[校園][純愛]《幸運星下的預言》: 第一章

每個故事開頭都係自我介紹先架啦

今次亦都唔例外

我就叫做張偉傑

好明顯同藝人張衛健係好撚似

由細到大好多人都係咁樣講，



每次我都要澄清

我係偉人個偉，傑出個傑

你諗下呢兩個形容詞幾正面

又偉人又傑出

當然啦我係冇問過老豆老母，



究竟係亂咁改定還是真係我頭先嘅意思

算數啦唔好理咁多

總之每次澄清我都係覺得好撚型

講完名就梗係講其他野啦，

話說我就啱啱經歷完會考



都拎到一個唔錯嘅分，

既然係咁當然係繼續讀落去

慶幸我個分唔錯，

所以唔使轉去第二間學校

繼續留返喺原校，

我拎到一個唔錯嘅分唔係因為我醒呀屌

真係捱更抵夜

刨足全日咁樣拎返嚟



記得上年中五，

每日就係不斷咁樣溫

開夜車就少不免，

機同埋飛機都冇打

將所有精力集中落去溫書度·

唔係講笑真係幾撚辛苦，

鬼叫唔醒咩冇計啦



點都好啦依家總算成功咗，

咁就唔好諗返以前嗰啲衰野喇

身邊有兩個比較friend嘅朋友，

點為止比較friend

即係一齊行嗰陣唔會冇野講嗰種囉

講埋啲濕鳩野得佢地會明會笑

最離奇係咩呢

就係呢兩個大家都唔friend



不過就各自同我好friend，

係咪好複雜呀

喺度開佢地名先啦費事越講越亂

一個就叫做司徒

講起上嚟其實識佢個過程係好特別

當年第一年同佢同班，

發現佢好鍾意問人地佢自己威唔威水，型唔型



好撚無聊架講單野俾你地知

佢以前喺班房揼垃圾嗰陣呢就唔鍾意行出去揼

淨係鍾意坐喺個位度好似打籃球咁樣將舊垃圾揼出去

如果揼中咗就會問人地我威唔威水呀

基本上佢做乜都係咁樣

久而久之就覺得呢條友幾搞笑

咁就friend咗

點解我會話係以前呢

因為佢會考唔夠分唔可以原校升讀

咁就被迫離開呢間學校

新學校同我依家呢間學校距離唔算好遠，

勉強都可以叫步行到

我又覺得雖然依家唔係一齊返學，

不過如果真係想keep嘅話都唔會keep唔到嘅

除非佢唔想啦哈哈

不過早一兩個月都話過每個禮拜六都會出嚟見一次

利申真係唔係gay佬

我地出嚟都唔係話做啲乜淨係行街啫

唔使諗咁多天馬行空嘅野

另一個friend就叫做呀澤

啲人叫佢全名多，

係我鍾意叫佢做呀澤啫

呢個我識得重耐

中一已經識，

咁就Friend到依家

佢會考都夠分所以唔使離校，

不過就唔同班

佢讀文科我讀理科

其實我同佢又係好撚無聊

上到去中四有一日同佢講，

不如大家扮野

跟住佢問我扮乜野

跟住我就話喺學校少聯絡

好似拍戲咁樣兩條友表面冇乜交談不過其實每一晚返到去都會一齊打機

因為晚晚都係得我地兩個玩一隻冇乜人玩嘅game

邊隻就唔講喇總之當時就唔多中學生玩

所以唔使驚俾人見到我同佢玩

跟住有啲人真係以為我同佢依家冇聯絡

你問我點解要咁樣玩真係答你唔到

純粹覺得型哈哈

各位屌細力啲，

甚至依家我地嘅關係都係咁樣

話說我地係同一幢寫字樓

未去到隔離位不過都叫做同一team

當然啦全公司都係冇人知我同佢係識咗超過十年啦

可能係佢入先過我年幾，

所以我地個leader就唔記得咗我同佢其實係同一間中學

cv係有寫嘅不過好明顯就冇拎返出嚟睇啦

當然啦佢問到嘅話我就話唔認得架喇，

大家表面都係冇乜交談

不過只要一出公司上到去交通工具就whatsapp今晚幾點打機嗰種

有幾次真係轉唔切口叫咗佢做澤

好彩隔離冇人先至冇俾人發現，

跟住先叫返佢全名

你知啦出咗嚟做野俾人知識咗咁耐，

係一件好煩嘅事

大家都明白返工需要帶一個面具

費事節外生枝所以就咁樣

好彩幾年以嚟一次都冇俾人拆穿過

我同佢就繼續咁樣扮野扮落去，

返到屋企順便屌下啲同事

交換下又情報咁又一日，

中學生涯計最friend嘅應該係呢兩個人。