[校園][純愛]《幸運星下的預言》: 第六十三章

第二日準時起身

就去集合地點等各位一齊上車

嗰陣我都重係唔知頭唔知路

真係戇鳩鳩咁唔知做乜

直至上車嗰陣問筱瑜



先至知今次食宿安排係點樣

筱瑜:「係一間獨立屋嚟嘅

除咗一個大廳之外

咁呢入面有四間房

呀sir佢就一個一間



兩間女仔一間男仔」

我:「搞撚錯呀點會女仔有兩間」

筱瑜:「唔好問我我都唔知」

我:「屌佢地咁撚多人

一定嘈住瞓覺啦」



筱瑜:「細聲啲啦喺後面咋」

我:「話知佢地丫好撚嬲

有乜理由女仔有兩間」

筱瑜:「咁女仔多啲人丫嘛

女仔六個男仔四個」

我:「下

乜係咩」

筱瑜:「搞錯呀你唔知嘅咩」



我:「冇留意呀屌」

筱瑜:「你要少啲人先瞓到覺嘅咩」

我:「你唔知喇

每個人都要面對唔同嘅困難

好明顯我就係瞓覺」

筱瑜:「下

唔係好明顯喎」



我:「唔好執著呢啲野喇

你唔覺得瞓覺有人喺隔離

好唔知點嘅咩

係喎你有家姐喎

你同佢一齊瞓」

筱瑜:「唔係呀我地一人一間房」

我:「佩服

屋企真係大」



筱瑜:「你唔係一間房咩」

我:「獨子點同呢

細細個我都唔係同老母瞓

兩個人一張床一瞓醒隔離就有人

真係不了」

筱瑜:「咁你就大鑊

聽講今次啲床位安排唔係碌架床



男仔你地四張床嘅話呢

就兩張兩張咁對住」

我:「大檸樂」

筱瑜:「呵呵我冇所謂呀

傑哥聽你口氣就知你好唔鍾意啦」

我:「重使你講咩屌」

或者睇開故嘅會問，

男女一齊坐車，

女仔冇話想挨男仔膊頭咩

明明呢個情況好普遍

咁我答你佢真係冇

除咗搭地鐵嗰次之外

但嗰次都唔係典型嗰種一齊坐挨隔離嗰個膊頭

其餘時間我就更加未見過

原本重諗住ff呢啲好似拍戲咁嘅畫面

好明顯真係諗多咗。


落到車好快就入屋安頓所有野

起碼都搞咗個幾鐘，

好彩同我一齊瞓嗰啲個男仔

都係易相處嗰啲

算係不幸中之大幸

搞掂好晒話冇野做

亦都未有咁早食飯

於是成班去附近行下，

行行下入咗一間桌球室

咁樣成班就梗係話玩下玩下咁樣

就連我平時咁冷靜都忍唔住

一定要喺所有人面前展示我羡煞旁人嘅桌球技術

我:「你地行撚開啦

即係我都唔想講，

不過見你地咁興奮就知你地未見過大蛇屙尿啦」

主席:「好似好勁咁喎」

我:「(學校名)奧蘇利雲呀

你話我咩料喇

遠溜尾袋你地識條鐵」

映彤:「傑哥打嚟睇下係咪真係咁勁」

筱瑜:「係囉我都想睇

奧蘇利雲喎」

我:「睇表演啦」

跟住，

我就用上累積多年嘅yahoo桌球經驗

一步一步行埋去嗰個白波嗰度

再逐寸逐寸俯身

調整角度

當然啦我都要扮型仔

動作揮灑自如梗係唔少得

瞄準後，

揸棍嘅右手向後

然之後急劇轉快向前一篤

頃刻間，

個個目定口呆

我講得出做得到

真係遠溜尾袋，

不過係個白波

主席:「傑哥真係好撚勁喎」

男仔1:「俾啲掌聲傑哥

傑哥好野」

今次真係柒姑碌

人生冇一次差得過今次

離晒譜，

明明我yahoo桌球好撚高分架

Set波，響袋樣樣齊

點解今日會咁架

去到食飯嗰陣成班人重講緊

真係令成個家族蒙羞

筱瑜:「奧蘇利雲

做咩咁嘅樣呀」

我:「你知唔知我yahoo桌球好撚勁

真係好掂呀

唔用間尺都可以……。」

筱瑜:「遠溜尾袋丫嘛」

我:「咪就係囉

頭先點會咁架」

筱瑜:「我知一定係支棍問題

唔係喎可能係張枱

總之一定唔係你問題」

我:「係囉你都識講

點會係我問題呢」

筱瑜:「下次去book場再打過囉」

我:「話你聽係一定唔會

我係唔會再出醜」

筱瑜:「我好想你教我點樣遠溜尾袋呀」

我:「上網玩我教你啦屌

真係好撚難」

筱瑜笑到拍枱咁樣

痴線我都唔明點會唔得

自此我從來冇玩過桌球

遠溜尾袋，

喺我身上亦都成為絕響。