好記得嗰年平安夜嘅前一晚

筱瑜無啦啦打咗俾我

筱瑜:「食咗飯未呀

我:「九點幾十點梗係食咗啦

筱瑜:「沖咗涼未呀



我:「沖咗九世啦

唔通等你提我咩

筱瑜:「好喇咁可以傾電話

我:「使乜咁啫

你打嚟丫我做乜都即刻停低啦



你話係咪先

筱瑜:「你真係好體貼呀

又細心喎

我:「講多啲講盡啲

程度未夠呀



筱瑜:「下

咁都未夠程度

我:「型英帥點都加啲落去啦

筱瑜:「但係

依家打電話咋喎

我:「係喎屌

點呀打嚟做咩呀

筱瑜:「聽日我地咪去映彤屋企嘅



我:「係呀做咩

筱瑜:「不如我地會合咗先一齊去

好唔好呀

我:「鬼馬喇你

你講到一定得

筱瑜:「唔好講出嚟啦會好尷尬架嘛

我:「唔緊要嘅我都睇唔到你



不過你想邊度會合先

筱瑜:「不如喺街口啦

如果你嚟我屋企樓下等

反而會唔就腳

我:「好呀

不過我地使唔使買野上去呀

筱瑜:「係囉我都諗緊

好彩我會拎啲野食去



唔係兩手空空真係唔好睇

我:「係喎你有野食喎

咁就得啦

筱瑜:「佢都叫我地唔好買野上去

我:「佢叫唔使就唔使啦

費事陣間又煩到佢唔知擺邊度

筱瑜:「你有你道理嘅



我:「係喎你啲西芹呢

聽日陰佢地班含家產

筱瑜:「睇下你幾黑心丫

真係想加落去整蠱人

我:「痴線我都係聽你講咋喎

筱瑜:「一於就玩下囉

我唔食咪得哈哈

我:「真係好無聊

筱瑜:「我都係學你啫

唔阻你慢慢打機喇

拜拜

我:「原來你一早就知

筱瑜:「見你咁遲接電話就知啦

我:「其實你真係好醒

拜拜


第二日嘅晏晝,

我就好似尋晚所講

出去街口等筱瑜跟住一齊去啦

講真嘅,

我係毒撚就梗架喇

之不過同佢獨處嘅時候,

唔知點解一啲唔自然嘅感覺都冇

想講乜就講乜

唔使諗過度過先至講每一句

又唔會出現冷場喎

你都知毒撚同女性相處係點架啦

慶幸佢唔係咁樣,

真係好難得呀

就算以前對住映彤,

某段時間我都係會覺得拘謹

咁樣講好唔好呢

會唔會講錯野呢

不停問自己呢方面嘅問題

依家當然好啲啦始終識咗咁耐

不過筱瑜係講緊今年先識喎

嗰陣我冇去諗啲咩特別野

繼續享受大家投契嘅呢一刻就算數

唔係任何野都求進,

維持住已經好難得

都係唔講咁多廢話喇,

一去到冇幾耐,

就見到佢拎住兩袋野咁嚟緊

係喎,

佢尋日講過佢整完啲雞翼會拎過去焗

重有好無厘頭嘅西芹

我淨係諗到心太軟入面有西芹已經忍唔住

個配搭真係好搞笑

筱瑜:「hello

遲咗少少唔好意思呀

我:「你喎

等幾耐都得啦

筱瑜:「多謝晒喎咁

咪住先,

你食咗野未呀

我:「食咗呀做咩呀

筱瑜:「可唔可以再食丫

我:「你肚餓想食野係咪呀

去食囉依家

真係食到喎唔係講笑

筱瑜:「唔係呀

我整咗幾隻雞翼俾你

跟住佢一拎個盒出嚟,

我又變咗「唔撚係掛.jpg」

點解咁樣,

因為我見到五隻冇骨嘅雞翼

中間用咗西芹穿住佢方便固定位置

去到嗰刻我就明,

西芹係咁嘅意思

我幾驚真係加落去心太軟度

筱瑜:「做咩呆咗咁呀

係你話唔介意食西芹

我先至搵佢去穿住咋

我:「冇

我覺得好驚喜啫

唔係呃你講真嘅

筱瑜:「知你呀到時未必會食

咁咪特登整幾隻冇骨嘅出嚟

講明先呀我第一次整咋

唔好食唔好鬧咁大聲

我:「你整到我一定唔會話唔好食

問心你平時朝早整嗰啲腿蛋治,

我有邊次話難食丫

筱瑜:「哈哈咁又係喎

又真係好似冇喎

我:「咪就係

筱瑜:「快啲食啦睇下好唔好味


筱瑜:「係喎,

好細心呀你。」



唔好玩啦,

邊有可能夠你細心呀

至少同你相比起,

無論係以前,今日,或者係故事未講到嘅未來,

我一直都係輸嗰個。