我:「係喎

邊個教你煮架

筱瑜:「家姐囉

再唔係就自己睇片學架咋

嗰個年代唔係依家咁



大家都知依家通街都係youtuber,

嗰陣youtube已經興起

不過絕對唔係依家咁普及

重係萌芽嘅階段,

當然啦,



如果你要搵啲大路片去參考

咁都一定可以搵到嘅

我:「唔係掛就咁睇就識架

筱瑜:「試過幾次囉

其實都係整整下就識



煲湯咪問媽咪

問問下大約知點樣整,

同埋我都係依家先知,

啲湯第二日會出味啲

不過中間一定要煲返滾佢

如果唔係就會餿

我:「犀利原來真係識唔係呃人

講下講下就去到映彤屋企,



映彤:「hello

你兩個月原來真係一齊嚟

筱瑜:「你真係句句都加啲野落去

我:「咪就係囉技巧咁差

直接咁樣加落去係人都聽到

映彤:「Ok我唔啱

筱瑜我地去整野咯



筱瑜:「好呀

我:「我唔啱先真

你主場係咪先

映彤:「自便啦你

當係自己屋企咁樣就得

曾經,

我好渴望上到映彤嘅屋企

去到今日終於上到



不過對佢嘅心態經已大相徑庭,

嗰刻係我第一次領略到,

啱嘅時機係好重要

當你一錯過,

即使可以再來一次,

已經唔能夠同日而語

我冇同人講過呢個睇法,



純粹係我自己覺得啫

係咁咦講下佢屋企

三個人住兩間房有個大廳,

真心我覺得好闊落

佈置都係行柔和風格

白色同海藍色為主

勝在樸實望落去順眼

我冇行入去間房睇因為覺得咁樣好唔尊重,

所以都係坐定定喺度

又咁好彩佢屋企有朱古力奶,

就咁坐喺度飲對我嚟講已經可以叫做好寫意。


冇幾耐Felix佢上咗嚟

跟住佢諗住入去廚房幫兩位靚女手

點知俾人趕返出嚟

於是就坐咗喺我隔離

講真嗰句佢人幾好

見識都幾廣博

不過唔啱傾就係唔啱傾

同你嘅內涵,品性又係另一回事,

未去到真係一句都唔啱傾

係咁咦都會傾下嘅

始終大家都識做

冇理由因為咁無啦啦開人波

佢又冇要你做乜,

於合不理嘅野我又點會做呢

所以傾咗幾句之後就扮晒野入去廚房

絕對唔係咩狗公

而係對住佢兩個真係會自然啲

入到去,

筱瑜:「唔出去坐下嘅

我:「入到嚟梗係偷食

映彤:「想偷食咩呀

我:「冇喎

諗住入嚟睇下有咩咋

唔係有心太軟咩

筱瑜:「未整好呀

不過映彤另外整咗啲曲奇

你試唔試呀

我:「打死都食

跟住佢拎過嚟,

好自然將舊曲奇擺落我個口度

我亦都好自然咁樣擘大口

好似以前老母餵仔食野咁樣

動作行雲流水

一直都唔覺得有啲咩問題

直至俾映彤見到

映彤:「你兩個使唔使咁呀

張偉傑你懶到

就連食都要人餵

筱瑜:「都係一舊啫

我:「係囉又唔係你餵

跟住即刻同筱瑜整個give me five

映彤:「筱瑜你變咗喇

重色輕友

筱瑜:「痴線冇呀

我餵佢食得開心啲

一陣把口講出嚟嗰啲野咪好啲囉

啱唔啱先

映彤:「係咩

筱瑜:「梗係啦

懶鬼好唔好食呀

我:「講真幾好食喎

冇餡淨係牛油正

映彤你自己整架

映彤:「係呀

咁好口係咪想食多件

筱瑜:「肯定係啦重使講

我:「你兩個真係好醒嘅啫

映彤:「你要多謝筱瑜呀

原本諗住加朱古力落去

點知佢話加朱古力你可能未必鍾意

原來真嘅

我:「犀利喎咁你都知

筱瑜:「你應承我話唔講出嚟架喎

映彤:「口快快sorry

筱瑜:「咁你除咗三文治之外都唔鍾意食有餡嘅野

講明先呀我都係估咋

今次都只係好彩估啱咗

係喇就係咁多

我:「佩服佩服

曾經嘅你,

真係好細心,

特別係對住我嘅時候。