第二日朝早返學嘅時候咁岩係樓下撞到小櫻,佢見到我之後就好興奮咁拉左我去幽會,坐都未坐低佢就問我:

"尋日見妳地兩個傾得好開心喎,都話左係你自己諗多左架啦!"

"原來真係我自己諗多左,佢真係同我講笑。"

"咁咪好囉見你開心返我就安心好多啦!"

"係喎,你可唔可以講下點解妳成日都咁留意我?"



"行啦,夠鐘上堂啦!"

小櫻直接迴避左我嘅問題,我亦都無追問落去。

返到課室我見到一個奇景,我女神竟然早過我返到:

"喂早晨喎,乜妳今日咁早返到呀!"

"早左出門口嘛~你不嬲都咁早到學校?"



"係呀我慣左早十五分鐘到,玩下手機聽下歌,廢事老師早到講啲重要野無聽到。"

"你又岩喎,咁如果老師早到但我又未返到嘅話你記得講翻佢講過嘅野比我聽啦!"

"緊係會啦!"

我突然間醒起一個問題想問佢:

"係喎我想問妳呢,點解上星期四唔同我坐嘅?"



"吓,做咩無啦啦咁問?"

"無呀.......純粹問下啫........."

"我見Jaffy坐左係妳隔離嘛,唔通叫佢起身讓個位比我咩,咁多女仔想同你坐邊有機會輪到我,~"

"都係得Jaffy一個啫,邊有好多女仔喎!"

"你唔係因為我唔同你坐以為我唔鐘意你呀?"

"點會呢,我同邊個坐都無所謂~"

"咁頭先你又咁樣問我?你呀真係唔識講大話~"

我印象Katarina話我唔識講大話已經講過好幾次,究竟係我真係咁唔識講大話?定抑或淨係對住佢我先係咁........
已有 0 人追稿