[校園][純愛]《幸運星下的預言》: 第四十七章

結果嗰日放學

我真係同佢兩個去咗買野

我:「又唔係聽日整使乜咁快買」

筱瑜:「咁難得今日齊人丫嘛

唔使搵日特登出嚟



重有你位猛男喺度」

我:「唔係喎不嬲都係虧佬

你望下我老鼠仔都冇

吹到猛男」

筱瑜:「搞錯呀咁樣講你都唔認」



我:「你兩個諗住買乜」

筱瑜:「聽映彤講，

佢好似話整甜品

我諗住焗雞翼呀」

我:「焗雞翼呀



你食得開心啲」

筱瑜:「下

你唔鍾意呀」

我:「唔係唔鍾意平時都會食

不過唔係成日食啫」

筱瑜:「點解呢

咁得意嘅」

我:「我食骨好撚渣



不過你知啦雞翼點會冇骨

唔使理我啦你照整啦

成班人一齊正常都係食雞翼

我食少啲你咪有得食囉

係咪照顧周到先」

筱瑜:「係喎

好細心呀你」



我:「你可以再假啲嘅」

跟住我兩個就同映彤去超市買野

筱瑜買雞翼啦

映彤話想整甜品不過未諗到

我:「心太軟啦好食呀」

映彤:「你想食咋掛」

筱瑜:「我都想食嘅」

講完之後筱瑜望一望我喺度笑



唔係講笑呢個樣真係好靚

大家自己幻想下啦

當然啦佢唔係成日show呢個樣出嚟

或者就係因為罕見，

所以去到今日都重記得，

當日嘅自己有幾迷戀呢個笑容

映彤:「咁好啦



就整心太軟」

筱瑜:「買多啲啦

到時我幫你一齊整」

映彤:「唔該晒」

筱瑜:「我有份話想食丫嘛

我可以喺屋企整定啲雞翼

跟住拎過嚟焗

再喺度幫你整甜品咪得囉」

映彤:「好好人呀

錫晒你」

我:「你錫佢咁我錫邊個」

筱瑜:「喂

邊個話俾你錫呀」

映彤:「係喎唔好意思

同傑哥你爭添

唔使問你梗係唔幫手架啦」

我:「唔係呃你我真係唔識煮野食

如果叫我幫手整心太軟，

一陣唔夠水呢我就直接屙尿落去

我睇下你重叫唔叫我整」

映彤:「咁唔使你喇」

筱瑜:「係囉我地兩個得喇

你負責食啦」


最後我地三個喺度行超市，

我就負責推車佢兩個就拎啲野落嚟

唔係講笑估唔到咁多野

我唔識咁多所以費事出聲喇，

估唔到原來佢兩個平時有行開超市

邊個位打邊個位都知

買完之後就走人啦都冇邊度去，

我就梗係送筱瑜返去

臨走嗰陣映彤望住我個樣衰到呢

典型花生友衰相

真係要特登講出嚟

筱瑜:「係喎

你食唔食西芹架」

我:「冇所謂呀

有咪食冇咪唔食

你想點呀」

筱瑜:「冇呀我諗住整心太軟嗰陣加西芹」

聽完之後成個人o晒嘴

真係唔撚係掛.jpg

我:「老友呀我唔識煮野食都知啦

心太軟邊有可能加西芹

吹水都唔係吹到咁大」

筱瑜:「你又知唔得

總之一定留多啲俾你」

我:「唔係呀話你講真架」

筱瑜:「我似講假咩」

我:「你好似真係認真喎

如果你真係整呢都唔好淨係整一舊益我

整多啲全部一齊攬炒」

筱瑜:「哈哈都好喎

等我返去靜靜雞同映彤講下先」

我:「好撚無聊呀真係

咁啦你特登整啲冇西芹嘅俾我，

真係想食一個正常嘅心太軟

一個咋唔使多」

筱瑜:「睇下點先啦」

我:「你都得架喇咁你都諗到

真係唔好得罪你」

筱瑜:「可能好好食呢」

我:「實係咁啦」