《無啦啦多左幾個家姐同細妹Season 3》: 線索

真係厲害…佢好似完全當其他人無到咁，掂行掂過直接行埋黎…
 
「紅海」入面既人群個個都對佢議論紛紛，但佢完全無理過，仍然故我。
 
而家咁睇，佢呢一身造型又真係同呢度格格不入，人地個個盛裝打扮，佢就一身黑色T-shirt加件長身開胸冷衫，難怪大家會視佢為異物。
 
晨哥：「我哋都好耐無見啦幾位，別來無恙吖嘛？」
 
我：「嗯總算無穿無爛既…」
 


晨哥：「係喎你之前先奶左野，屌你大家姐有同我講過，係呢排太多野做唔記得左，無去醫院探你添，喂見點呀無事吖嘛？」
 
我：「還好啦，訓左一排醫院，而家無事了，係呢你呢排又忙緊咩。」
 
晨哥：「無事就好，我忙緊咩？無呀，最近幫屋企公司研究緊機械義肢，堆神經配置由零開始研究真係好撚頭痛。」
 
「不過如果成功再配上Ellie研究緊既細胞的話，係醫學界上應該係一個好大既突破，所以我先打算用我老豆D錢投資落去。」
 
聽到晨哥咁講，係佢旁邊既愛麗絲即刻有反應，好似嚇親咁。
 


愛麗絲：「吓筆錢係你老豆既？我仲以為係你自己既添！」
 
晨哥：「唔？我無講過咩，係佢D錢黎架，用佢D錢去做唔會咁快回本既投資真係特別爽。」
 
…都唔知可以講乜好…愛麗絲都只係搖搖頭掩臉就算。
 
晨哥：「無事架wor，我有問過佢既，你哋唔洗擔心會隨時無左D資金，好啦我哋傾下D細節仲好啦。」
 
係得到佢既保證之下，大家都總算變得安心，Ellie，愛麗絲同晨哥三個開始傾佢哋既合作。
 


唔關事既我哋都唔好意思阻住人哋，繼續好似頭先咁發呆。
 
但都係因為咁，我先發現到一件事，就係岩岩仲同我哋傾下計既個個男仔已經唔見左。
 
我：「Sarah，頭先個男仔呢？」
 
Sarah：「嗯？咪…咦？？唔見左既？頭先仲係度架喎…Yui你有冇見過？」
 
Yui：「無呀…都係你哋提起我先知佢唔見左咋…」
 
竟然？大家都無留意到佢幾時唔見左人？
 
Anna：「話時話，佢最後有冇講到自己係邊個，邊間公司既人？」
 
嘩一言驚醒洛克人，唔係Anna講我都醒唔起條友其實由頭到尾都無交代到任何有關自己既信息添，真係諗起都有D心寒，如果佢係Ashley扮的話真係可以當鬼故咁寫一套劇出黎。


 
不過唔會啦，身形差太遠，就算有個款變裝mask都好都無辦法做到呢個地步，係我諗多左啫。
 
啊係喎點解我諗唔到可以由個mask個邊入手去查架呢？咁高科技既產物應該點都會有所痕跡可以令人追蹤到先係。
 
唔緊要，而家諗到都未遲，返去仲可以查下。
 
晨哥：「咁既然大家都無乜問題，一於咁决定啦，我會儘快安排。」
 
哦？睇黎佢哋傾完啦喎？咁我應該可以插下嘴了。
 
我從懷中抽出個幾張由大家姐手上得到既相，將佢哋交比晨哥同愛麗絲。
 
我：「你哋…對相入面呢個人有冇咩印象？」
 


呢兩位大人物睇左兩眼，互相對望左一下之後紛紛搖搖頭。
 
愛麗絲：「唔識wor…呢個人係咩人黎？」
 
唔識啊…不過其實都係我預期之內既…
 
我：「其實之前就係佢對我落毒，唔知咩原因佢似乎對我抱有相當大既恨意，所以我而家想搵佢出黎，所以打算睇下你哋會唔會有咩線索咁，不過其實我都唔知呢個係咪佢既真樣…」
 
晨哥：「點解咁講，咩係咪真樣。」
 
我：「因為佢手上有種mask可以近乎完美咁扮成其他人，我親眼見過佢除低。而且比起幾年前我地見過個款更加先進，今次呢款薄到好似一個面膜咁。」
 
聽到我提起mask既事之後晨哥馬上就提起左興趣，好認真咁聽我講哂所有野。
 
晨哥：「有意思，你果然無令我失望，幾時都係咁惹火，睇怕呢D就係命運，哈哈哈哈好玩好玩。」


 
「你講既mask我略有所聞，我可以試下幫你搵佢出黎，因為我都想知道呢件事會發展成點哈哈哈哈，張相比我，等我消息啦。」
 
佢講完就收起其中兩張相，自己一個先行離開，而原先係佢旁邊既愛麗絲亦表示如果將來如果有咩佢可以幫到手即管搵佢。
 
呼…咁總算有D收穫？