【已完故】[穿越者貳章]某月某日坐上某架無冷氣嘅巴士: 第七章d

兜兜轉轉，我們從深切治療部回到了電梯大堂。醫院可謂鴉雀無聲，一片死寂，就連小小的冷氣機聲和機器運轉聲都聽不到，重新走回恐怖片的方向。要是一切都只是在拍電影的話就好了，至少修彥他們不用死。我按下升降機的按鈕，但沒有反應，如無意外整棟醫院都斷電了。
「行樓梯啦我哋！」在寂靜的環境下，我聲音格外響亮，更造成回音。我推開樓梯的防煙門，平時樓梯就已經夠陰森，現在連一盞燈都沒有，手電筒的光源更照到空氣中飛漫的塵埃，顯得格外可怕。我們都不想在充滿未知數的樓梯多逗留，所以走下了一層就出了去。

走了近半小時，仍然毫無進展，一點頭緒也沒有。Yina原本一直也保持沉默，但也開耐不住這種氣氛就想找話題來談。
「所以…你殺咗Zoey嘅爺爺？」她單刀直入，一針見血，使我一時半刻反應不及。
「係病人嘅意願。」我簡單冷淡地回答示意她不要再追問。
「所以你幫佢安樂死？香港安樂死係犯法㗎喎！」
「我根本就無做錯！」我歇斯底里地大叫，手機「啪噠」一聲跌在地上，周圍回歸黑暗。
為甚麼沒有人願意相信我？林伯的家人、昔日的同事，甚至庭上的陪審團和法官都選擇了不相信我。就連一起並肩作戰、出生入死的同伴也不相信我……
「我無做錯…我無做錯…」我崩潰地蹲在地上「係林伯話如果醫唔到佢，就叫我幫佢早登極樂…係佢話驚自己D仔女會為咗爭家產而揾人喺佢神智不清嘅情況下改遺囑，我先唔同人講！一切都係佢嘅意願，我只係幫佢解脫啫，我有咩錯呀？」我大聲地質問。





「明明我已經同每個人都解釋咗好多次，我係無辜㗎……喺面對一D無可救藥嘅病人，每一個醫生都會叫佢哋及時行樂方不枉此生。但我都只係根據病人嘅諗法去做嘢啫，點解我會錯？」我停下來吸一吸氣，一直以來我都忍受了太多閒言閒語「我知你哋諗咩，陳sir同樂叔都係間接俾我害死，修彥係我殺嘅，甚至Kazen嘅死唔多唔少都同我有關。全部都係因為我先會死，係咪呀？」Yina不語，但她的表情已經印證了我的想法。「從來都無人信我…從未都無。」

我拾回電話，關上手電筒，然後步入黑暗中。
「阿天！」