[校園][純愛]《幸運星下的預言》: 第三十九章

跟住我同映彤就出去買野食

依家同佢拍住行，

唔好再好似以前咁低b

無端端緊張起嚟

反而有講有笑



乜都傾得埋

都唔明以前點解要放到咁大

明明就咁普通

只係兩個人一齊行，

釋懷咗睇嘅野自自然然會唔同



映彤:「係喎

你扶完佢之後，

咁你兩個咪慢慢行過去醫療室囉」

我:「講中咗一半」

映彤:「即係咩呀」



我:「我扶完佢落樓梯，

跟住發覺咁樣真係好撚慢

所以落到地下我就決定孭住佢行」

映彤:「咁堅呀你」

我:「唔係你估

我唔大隻你睇唔出啫

咪住先

今次竟然冇話我吹水」



映彤:「咁

你有時都幾型嘅」

我:「你咁樣讚我會驕傲架喎

同埋唔係有時係成日」

映彤:「咁你又唔好吹咁大

喺我記憶入面，

你淨係得一次俾我見過你型嘅一面啫」



我:「邊次呀」

映彤:「學校放學嗰次呀」

我:「屌我記得喇」

映彤:「嗰次真係好驚

哈哈都唔知嗰陣點解咁細膽」

我:「唔係我

你俾人溶咗喇」

嗰次係咩事呢，



講起上嚟都幾年前

嗰陣嘅我重係鍾意緊映彤

大家同班，

不過成日都扮偶遇

佢嗰陣放學唔係即刻走

我呢啲戇鳩仔為咗扮咁啱撞到跟住一齊放學

所以落堂之後，



我多數會留喺度做功課

只係為咗望住佢幾時走

跟住順便一齊放學，

咁樣喺某一日我照辦煮碗

落到去樓下見到佢喺前面，

當佢啱啱出咗學校門口，

就見到兩三個mk仔圍住佢

我見佢好似不知所措咁樣

咁我梗係行上去搏表現

依家我都唔明點解嗰陣會唔驚mk仔

有人話勇氣會隨著年紀而減少，

依家我真係信

當時顧慮冇咁多所以乜都敢做，

我一行上去就捉住佢隻手

同班mk仔講

我:「大佬做乜圍住我條女呀」

mk仔a:「唔撚得呀

唔鍾意嘅將佢鎖喺夾萬唔好放出嚟囉戇鳩」

我:「將你鎖喺棺材我放心啲」

mk仔b:「你老母好撚串喎」

我:「大家咁話啦

條街咁撚闊點解要圍住我地行呀

行出啲啦屌」

mk仔b:「唔撚得呀

我鍾意呀」

mk仔a:「好撚串喎契弟」

我:「ok啦」

mk仔a:「你老母真係唔撚驚喎」

我:「驚咩」

mk仔b:「打你呀笨柒」

我:「郁我囉戇鳩仔

對面就大把人，

呢度又喺學校門口

條女又喺我隔離

最多咪攬炒我唔驚呀」

跟住佢地走撚咗

臨走前講咗句認住我喎

跟住我feel到我重拖住映彤

咁就梗係即刻放手

我:「冇野喇」

映彤:「唔該

不過佢會唔會搵我地架」

我:「一齊放學咪得囉

頭先我講咁多佢都冇打柒我

一睇就知得個講字」

映彤:「嗯」

我:「唔係抽你水

頭先唔拖你隻手佢地肯定唔信」

映彤:「嗯

冇野呀」

跟住嗰個禮拜我同佢真係一齊放學

嗰陣都覺得呢個禮拜幾正架

日日可以搏懵同佢一齊放學

當然唔係做啲乜，

淨係一齊走順便傾下計啫

不過咁，

大家都明白天下無不散之筵席

去到再下一個禮拜，

就咁啱放復活節假，

放完假返嚟就已經冇咗呢件事。