《無啦啦多左幾個家姐同細妹Season 3》: 宴會

點形容好…如果用NT既講法的話應該就係感覺到好強既壓迫感？
 
場內笑聲笑聲，但並未Feel到滿載溫馨，反而係覺得有好多人用唔友善既目光望住我。
 
雖然話我黎呢度既目的唔係同你哋呢班人嘻嘻哈哈友好相處，但被咁樣望住始終都係會唔舒服。
 
如此喧嘩加上會場D死人燈光，令人頭昏腦脹，甚至有D抖唔到氣。
 
Ellie：「阿明，唔洗咁緊張先深呼吸啦。」
 


Ellen：「唉我去搵杯野飲比你，等你舒服D先啦。」
 
唉，原來自己咩都擺哂上臉，比佢哋睇到哂，真無用。
 
話說明明係大家姐叫我一定要黎，但而家佢又唔見人，真係奇怪…
 
係Ellie同有護士知識既Yui既教學下，我好好咁調整自己既呼吸，頭暈既徵狀亦慢慢消退。
 
之後我帶住佢哋幾個行埋會場既一角圍爐就算，因為我意識到自己真係搞唔掂呢度，唯有盡量避開人群就算。
 


如果真係有邊個仆街陷家剷咁唔識死行埋黎的話我會點做？咪唯有兵來將擋囉，仲可以點啫。
 
嘩話口未完就見到有個人行埋黎，屌好彩係waiter問我地需唔需要D野飲啫，嚇死我了。
 
係我稍稍鬆懈既時候，居然又有一位不速之客接近我哋。
 
呢位唔係晨哥，亦唔係大家姐，而係一個素未謀面既男性。
 
佢望落同我哋差唔多年紀，佢既微笑同時散發住一種平易近人既感覺。
 


男：「Hi你哋係度做咩呀？唔去同其他人傾下計 social下既？」
 
唔…？佢好似唔識我wor？
 
Sarah：「哦我哋係陪屋企人黎架，但見悶咪自己行埋一邊飲下野咪算囉~」
 
不愧係Sarah，可以迅速應對到呢D突如其來既問題。
 
男：「哦同我一樣喎，我都係陪我老闆黎，無諗到居然會見到同我差唔多年紀既人，所以先膽粗粗走埋黎搵你哋傾計，無嚇親你哋吖嘛？」
 
Anna：「點會呢你咁好禮貌，係呢你話你係陪老闆黎，咁你係邊間公司？」
 
男：「我係…唔？」
 
都仲未聽到佢自報家門，全個場忽然靜哂，好明顯有事發生左。


 
我哋幾個都意識到，中斷左對話，望向人群既方向。
 
男：「大慨係佢黎左啦。」
 
佢？
 
好快人群神奇地分開兩堆，猶如摩西分紅海咁，而係兩堆人群中有兩個人行左出黎，向我哋呢邊行緊過嚟。
 
愛麗絲同晨哥。
 
兩個大人物黎左，難怪會全場靜哂啦。
 
晨哥：「唷，終於搵到你地啦。」