〔純愛〕從未嚮往的愛情，降臨在我身上？(外傳1、2已出): 第六十章

「之後我跟咗你翻屋企換校服…點知Angela係你屋企訓緊教。」她撇了撇嘴，道。

「佢竟然早過我訓你張床…哼！」她看著我，臉帶不滿地道。

「唔好咁介意啦…呢啲野。」說實在的我也不清楚這些事有什麼好計較的。

她「哼」了一聲後，繼續道：「之後Angela搭巴士既時候係咁同你傾計，我有啲唔開心，唔知點解。」

「之後落車，我見到Angela撟(即挽)住你隻手，同你有講有笑，我個心好似比人掏空咗咁…」



「可能呢個時候我已經鍾意咗你。但係喺你阻止我飲酒開始，係你送我翻屋企開始，定係你救咗我開始，我都唔知。」她微笑著道。那是回憶起美好事物的微笑。

「之後我行樓梯果時唔小心仆親，你空出黎果隻手諗住扶我，但你又設想到你會掂到我心口，情急之下推開咗Angela，用雙手扶我。」她繼續回憶著，說道。

「之後Angela跌親，流曬血，傷口好嚴重…仲開始喊。但我睇得出，佢喊唔係因為佢痛…」

「我睇得出…佢鍾意你。」她續道。

什麼？



不會的吧，她不是當我是哥哥嗎？

那不是…單純的兄妹之情嗎…？

我愣著，沒有說話。

的確，她流下我不能理解的淚的時候，實在太多了。這樣一來…一切都解釋得通了。

「我開始諗，係咪Angela先應該係同你相愛果個，而我係一個後來居上既人，我先係無啦啦插入黎既第三者。又或者，其實你只係當我係朋友呢？當時我自己走咗，坐埋一邊，係咁諗，係咁諗…」



「最後我得出既答案，係是。當時我發現我鍾意咗你，我覺得…我仍然係不被需要既一個人。」

「我想去四圍睇下，因為我清楚人生唔係得愛情，我想周圍睇下其他人點過生活，搵出更值得我活既野。」

「之後發現你跟住我，我冇理你，諗住你好快會走，點知你跟住我行到去觀塘。」她笑了笑，道。

「講真，我果次行咗咁耐，搵唔到值得我活既野。街上面周圍都係圍埋一堆既中學生；兩個人並肩而行既情侶，無論老幼；又或者係家人。」

我想說些什麼，但還是先等她說完。

「我冇幾個交心既朋友，就算係鍾梓欣…我都唔可以同佢敞開心扉咁傾心事；我冇愛情；我冇家人。我根本搵唔到值得活既原因。」她雙眸斜看著地上，眼神中帶著些許憂傷。

「唔係咁架。」我終於忍不住插話了。「就算你當時冇愛情，你仍然有友情，仍然可以識到朋友，學校咁大，一定會有一兩個志同道合既人。你話冇家人，但你係咪唔記得咗當你係女咁錫既古箏老師？你係咪唔記得咗你鍾意既古箏？」

她看著我，怔住了幾秒。



「當時我冇去再輕生，因為我發現仲有你呢個傻仔跟住我，帶我去睇海，比咗繼續活既希望我。」她甜笑著道。「但估唔到，你今日仲可以比到第二個『活下去』既答案我。」

可惜矛盾的是，對於自己，我找不出這些答案。我的答案就和當時的她一樣，只有愛情而已。

「當時我問你點解你要咁緊張我，你話因為我係你朋友。」她笑了笑。「你行動既原因真係單純。」

「仲記得我暈船，又嘔咗落你度，你第一時間唔係清理自己身上既野，而係去咗幫我借暈浪丸。」她仍然笑著。

「你仲唱咗首酷愛添。」我笑道。

「唔好再提喇…唱得好差啊。」她臉上一紅，推了推我道。

「之後你帶我睇天空，你話會一直陪住我。」她笑得極其燦爛。



「之後我地去食糖水，我餵你先，唔提你你都唔識餵我既。」她笑道。

「之後真係激死我喇！」她打了打我的胸口，不得不說，還挺用力的。

「上小巴之後，你好似轉彎果時咁一直捉住我唔好咩？係都要放開，仲問我咩事，蠢到死啊你！」她不斷打著我的胸口，但這次輕力了些。

「原來你嬲呢樣…」我笑了笑。「之後你發空罐脾氣，跌親，我仲揹咗你翻去添。」

「當時一點幾你仲話要搭地鐵翻去，我咪叫你留低囉。之後我同你講咗好多野…喊得攰到訓著咗添。」她笑著道，似是在自嘲。

「第二朝你郁咗下，我醒咗，但太眼訓又訓翻，半睡半醒。」她道。

「話時話，我半睡半醒果陣，見到你偷裝我件衫入面架！」
————————————————
琴日既份，今日既份大概會半夜或者聽朝更新。