[校園][純愛]《幸運星下的預言》: 第七十四章

我:「係喎

你知唔知佢係咪有個咩青梅竹馬」

司徒:「你講細表姐」

我:「唔通講你咩屌」

司徒:「好似聽過有呢個人



真係好似咋我都唔係知好多」

我:「原本諗住叫你問

不過呢單野我都有啲興趣

都係親自出擊」

司徒:「哦



你驚有人同你爭野玩」

我:「咁唔知呢個係咩人丫嘛

問定都冇壞」

司徒:「如果真係識咗好耐講到青梅竹馬咁樣

照計都唔會依家先有野啦



以我所知細表姐從來冇拍拖

冇事嘅」

我:「你有你嘅道理

不過硬係想知呢個人係咩料」

我無啦啦諗起嘅就係佢

冇記錯的話，

筱瑜以前有講過呢個人佢成家都識

當然啦佢都講過呢個人有女朋友



頭先司徒如果真係有野，

點會去到今日先有

理論上我同意嘅

不過大家都中學雞愛情好兒戲架啦

知道心儀對象隔離有一個異性，

好自然想了解嗰個人

從而作出比較



去判斷自己比起佢有咩比較優勝

明明人地根本就冇講明同你爭

只係自己一廂情願當咗佢係競爭對手

不過唔係話我偏幫自己

喺嗰陣我咁樣諗實屬正常

大家都知筱瑜冇乜深交嘅異性朋友

不過竟然同呢個人一直有聯繫

亦都見埋家長



絕對唔可以排除日久生情呢個可能性

既然係咁我一定要自己尋求真相

講到咁撚誇張其實都只係溝女啫。


之後嗰日一齊放學，

一路行返屋企就一路問

呢啲野梗係喺校外講啦

始終比較私人



俾人聽到固然唔好

佢自己都有可能講得隱晦啲

到喉唔到肺不如唔好講

使乜心急呢

我呢啲性格，

就梗係唔會單刀直入啦

我:「係喎入到u諗住揀咩科」

筱瑜:「要睇咩分

依家都唔知

做咩無啦啦咁問」

我:「冇呀諗住問下啫」

筱瑜:「你有野想講」

我:「係呀

你揀邊樣我就讀邊樣」

筱瑜:「傻嘅咩你

到時唔識讀呀」

我:「你都痴線

第一我咁撚醒

第二萬一真係唔識

有你喺度邊有問題

做project梗係孖住你」

筱瑜:「哦

原來因為咁先想同我一齊讀」

我:「梗係唔係啦

project都只係bonus

最緊要係你丫嘛係咪先

大把人都功課叻

不過你就得一個

冇你都唔知點算」

筱瑜:「好感動呀

如果我真係女主角一定冧死」

我:「咩叫如果真係

從來都只係你」

筱瑜:「咁我信你喇」

我:「不嬲都要啦

係喎你唔係話有個青梅竹馬嘅咩

佢諗住讀咩呀」

大個諗返起，

其實我咁樣切入都係好差

冇計啦嗰陣太想知道

又扮晒野唔想直接問

筱瑜:「嘩你記得佢呀」

我:「關於你嘅野

我通通都記得」

講完之後仲要撇一撇頭髮

我:「點呀

做乜唔講野」

筱瑜:「你呢下」

我:「屌

原來柒撚咗」

筱瑜:「佢好似話想讀新聞」

我:「你呢

你之前唔係話想寫野咩」

筱瑜:「鍾意寫野啫不過唔係新聞丫嘛

即係無聊嗰陣想寫故仔又或者劇本嗰啲呀

新聞嘅發揮空間對我嚟講相對係少」

我:「哦係咩」

明知佢係讀理科都要問

當聽完之後，

真係鬆一口氣

幾驚佢兩個一齊讀

到時我輸九成啦

人地青梅竹馬識咁撚耐

我當佢唔係想溝筱瑜，

咁起碼側邊都會有個人

點都唔係依家咁樣單對單

筱瑜:「做咩呀

無啦啦咁樣問嘅」

我:「冇

八卦想知啫

你知我好撚無聊」

筱瑜:「咁又係呀你真係好似好無聊」

我:「你知就好啦」

筱瑜:「人地有女朋友呀

我地識得耐啫不過冇野架

我當佢係呀哥咋

家姐都識佢嘅」

我:「乜係呀」

當然啦有人會咁諗，

佢咁講啫你就咁聽咩

可能佢都係呃你，

咁我唔會否認呢點

不過每個人都係鍾意聽自己想聽嘅野

甚至會合理化件事，

邊有可能每一次都咁客觀丫

好明顯我就唔得啦

筱瑜:「你望住我丫」

我:「係咪今日禮拜五你驚要到禮拜一先見到我

所以依家要望實」

筱瑜:「係呀係呀你最靚仔呀

望咗先啦」

我:「哦」

筱瑜:「你聽住

任何情況之下，

入到u我都唔會讀新聞

明唔明」

我:「明

梗係明啦」

筱瑜:「真係明」

我:「係」

呢個眼神，

係少數我去到今日都重有印象嘅畫面

嗰陣嘅我冇諗咁多，

聽完淨係爽

知道佢唔會讀新聞就將所有野拋諸腦後

沖昏頭腦，

冇再去諗當中有咩含義。