

「黎啦，贏佢地」詩雅拉住我隻手帶住我跳，成個畫面有d奇怪。

「傻韋，我地唔可以輸比詩雅姐姐」小雪唔知點解突然氣勢如虹。

首歌差唔多完，我地兩隊人分數好接近邊隊贏都唔出奇。傻韋鼓起勇氣一手拖住小雪完成最後嘅動作，而我地呢邊就算詩雅再勁都好，我實在太廢，到最後做唔到個動作。

「阿健輸你呀，等等輸嘅你請呀」詩雅鼓起泡腮對住我講

「我地贏左詩雅姐姐啦」小雪好興奮咁講





「下一個遊戲贏就得啦」詩雅講

「好啦，睇下下個遊戲挽咩啦」我講