[校園][純愛]《幸運星下的預言》: 第二章

終於都可以講返以前嘅事喇

九月一號，

相信每一個中學生第一件會做嘅事，

就一定係撳熄個鬧鐘再瞓過

當然老母都唔會咁順攤



佢聽到個鬧鐘響就會行入嚟做人肉鬧鐘

今次呢個冇得撳停呀

如是者就好快起咗身喇

講開又講丫，

我就好唔鍾意遲到



唔知點解由細到大都係咁樣

無論返工返學，

抑或係約咗朋友都好啦

永遠都係好想準時去到

週不時都提早出門，



明知對方唔會因為你遲而發脾氣都好啦，

唔知點解會咁樣

所以我所謂嘅賴床其實都係賴幾分鐘啫

講完一輪廢話，

又睇埋香港早晨早就門口喇

我就鍾意自己一個返學

毒撚我就一定係啦

不過重有好多原因嘅，



事關我朝早唔鍾意講咁多野

咁樣你幾個人行冇理由唔講野架嘛

有見及此我就選擇自己一個返就算

反正返到去學校都見架啦

大約行咗三四個字就返到

開學日梗係拿拿臨上去班房先

好多朋友耐冇見有排吹，



嗰啲朋友唔算深交啦不過都算啱嘴型嘅

其實咁就好夠

開學大致上都係嗰啲例牌野啦，

都係要先落去禮堂，

進行開學禮跟住上返嚟選班會

又或者係開簿

搞到咁上下就放學，

每年都係離不開呢幾樣野，



我好相信今年亦都係咁樣

或者呢個時候我嘅未必知，

今年會發生一件事

足以改變我一生。

好快就聽完開學禮

跟住選班會，開簿

搞咗一輪之後就聽到學校鐘聲響起



咁就二話不說執書包即刻走人

順便同幾個friend食飯(之後未必成日會出場咁就唔俾名佢地喇)，

正當我準備走嗰陣就有個人行過嚟搵我

放心唔係女仔嚟嘅

係我地班會嘅主席

咁究竟行過嚟搵我做咩呢，

我見佢又好似好認真咁樣

即管留低喺度聽你講咩先

主席:「傑仔，

有樣野想問下你」

我:「你想問咩呀」

主席:「今年我想選學生會，

亦都搵到一堆人搵不過暫時重未夠

有冇性趣」

我:「屌你啦

你個樣好似講到我一定入咁樣」

主席:「又唔好咁講」

我:「笑到你幾衰

做乜無啦啦玩呢樣野」

主席:「你知我地學校不嬲都係中六當選學生會

我地今年就係中六，

咪試下囉」

我:「但我乜都唔識做喎

講明先我好撚懶」

主席:「知你啦屌

我就係想搵幾個人做同一個位

咁樣每個人咪做少啲

啱晒你呀屌」

我:「係咪撈埋隔離班」

主席:「梗係啦淨係我地班唔夠人呀

同埋搵多啲班先可以吸多啲票」

我:「使唔使我幫你偷投票紙」

主席:「戇鳩

咁我預埋你架喇喎」

我:「有冇女架」

主席:「梗係有啦

冇我都唔做啦」

我:「你個仆街主席」

主席:「你夠膽講你唔係咩」

我:「你啱你啱」

主席:「咁好啦，

聽日留低開會」

我:「未當選就開會」

主席:「好多野要傾呀。」

我:「我要返屋企睇多啦a夢喎」

主席:「屌你啦

我信唔信你呀唔係睇鹹片」

我:「你啲思想太混濁唔同你講野

講真真係走先聽日先講」

主席:「好

拜拜」

從來冇諗過一個學生會有咁大影響力，

唔係講笑，

對我嚟講真係冇誇張

依家諗返起，

究竟當初有冇做錯決定呢

我都真係答你唔到，

凡事有得有失，

回憶係冇實質重量，

我唔知點樣去秤邊一面多啲

以前我問過自己呢條問題，

估唔到多年之後嘅今日，

自己一樣都係唔識答。