《無啦啦多左幾個家姐同細妹Season 3》: 女孩

喂…日光日白唔係咁猛呀…
 
我見到咁既環境，即刻拍拍身邊既阿嵐，諗住叫佢幫下眼睇。
 
阿嵐：「嗯？做乜鬼呀阿明，拍到我好鬼痛呀屌你。」
 
我：「屌唔係呀，你睇下個邊係咪有條女…咦…？」
 
屌你就好似d電視劇情節咁，當我再轉頭望返過去既時候，個女仔已經唔見左。
 


定抑或係…消失左？
 
阿嵐：「邊度有條女呀？」
 
我：「唔係吖，頭先個度明明…」
 
浩銘：「咩呀咩呀咩呀？有女？我有無聽錯？邊度有女？」
 
阿嵐：「應該係阿明睇錯啫，無女呀你唔好發夢啦。」
 


浩銘：「扯，仲以為有女睇添，喂咁而家點呀阿輝，返去定再行下先？」
 
阿輝：「唔…去會所個邊行多個圈先囉，行完再決定。」
 
係wor，唔講我都唔記得我地仲有會所未去添。
 
不過…頭先個女仔真係我一時睇錯咩？硬係有D奇怪感覺…
 
點都好，我哋都係按照阿輝既主意，五條友慢慢行過去會所個邊。
 


沿途既風景好靚，有草有樹仲有花，真係會睇到令人著迷，屌真係講完自己都忍唔住笑。
 
其實咁行真係幾悶，我諗如果正式開業既話D住客都應該多數會用高爾夫球車出入啦，唔係既話真係行到仆街。
 
點發牢騷都好，我哋最後都係行到會所，望見眼前呢座幾層高既會所，我都呆左一下。
 
但諗真D，呢種規模對於一個大財團黎明講都只係正常不過啫，我咁驚訝做乜春。
 
會所既人並無阻止我哋進入，仲好歡迎我哋，話可以隨便使用已經開放既設施，除咗餐廳之外全部都係免費。
 
講起設施，行左一個圈多D我地已經發現呢度有唔少野可以玩，例如gym room，酒吧，泳池，桌球室之類，五日邊玩得哂呀。
 
唔係wor屌，我地唔係黎玩架wor，一時間見到咁多好玩既野就唔記左正經野添。
 
我：「喂都睇夠啦，係時候返去啦。」


 
大家雖然不捨但都無異議，開始再次上路，只係阿Ray同浩銘兩條友夾走成打啤酒，仲話知我唔飲酒，執左兩罐可樂比我，真係多撚謝。
 
無錯，罐裝飲品係可以拎走的。
 
就係呢個「滿載而歸」既情況之下，我哋返到去自己既屋。
 
阿Ray同浩銘馬上興高彩烈咁將收穫返黎既啤酒放入雪櫃，而我就係旁邊睇住。
 
但亦都係呢一刻，我先至發現阿輝一直神色凝重，似乎係度諗緊D乜咁。
 
出於對朋友以及對拍檔既關心，我決定主動上前。
 
但當我行埋去個陣，我開始聽到佢既喃喃自語，內容唔係聽得好清楚，只係聽到部分字，例如＂野飲＂，＂野食＂，＂五日＂之類＂。
 


我：「喂阿輝，無野吖嘛？係度自言自語既？」
 
可惜既係佢聽唔到我講野，繼續自言自語。我唯有拍下佢膊頭，點知佢突然好大反應，一下推開左我，大家都即刻將注意力移哂黎呢度。
 
甚至連阿輝都比自己既大反應嚇親，退後左兩步。
 
阿輝：「Sorry..我有D攰…我去休息一陣先…」
 
佢拋下一句說話之後就慢慢消失係我哋既視綫之中，留下既就只有一片沉默。
 
最後過左一陣先係阿嵐既帶動之下打破呢份沉默。
 
阿嵐：「阿輝佢搞乜…？」
 
無人識得答，因為無人知道真正既答案。


 
阿Ray：「大慨係因為緊張得濟先會咁大反應啦。」
 
緊張？而家只係過左半日就已經開始緊張？仲要引起咁大反應？
 
唔只係我，阿嵐同浩銘都有相同既問題。對於呢個問題，阿Ray只係鬆一鬆膊。
 
阿Ray：「你哋唔係唔知佢份人架啦，咩都要plan好，唔想失敗。係睇完頭先D野之後，佢肯定係度分析所有可能既情況，又好難唔緊張既。」
 
「所以大家都唔好玩得太癲啦，畢竟我哋係黎比賽架。佢個邊就交比我啦，我會好好同佢傾下。」
 
唔想失敗…點解我會諗起另一個人？不過唔同既係，嗰一位根本唔會緊張，因為佢總係相信自己一定會蠃。
 
點都好，之後我哋都聽阿Ray講，無係宿舍玩得太癲，都係飲下野傾下計左右。
 


好快就去到夜晚，我哋終於用左第一張食物券，換黎既係一道接一道既佳餚，感覺就好似身處係屋企，食蘭姨煮既餸咁。
 
啊…又開始掛住佢哋幾個喇屌…
 
大家都一齊食，包括阿輝，雖然佢仲係粒聲唔出，我諗係因為唔想哂左張食物券啦。
 
晚飯過後，阿Ray帶左阿輝出露台，仲一人一罐啤酒，至於浩銘同阿嵐就滿身酒氣訓左係大廳。
 
而我？我就出左去再行下，打算睇下可唔可以諗得出咩新諗法。
 
但就係我離開宿舍無耐，我又係路上遇見佢了。
 
無錯，就係個個女仔，同上次一樣，佢都係對住我笑，笑到令人心寒。
 
「我哋係第一次見面呢，陳煒明。」
 
佢知我叫咩名？
 
「定係我應該叫你曹煒明？天晨集團既少爺仔~」
 
！？
 
我：「你到底…係咩人…」