我要係20歲之前，將女神變做女朋友: 第十二節:幫忙

佢依一句已經化解左我一個星期內嘅胡思亂想，諗返起上個星期為左佢一句而亂諗野，令到我覺得自己真係好傻。

我仲未反思完佢就再講:

"你唔係以為我講真呀?你真係好蠢呀~~"

"痴線......緊係唔係啦......"

"你真係好唔識講大話~"



佢見我唔知點應佢就開左個新話題，打破左我地之間嘅dead air。

上左大約一個鐘堂就迎嚟左我地第一次嘅分組討論，每一組都要在一個半鐘之內寫完一份教案。

(教案係根據一個主題再去設計一個遊戲比小朋友，當中要包含嘅野有好多，我就唔詳盡去介紹~)

陳老師講完無幾耐Jaffy就出到去攞左張教案工作紙叫我地圍埋一齊:

"開工啦喂，大家坐過嚟先我地再分工!"



因為一份教案包含左好多part所以分工做效率快，但亦都有一個缺點就係內容會鬆散。

當然Jaffy亦都注意到所以分完工之後佢再加多左一句:

"每個人做完自己個part我地再拎出嚟一齊討論，因為我怕做完會有太多野唔同同唔夾~"

我地分完工之後就返到自己位開始各有各做，我果部份算係比較容易嘅一part，所以我好快就搞掂左。

我望下我女神張紙佢依然一隻字都未寫，我見佢望住張紙望左好耐都落唔到筆，所以我就主動幫下佢:



"點呀妳?諗唔到點樣寫?"

佢尷尷尬尬咁點左下頭，我就拎左佢張紙幫佢做，老實講女神做嘅依一部份真係好難，我都要諗一諗，我隨手拎左個藍芽耳機塞住一邊耳仔開始諗。

佢見到我依個舉動就問我:

"你要戴住先諗到野?"

"都算係呀，我鐘意聽住歌諗野，聽住會令我個腦轉得快啲。"

"好得意喎妳，我都係第一次見人有依個習慣。"

我笑一笑就繼續幫佢做埋果一部份，而佢就係側邊望住我先。

大約過左十五分鐘左右，Jaffy就叫我地就算做完未都好攞哂過嚟先，我岩岩好寫完最尾一隻字。



Jaffy自己睇哂我地寫嘅野一次之後就比我地輪流每人睇一次，當我地所有人睇哂之後佢就問有無人覺得有野要改，其他兩個組員同我女神都擰頭，得我講有野要改。

如是者我就一直同Jaffy修改同整合成份教案，經過完兩個鐘嘅折磨我地兩個終於搞掂哂成份教案交出去，返到埋位Jaffy同我講:

"辛苦哂你啦阿冬!"

"妳都辛苦啦，始終第一次寫教案係多甩漏。"

我地亦都係第一組完成份教案，所以陳老師就放我地食lunch，而其他組做完先可以放飯。

今次我地組相隔第一次之後終於齊人食飯，沿路上我女神同我講:

"唔該妳頭先幫我做果一part，唔係嘅話我都唔知要做幾耐。"



"少少野啫我都係求其寫啲野~"

佢又一次對我笑一笑就走左上前同其他女仔傾計。



(其實我好想同返佢講，妳係第一個發現我有依個習慣嘅人，可惜嘅係.......)