經歷過幾百步

再用上一千倍嘅體力

終於都孭到去醫療室

我都知誇張咗少少

不過我真係唔大隻



係咁架喇

一去到就見到我地學校其中一個體育老師喺度

我:「呀sir呀

筱瑜佢整到隻腳想喺度抖呀

呀sir:「佢跑嗰陣整傷呀



筱瑜:「唔係呀

我自己論盡行樓梯整親

好似傑仔喺隔離及時扶住我

呀sir:「傑仔好野喎反應咁快

我:「跟你學得野多啫呀sir



呀sir:「假到死

我唔係miss呀唔會俾你氹到

我:「真係真心說話

筱瑜:「你睇下你丫

呀sir都話你唔夠誠懇呀

我:「呀sir暗爽又話你知咩

我都幾肯定佢自high緊不過唔好意思show出嚟

呀sir:「傑哥其實我喺度呀



我:「係喎

sorry sorry

呀sir:「咁好啦筱瑜你喺度抖下先啦

筱瑜:「知道

呀sir:「傑仔你條友肯定想喺度偷懶

我:「呀sir你真係醒目嘅啫

呀sir:「幫幫手呀出面真係唔夠人



大把機會俾你溝女啦

依家唔使留喺度陪住筱瑜喎

筱瑜:「係囉出面唔夠人呀

聽呀sir講啦

我:「幸災樂禍

你個樣使唔使咁衰

呀sir:「筱瑜佢都咁講咯

佢冇否認大把機會俾你溝佢呀



筱瑜:「呀sir呀

我:「咪玩佢啦我就唔介意啫

你睇下佢好似卡通片嗰啲熱水壺咁呀,

紅到出晒煙

呀sir:「係喎唔記得你面皮厚添

筱瑜:「喂係喇

唔該幫手拎我個書包過嚟



我:「成個拎過嚟

筱瑜:「係呀唔該

喺度冇乜野做想睇書哈哈

我:「得啦

咁我依家去啦

拎完之後我出返去喇唉

Lunch你食咩呀

我買埋返嚟

筱瑜:「好喎唔該晒

冇所謂啦就你方便

你買乜我食乜

我:「有咩你唔食架

筱瑜:「唔鍾意食啲好多汁嘅飯

其他都冇乜問題

我:「好


跟住我就去返佢坐個位,

拎個書包俾佢

佢都話想睇書所以唔喺度煩佢喇

所以我就出咗去幫手

好彩真係唔難

同埋可以坐喺度做

咁就得啦哈哈

跟住見到映彤行咗過嚟

映彤:「得你嘅

筱瑜喺邊度呀

我:「偷懶

映彤:「我先唔信你呀佢會偷懶

講大話都作過第二個藉口啦

我:「講真喇唔呃你

喺出面召集緊呀

一陣佢會跑

映彤:「一早問咗佢啦佢都話唔跑

冇句真

我:「唉

真係講真,

佢整到呀依家喺醫療室

映彤:「下

真係呀

我:「呃你有金執咩

頭先衰咗兩次重呃你

映彤:「好我依家去睇佢先

我:「我驚你唔識路呀

帶埋你去呀

映彤:「又想乘乘機機偷懶

好啦好啦我搵個人頂你個位啦

我:「屌你啦話搵就搵嘅咩

映彤:「梗係啦

唔係你估

跟住佢搵咗個戇鳩仔過嚟

我就同佢去探筱瑜

一去到就見佢瞓咗喺度,

本書就喺枱面

我:「瞓咗唔好嘈人啦

點知佢好快坐返起身,

筱瑜:「冇瞓呀

映彤你都嚟咗呀

映彤:「呢條友話你整到呀

咪諗住行過嚟睇你點

點呀有冇事呀

我:「呢條友嗰條友

你把口衰到冇人有

筱瑜:「幾押韻喎

我:「屌我梗係諗過

映彤:「諗埋呢啲野就咁醒

唔理你住喇

筱瑜依家隻腳重痛

筱瑜:「嗯

我諗住食埋lunch就早退睇醫生

映彤:「你喺邊度整到

筱瑜:「自己落樓梯論盡囉

好彩傑仔喺隔離扶住我

唔係應該唔止傷隻腳

映彤:「傑哥叻仔喎今次

我:「屌使你講

映彤:「咁你食飯唔好行喇

我買埋返嚟俾你呀

筱瑜:「哈哈傑仔頭先話佢買

依家就話你買

映彤:「哦

原來我阻住咗人

我:「咪就係囉阻住我溝女

冇厘醒目

映彤:「講到出面喇人地

筱瑜:「唔使理佢啦

佢成日發噏風亂咁講

映彤:「最衰冇鏡

照唔到你個樣有幾甜

筱瑜:「映彤你都學埋佢亂咁噏呀

我:「我係俾佢教壞架

唔係佢學我

映彤:「再扮野丫

我:「一陣你唔使同Felix拍拖咩

映彤:「佢晏晝要跑步

佢話今日唔食喇,

所以咪落嚟搵你兩個囉

點知一去到淨係見到你唔見咗筱瑜

我:「咁陣間我同你買野食咪得囉

買完之後返嚟同筱瑜食就搞掂

醫療室出面有幾個位可以坐低慢慢食

筱瑜:「咁唔該晒你地喇

映彤:「傻啦客咩氣

筱瑜:「返嚟俾返錢你地

我:「重諗住你會側側膊特登唔提

筱瑜:「唔好講到我咁衰囉好冇