誰搬走了我們的半塊芝士: [第二章]第九十七集：被選中的人

如果要問我一個叫Copper的鬼佬高層為什麼會睇中我，當時我實在是諗兩晚通宵都唔明，假如話佢睇中我菊花既話……

講真，對當時正處於絕望既我黎講，如果爆個菊可以改變到現狀既話，實在係爆多幾次都無所謂，好好彩地，佢唔好依味野，如果唔係我應該已經走上了另一條死路了。

第一次見到這個鬼佬，我的感覺是『麻鳩煩』，因為每次有這種管理層來到，經理都會由好煩，變成好撚鳩柒煩，做乜都要執正D，真的好唔自在。

明明原本已經整包整到成個機械人咁，而家個經理重要嫌你D眼耳口鼻阻掟，正頭最好連個人都消失埋，留返隻機械臂係度算，最好個個包都整到一模一樣添。





我真係想同佢講……

屌你老母臭閪！講到咁鳩勁，你自己整囉！

但點屌都無用，因為實際整包果個點都唔會係佢，所以佢鐘意講到幾口響都無問題。

我唔同佢，我只係個齒輪，唔聽話既話隨時都掉得，可以取代我既替換品，要幾多有幾多。

相信好多人清楚一件事，當面對絕對唔可以犯錯既時間，柒頭神通常都會睇準時機，係依個時候敲門。





適逢今日鬼佬唔知有心定無意揀正最忙，冧哂檔既時候黎睇場，我地同柒頭神之間就好似忽然多左兩塊話大鏡咁，代表著柒頭神既聖光即時變到好似激光槍咁勁，想唔中招都唔得。

但最好彩係，中招既人唔係我，而係隔黎一個傻仔。

上一秒明明整包整到成個印度佬咁順手，下一秒就成個巨無霸連包帶盒一野車左落地下，連D菜都飛埋出黎，佢塊面即時青過地下D生菜，好淆咁望住地下個包。

見佢好似想踎低清潔既時間，我直覺感受唔到目光既情況之下，本能反應用純熟既腳法，一腳將成堆野踢哂落枱底。

咁做雖然唔多妥當，但至少可以即時解決個問題，只要無人睇到，我多收工執返走就同無發生過一樣。





但佢條傻閪唔明白依個道理，面色即時由青變白，戇鳩鳩咁望住我，我理所當然細細聲一句得埋去：

「你老母做乜企撚左係度啊，喇喇聲整過個啦！」

雖然塊面變左白色，但比我屌一屌，佢終於醒返，當無事發生重新整過個包。

係依個兩面夾攻既情況之下，忽然踎底咁大個動作，咪即係直接同全世界講：我柒左啊！整鳩跌左個包啊！快D望過黎啦！

到時踎底左真係唔撚洗起身，幫人含撚含到甩骹都唔撚惦喇。

但下一秒，我不經已回頭，發生原來有條友笑笑口望住我……

頭先一系列既事件都比佢睇到哂喇，屌你老母……

而且好衰唔衰，佢重要係全鋪最大果條友！唔鳩係個經理啊！係個鬼佬啊屌你老母！今次仆街鳥！





由果一秒之後，我已經放棄諗理由為自己辯護，而係諗緊黎緊搵咩工好，真係一諗起已經唔鳩想做人，望住包上面既魚柳，先發現原來做人係咁痛苦，如果我係條魚，做錯野只需要做一件事，就係走！走唔到就變魚柳包！真係非常簡單，唔似得做人有咁多責任要揹……

當時咁諗完……我就一塊芝士鋪左上去……唔係喎…我又有印象係鋪緊半塊芝士……

一塊Or半塊芝士，that is the question！只可惜我而家完全記唔起！

雖然我而家攪盡腦汁都記唔起，完全得諗唔到一個肯定既答案。但當時既我根本完全唔在意，一塊半塊都唔會影響我將會有機會比人炒既事實，真係想喊出黎。

我就咁戇鳩鳩過左半日，人流回復正常既時候，我就知道係時候要受死了……

果然，無幾耐之後，咁岩頭先整跌包果條撚樣一去左屙屎，鬼佬就過黎搵我傾計。佢開口果時我已經預左比人屌，唔止我，其實每個注意到佢行過黎既蛋散（除左個傻閪經理嚇到賴啊哂屎）都食定花生，等睇我點比人屌，雖然佢地都唔知我衰乜野，但見到有人比人屌就自然好興奮，始終人鐘意睇人仆街，依個係萬古不變既定律。

點知佢走過來第一句說話，就是用純正的粵語問我：





「你識唔識英文？」

不過當下預左比人屌既我，真係唔知點應佢好，只係話：

「O...Yes...少少咁啦。」

之後佢即刻轉台同我講一大輪英文，再眼定定咁望住我，應該係問緊我野，完全唔知佢講乜既情況之下，叫我點答佢？

所以我都無謂死撐了，唯有成隻死狗咁 同佢講：

「其實我唔知你講乜，真係唔好意思，如果你問頭先你見到既事，我只可以Say 句 Sorry。」

佢笑兩聲，然後哄前個頭，用只有我們兩人聽到的聲量細細聲問我：

「點啊？想唔想Promotion啊？」





我眼定定望住佢，心諗佢係咪串緊我，然後佢又笑騎騎咁同我講：

「一個月後我黎搵你，到時你聽得明我講乜既話，到時我就幫你。」之後就頭也不回咁走左去。


一個人無啦啦話帶你升職，重要因為見到我一腳踢個包落枱底而睇中我，真係好鳩大隻蛤乸跳過黎搵我，比起中六合彩更荒謬。

但你問我信唔信佢既話……

無錯，我都唔敢肯定佢信唔信得過，可能佢只係玩鳩我，又或者得左之後唔認數。

但我根本無得揀，當時我既狀態已經同走到絕路無分別，除左信佢之外，已經無其他選擇，而且直覺話我知，依個可能已經係我成世人最大既機會。

下一步應該點做？





緊係去馬啦！

果個月可能係我成世人最勤力既一個月，我拎左成半副身家出黎，買左好多以前覺得根本係戇鳩既英文書同錄音帶，每人都懷住要兜口兜面屌鳩個經理既意志同決心，一日一日咁捱落去……

結果，到最後我真係做到。

「現在的世界，成功人生在於兩成實力，三成人脈，與五成的運氣。如果我能為你帶來後面兩項，第一項你又能夠達成嗎？（英語）」

這就是鬼佬正式跟我說的第一句話，也是我在M記的事業路上所真正踏出的第一步。

在今晚的宴會前，我一直都覺得這句話是發噏風，是上左位的勝利者的凱歌，始終上左位鐘意點講都得，就算話每日食五香肉丁會發達，都一樣有人會信。

但今日我終於明白，鬼佬所講既果句說話唔係五香肉丁咁簡單，而係名符其實既金石良言。

因為這句說話，我成為了M記的區域經理；因為這句說話，我來到了共濟會的晚宴；因為這句說話，我的人生將會迎來更大的晉升。

所以每個成功的人，背後都一定會有自己的伯樂，我如是，可樂人也如是，大家都知道對方在短短的五秒沉默在做什麼。

我們都在將這五秒獻給我們的伯樂。


然後可樂人將抹好的圓框眼鏡重新戴上，萬般感概地說：

「想起來實在有點說不出的情緒呢……由特賣店的T恤，到現在一身XXXXXX（應該是某個名師的名字）設計的西裝，要說是輕而易舉的話，絕對是騙人的吧。也是對我們奮鬥時光的一種侮辱呢……（英語）」

我也笑著呷口雞尾酒，說出Copper那句改變我一生的金石良言：

「『三分天注定，七分靠打拼』這種講法我不太認同呢……我就覺得活到今日，靠的就是兩成實力，三成人脈，與五成運氣。（英語）」

他聽罷有點輕佻地問：

「五成的運氣嗎？那外面坐著的朋友們之所以今日能夠坐在那裡，靠的又是什麼呢？（英語）」聽起來應該有著看不起在座的大佬們的成份吧。

不過共濟會始終是好鳩勁的存在，這是不可動搖的：

「這個我不太清楚了，始終你們人材濟濟，個個都是有著非凡權力，要風得風的大傢伙們。（英語）」

他冷笑一聲，將手中剩餘的小半杯雞尾酒一喝而盡，問出一個大膽的問題：

「假如，他們連兩成的實力都沒有，那還能在這裡出現嗎？（英語）」

這不合理啊，這裡可不是街坊褔利會！而是共濟會啊！如果完全沒有實力的人，又怎會有資格出現在操控世界的神祕組織？

在我的印象也好，阿花的描述都好，共濟會的會員都擁有超群權力，近乎無限財力，是精英中的精英。

此時可樂人輕輕指一下我手上的雞尾酒說：

「你先喝完手上這杯吧。（英語）」

然後看看手腕上一隻貴到我都不知是什麼牌子的皮帶手錶，告訴我：

「還有十五秒就會有人送來一杯新的。（英語）」

聽罷我點點頭，將手上的雞尾酒倒進口裡，繼續沉思著。

我有點看不清可樂人的意圖，雖說按我剛剛的觀察，他這個人也算是傲漫，不過也算是適度，也不至於會擺出現在這種不可一世的語氣。

所以接下來的狀況只有三種，一是可樂人真的比共濟會所有人還要強，二是共濟會的會員比想像中弱很多，三就是可樂人就只是個自大狂。

如果問我的話，我理性上覺得第三才是最合理，可是直覺卻否定這個想法，大腦暫時感到非常混亂。

果然十五秒後，一名侍者真的非常準時地出現，為我們送來兩杯看來不似含有酒精成份，疑似可樂的飲品。

取過飲品，可樂人笑著說：「怎樣？你覺得這裡是靠幸運就可以得到入場卷的地方嗎？（英語）」

我喝一口，果然是可樂，於是順口就說：

「你還真的喜歡自己公司的產品呢。（英語）」

他喝一口，笑著說：「喜歡的話又稱不上，只是酒不宜喝太多，可樂比較有益罷了。對了，那個問題你的看法是怎樣？（英語）」

可能這晚碰得太多酒精，這時候來杯可樂，整個人忽然有種舒暢感，雖然我不認同可樂很有益就是啦。

既然他依然將我拉回那個話題，我就回答：

「啊……或者，如果夠運氣出生在對的地方，餘下的部份應該不是問題的。（英語）」

確是這樣，如果我老豆是李加成的話，毫無懸念已經是人生的贏家了。

而可樂人皺著眉笑，對於我的講法抱有既認同又不忿的態度：

「你這樣說，即是只要夠好運，不管高，矮，肥，瘦，樣衰，靚仔，聰明，遲鈍，即使什麼材能也沒有都好，只要有著非凡的運氣的話，都能夠上到上層，甚至出現在今晚的宴會吧？（英語）」

他想我怎樣回答？雖然聽起來很荒謬，但事實正正就是這樣啊，只要有錢有權有勢，樣唔樣衰，高唔高都已經唔再係問題了。

這是鐵一般正確的，我也否定不了，太過刻意去迎合其他人不是我的風格，所以就老老實實回答他：

「對，假如真的很、很、很好運的話，就算屎忽長在頭上，他一樣可以在今晚出現，之不過這個機會率實在非常、非常、非常低。（英語）」

可樂人輕輕吸口可樂，問我：

「你知道什麼是Lottery吧？（英語）」

Lottery即是彩票，是好像六合彩那樣的東西。

「當然。（英語）」

聽罷我的回答，可樂人又繼續說，我大概都估到他想說什麼了，應該想以六合彩與投胎的機率作個對比吧：

「我以前也有玩過，這東西啊，每期都有人中獎，可是那個人永遠都不是我，但我們也不能否定有人中獎的事實。可能跟投注的人相比，中獎的人是非常少的，但如果要數中過獎的人，即使只計活著的人類，都已經比我們這棟大樓所有人加起來還要多了，你明白我在說什麼嗎？（英語）」

他有意將這大樓裡的人們跟中獎的人扯上關係，應該在跟我暗示，其實共濟會都沒什麼大不了，大家人都只是靠著幸運得到這裡的一席位。

我將這個他所期待的推測說出，引導他吐出更多有關共濟會的事：

「我們這裡的人其實也不太多呢，或者你是不是想說，就算在這裡坐著的人們大部份人都是因為幸運，而不是靠材能與努力，也不是什麼怪事嗎…？（英語）」

雖說他承認這件事都好，一個人的推測還是無法完全證實事實的真確性。

不過空穴來風必有因，肯定有什麼證據，讓他有這種看法，而種種的證據將有助我更加了解共濟會的內部運作。

所以我再度追問沉默了的他：

「確實的真相又是怎樣？難道你想告訴我……這裡就只是個富豪俱樂部嗎？（英語）」


他輕輕托一下那副圓框眼鏡，認真地望著我，下一秒即將就說出真相……