〔純愛〕從未嚮往的愛情，降臨在我身上？(外傳1、2已出): 第六十一章
「下！？」我愣了愣，回想起當時的情況。
啊...我的確有做過這種事...
一想起，我的臉「刷」的一聲紅了起來，急忙解釋道：「唔係架，當時我...」
說到一半，卻說不下去。
因為我的確有做啊...亦沒什麼冠冕堂皇的原因。
「哼，你個死變態！」她笑著打了打我肩膀，沒有用力。
「我...」百口莫辯的我，不知該說什麼好了。
「等我將你呢個鋼琴天才既所作所為公諸於世先！」她笑了笑，道。
「唔好啊喂...我...呃...」我想阻止，卻找不到理由。
「講笑咋！有咩所謂wor！我而家都係你...女朋友了。」她笑了笑，隨即臉上一紅。
她臉紅的樣子，比誰都要可愛。
我一把摟住她，笑道：「係架，你以後都係我既人黎架喇！」
「唔好咁得寸進尺啦，人地幾時有咁話過啊！」她害羞地拍了拍我，卻掩不住臉上的笑意。
「之後我見到你為咗清醒啲定唔知點解啦，係度撞隔離個牆，撞到我訓唔落。」她笑了笑，道。
「之後叫你刷牙，你就驚同我用同一個牙刷，仲要係我逼你刷。」她不斷笑著那時的我。
「之後你話要走，我想你留低陪我，問你食唔食早餐，本來諗住食埋就比你走，點知我都係叫咗你陪我行街。」
「叫咗你陪我行朗豪坊，一路上你係咁無啦啦搖頭唔知做乜咁，好好笑。」
「你陪我去睇衫，睇咗好耐發現自己冇錢，你話可以借比我，點知你自己又冇錢。」她說到這裡，「卡卡」地笑了起來。
「你得100蚊，我經過夾公仔機見到Hello Kitty好想要，你用咗三十幾蚊黎夾比我。」
「之後去咗格仔舖，買咗簡單到冇得再簡單既一對手錶。」她再次甜笑了起來。「係情侶錶，我地第一樣成對既野。」她說著，晃了晃正帶著的那隻手錶。
「我話我肚餓，你帶咗我去間少人既店，你驚一份兩個share我唔夠食，同個全港八強既大叔捉象棋，記得你認真個樣…好型。」
「估唔到，你最好真係捉贏咗。」
「之後去咗睇高級餐廳，撞到我既古箏老師，佢講到我唔學古箏太可惜既時候，你見我唔想答，少有咁插話打斷我地。」
「之後去咗睇老師既鋼琴表演，果次睇完，你問洗唔洗送我翻去，我話唔洗，但果次你終於識得問我係咪真係唔洗。」
「送我到樓下，你話要走，我諗住留你…但都係冇。」
「果晚我訓唔著，幾經辛苦等到第二朝先whatsapp你，你話要陪你阿媽…」
「當時你以為你都一齊吖嘛。」我笑道。
「我真係想架。」她撇了撇嘴，道。
「之後你接我既時候伯母走咗，然後我地又可以二人世界喇。」她笑了笑，道。
「果日去咗踩單車，食晚餐既時候你問我有幾多人同我有感情上既關聯，記唔記得我答咗三個，兩個係鍾意我既，一個係我鍾意既？」她續道。
「我當時講既，就係你。」她笑了笑，道。
那微笑算不上多特別，卻如此的令人平靜。誇張的說句，感覺心靈都被洗滌了。
「之後搭巴士，你見我訓著咗，怕搭過龍，一路冇訓過，之後翻到我屋企，我沖完涼出黎你就訓著咗。」她笑了笑，似乎回想起我可笑的睡相。
「之後你話要同Angela上堂，我怕比你地兩個獨處會出事，死都要跟過黎。」她說到這裡，看了看我。
「係咪好自私？為咗唔好你比人搶走，搶走咗Angela同你獨處既機會。」她臉帶微笑，卻是苦笑。
我…也不清楚。
愛情，誰對誰錯？
「你地教咗好耐，但我唔識鋼琴，唔識樂理，完全唔知你地講緊乜。我第一次…覺得你離我好遠。」
「之後我翻屋企諗咗好耐，咩都諗，諗既野多到我自己都唔記得自己諗咗啲咩。我就咁坐係梳化諗到夜晚，諗到訓著。」
「第二日一訓醒就見到你message，我好開心。係你第一次主動搵我。」她笑著道。
「…」她的臉卻隨即冷了下來。
「果日我喺屋企等咗好耐…好耐。」她道。「幾個鐘後，我whatsapp你冇人應，打比你冇人聽，我收到一個唔識既人既whatsapp。之後先知，佢係阿樂既……女朋友。」
「佢話你同阿樂打交，原因係因為我。」她的眼淚開始在眼眶打轉。
「我好驚…好驚你會出咩事。之後我去到佢比我既地點，見到你坐咗係地下，望住前面，對眼好無神，個人比雨水淋濕曬。」
「我擔住把遮幫你遮雨，你過咗好耐先慢慢抬起少少頭，但冇望得幾高。我睇得出你…驚去抬頭。」她的淚終於止不住地落下。「我認識既你…唔係一個連抬頭既自信都冇既人。我好驚你受咗咩創傷，變咗個人，但…」
「你就算唔知我係邊個，睇唔到我個樣…你都係伸咗隻手出黎，幫我抹眼淚。」
「當時果隻手，仍然係咁溫柔。我知，我知你仲係你。」她哭著看著我，那模樣使我心痛不已。
「抹乾你既眼淚，要我做多幾多次都得。」我伸出手，擦了擦她的眼淚，就如當天一樣。
「但我唔想有要我咁做既時候。」我把她的頭按到我懷裡，讓她哭泣。
「過咗去既野唔好提，只要作為記憶留係腦入面就夠。我應承你，從今以後，我唔會再比你流任何一滴眼淚。」我抱著她，道。
我輕輕放開了她，看著她。
「所以，唔好再喊喇，好唔好？」我伸出小指。
她破涕為笑，和我「勾手指尾」。
「回憶完喇，而家真係要過我地既節日。」我笑道。
「嗯。」她笑著點了點頭。
「你想做咩？」我問。
「嗯…」她想了想，半晌道：「做啲一般情侶會做既野。」
說到情侶會做的事…也就不過「三大項」吧。
行街、食飯、睇戲。
「好吖，行喇。」我道。
我帶她到鄰近的一個大型商場。
她走在前面，四處逛著，我則緊隨在後。
果不其然，她逛的大多數都是衣服。這次她有足夠的錢，逛了差不多一小時的衣服，買了幾件，我則肩負起拿東西的重任。
之後她去了看化妝品。
「你洗乜買呢啲姐。唔化妝都夠曬靚啦。」我道。
「咁個個女仔都鍾意扮靚架啦，扮比鍾意既人睇吖嘛！」她說到這裡，看了看我。
好吧，既然你都出這招了。
結果又多了兩袋我不知道是什麼的東西，但結帳時並不貴。
之後她路過雪糕店，我和她一人買了一份。
我一手拿起所有東西，另一手則吃著雪糕。還好常跟老媽去超市買日用品，訓練有素，這些東西根本難不倒我。
之後去看了套電影，說真的，悶得我有些想睡。
結果看完我也不知道電影名是什麼。大概就是變態殺人魔到處殺人的故事吧。也不知道李樂怡為什麼會看這些電影。
不過，她開心就好。
晚飯時，李樂怡剛才不斷買東西的揮霍完全消失無踪，說要用少些，免得很快用光。
她本來是說要隨便吃些東西的，但我不同意。
這是我們第一個情人節，怎麼可以馬虎呢？錢我出就好了。
結果去了間西餐廳，店家也是有趣，每張二人對坐的桌子都放上一根蠟燭，燭光晚餐的概念。因為今天是情人節，多情侶光顧，也稍微應節一下。
最好笑的是，當有人獨自來吃東西，坐在二人桌後，侍應會跑來收回蠟燭。
但這也不怪得他們。如果有情侶來，才徐徐送上蠟燭，也是奇怪得很。
當天的餐點全是成雙成對的，真是夠應節的了。
吃過後，她建議到她家。
.
到達後，她馬上便躺在沙發上，我則小心翼翼地放下袋子們。
「今日真係好開心啊！」她笑著道，笑得無比燦爛。
突然想起她與阿樂的合照中的笑容。現在她的笑容，更貼近那種喜愛的笑了。
「吖，係喇！」她像想起了什麼一般，跑到廚房。
她走出來時，帶著一個心形的盒子。
「試下。」她打開了盒子，裡面是形狀…接近心形的巧克力。
沒有用到心形的模…大概吧。
我吃了下去，比起平常的巧克力，這有些過甜了。
是…自製的吧。
「我整架，係咪好好食呢！」她雀躍地看著我問。
「嗯，好好好好食。」我笑道。
她自己嚐了嚐，卻被那甜味弄得表情扭曲。
「你呃我既，太甜喇，點會好食。」她喝了口水，道。
「唔係吖，啱啱好，同你一樣咁甜。」我笑道，抱住了她。
「咁口甜舌滑既，邊度學架！」她指著我的鼻子，質問道。
我也很開心啊…和你在一起的每一天。
「我都…好開心。」我道。
她突然踮起腳，吻了我一口。
「我都好開心！」她笑道。
「我都係…好開心。」我們二人像是突然語言水平大幅下降一般，只說得出這句話。
我稍稍彎下脖子，往她的唇上吻下。
她本來緊盯著我，眼神中帶著驚訝，但隨即慢慢地閉上了眼睛。
我也閉上了眼睛，享受著我倆貼近彼此的這一刻。
只是嘴唇緊貼而已。
已經足夠。
———————————————————
sorry冇更新兩日，但早兩日真係好攰。