晏晝俾筱瑜佢講一講

返到屋企嗰陣真係喺度諗有咩夢想

鍾意一個人唔係淨係鍾意咁簡單

佢講嘅野做嘅野,

總係會格外重視



其實佢講嘅內容都係好普遍,

唔係得佢一個識講

調轉係其他人講可能完全唔會理

唯獨係佢講

採用嘅態度可以完全唔同



係咁架啦,

唔係咩叫鍾意呀

你越留意嗰個人,

你對佢講啲野嘅印象自然越深

我覺得真係好正常嘅事



不過都要多謝佢咁樣提一提,

事關我真係好耐冇諗過關於夢想嘅事

以前細細個,

不知天高地厚嘅時候有諗過

第日要點點點,

一定要咁咁咁,

講咗好多好無知嘅野

後來越來越大個,



先知講野係要負責任

對住邊個都係

就係因為有咁嘅諗法,

所以一路都唔敢開口同人講夢想

當然啦都係因為驚柒

講得出但做唔到幾瘀呀

實俾人笑到面黃



久而久之我就諗都冇諗過,

因為好擔心一諗就同人講

思緒嘅野又點可以完全控制呢

我淨係知唔諗嘅話就唔會講,

慢慢距離夢想越來越遠

唔同以前三日唔埋兩日就諗,

今日俾佢勾起條筋,

係喎究竟自己有咩夢想呀



可能你地唔信啦,

不過我所講嘅,

的而且確係我最真實嘅諗法

我只係希望我每日可以維持現狀,

做到咁樣已經好滿意

可能你會話我咁冇大志

咁我都唔會否認,



我只係覺得期望落空個感覺好差啫

倒不如腳踏實地咁安於現狀,

如果他日擁有跳出呢一刻嘅野,

咁咪當係額外獎勵

重會開心啲添,

做人唔會唔想求開心掛

我指當你有得選擇嘅時候,

唔同以前,

所諗嘅野全部都係天馬行空

用夢想太遙遠喇,

咁有距離感,

連我自己都懷疑會唔會係事實

一直都朝著這個方向去,

唔好理目標遠唔遠大,

至少條路都清晰啲

有方向跟住行就得。


我之前咪叫司徒幫我探口風嘅,

結果喺嗰個禮拜,

條友終於交到啲貨

司徒:「尋晚細表姐佢地嚟咗食飯

唔好話唔幫你試喇

我:「試到啲乜

佢有時真係好撚醒

趷起條尾都知想點

司徒:「得啦聽你話唔好咁明顯丫嘛

我諗佢唔會發覺嘅

我:「咁點呀你問到啲乜

司徒:「我真係覺得佢鍾意你呢

雖然成日講你啲衰野

不過一睇就知係扮野

一路講一路笑嘅

我:「佢條蛋散咁樣唱我

司徒:「佢話你口花花講野冇句真

平時又好無聊,

如果真係咁覺得點會笑住講

我:「係咩

咁你點睇丫

司徒:「屌你係咪咁撚蠢

重使問嘅

我:「你唔知咁多喇

現階段真係唔好咁自信

實在見過太多自以為是嘅叻仔

我做下一個真係食得屎

司徒:「嗰個樣甜到

識咗咗你之後佢成個人唔同晒

我:「有冇咁撚誇張呀

定係你兩個夾計想陰我

司徒:「你都痴線肯定係傻撚咗

學佢話齋好似你咁無聊咩

我:「最好唔係啦

講真,

聽到鍾意嘅女仔因為你而笑,

點會唔爽丫

根本冇一個唔會

就算嗰陣幾無聊幾幼稚都好,

一聽到結果就知箇中意義

冇野比呢樣更加有價值

不過突然間我諗起一個人,

一直以嚟都好少提佢

真係無啦啦醒起,

呢個人我連佢個名係乜都唔知

基本上真係完全唔識,

淨係知係男性

無啦啦諗起佢梗係有原因啦,

講定先唔係gay又喺度屈我

我堅持自己嘅性取向同一般人係一樣。