(嚴重FF愛情輕鬆同居故）《我與貓系女室友的二三事》: Ch.22

睇完畫展，我同Tracy係附近展覽同埋PMQ其他特色店舖行咗一陣，到差唔多畫展結束時間就去返個到搵呀Man。

我哋係門口等呀Man同佢拍擋向其他工作人員講解聽日展覽事議。等咗一陣，佢哋就散會。呀Man都拎咗個袋同花出嚟。

「我幫妳拎呀。」我幫呀Man拎住我送比佢束花。

「唔該。」

我哋三個人企係原地你眼望我眼有啲尷尬。為咗令氣氛無咁尷尬，我就開口講：「既然今日係為咗慶祝呀Man開畫展，就呀Man決定食咩啦！呀Man妳想食咩呀？」



佢望咗我哋一陣就話：「我想食西餐。」

又係西餐！會唔會好似Tracy咁會無啦啦去咗食其他大餐嫁！

我哋係網上搵下附近有咩餐廳，最後呀Man揀咗一間連鎖西餐廳。雖然唔係好高級但都唔會好cheap。

我哋坐低叫咗嘢食後，Tracy佢就問我：「上次咪問你嚟唔嚟我屋企飲咖啡嘅⋯⋯我朋友比咗啲貓屎咖啡我，你要唔要試下？」

Tracy托住頭含情默默咁望住我。



聽到佢咁講，原本飲緊水嘅我差啲噴晒出嚟。佢完全當呀Man無到，好似宜家只係得我同佢咁。

貓屎咖啡！唔係掛咁貴一杯，仲要係屎到挑返出嚟。我對咖啡無咩研究，真係唔好預我。

但我知道佢說話嘅意思，但係唔知點解我對Tracy竟然無咗之前個股衝動。雖然佢真係好靚，係男人都想同佢大戰幾個回合，但係宜家就算佢點挑逗我都好，我都無咁嘅諗法，反而係驚呀Man會誤會。

「哈哈⋯⋯我驚失眠呀。下次呀，下次約中午時間呀。」

Tracy聽到我嘅回答，佢抿咗抿嘴好似有啲唔甘心咁。Tracy靜咗落嚟無再出聲，而坐係一邊嘅Man都無出聲，個氣氛又開始變得好老尷。



好在呢個時間嘢食送到嚟，我哋大家都食嘢無再講嘢。大家食完嘢後就一齊返去，當去到樓下個陣Tracy就問：「呀Man妳⋯⋯妳都係住係呢幢大廈？」

「係呀。我租住係Gary屋企。」

Tracy聽到呀Man嘅說話有啲愕然，佢應該無諗過Man會同我一齊住緊。

「原來係咁⋯⋯」

佢望咗我一陣然後講：「Gary你仲有無房出租呀？可以租比我喎。我唔介意share house喎。」

佢見我呆咗係到，佢就話：「哈哈⋯⋯我講笑咋。」

到咗五樓Tracy就出咗𨋢，我同呀Man一到六樓就出𨋢，拎鎖匙出嚟開門，一開門又見到芝麻糊係到迎接呀Man。

「呀Man⋯⋯」



今日全日呀Man都無點同我講過嘢，覺得佢好似唔係好開心咁。明明舉行畫展對佢嚟講係一件開心嘢事。

呀Man佢聽到我叫佢，佢停咗落嚟轉身望住我。

「妳⋯⋯妳係咪唔開心呀？」

呀Man輕輕咬住下唇，望住我一陣就開口講：「我只係⋯⋯有啲失望。」

呀Man講完之後就返咗入房，只得我一個呆企係廳到。