[校園][純愛]《幸運星下的預言》: 第七十五章

冇咩特別咁就唔講咁多廢話

直接去講我老友司徒生日

我好似冇同咁多位講過

小弟我就係7月3號生日

筱喻我就記得司徒有同我講過



不過可能太耐之前講

一時真係唔記得咗

咁司徒係佢表弟

同時間又大過我

佢唔係主角咁就唔講咁詳細喇



之不過，

無啦啦講起司徒生日梗係有輘輷啦

因為關筱瑜事

話說佢無啦啦講起要買份禮物俾佢表弟

筱瑜:「喂無聊人」



我:「點解我係無聊人呢

改都唔緊要可唔可以好聽返啲」

筱瑜:「下

最貼切喎呢個名」

我:「你真係天真

以為我平時因為無聊先咁做

隔離嗰個唔係你我會咁樣

一早返咗屋企啦重喺度陪你行返去咩」



唔知由幾時開始

我同佢唔止一齊返學

重會一齊放學

真係唔知幾時開始有呢個習慣

大概應該係當初我借頭借路同佢一齊返屋企

慢慢就習慣咗呢個行為

而佢又冇拒絕



既然係咁就一直落去啦

筱瑜:「係喇係喇你唔無聊喇

等我講埋先啦」

我:「你啱你啱

咁你想講咩呢」

筱瑜:「你個friend就嚟生日喎」

我:「你講邊個呀

哦記得喇，



我個friend咪即係你表弟」

筱瑜:「今個禮拜得唔得閒

同我一齊出去買野丫

不過，

千祈要記住唔好同佢講喎」

我:「你講到咁樣我咪唔同佢講囉」

筱瑜:「你知你啦幾鬼蠱惑



今次唔好同佢講呀」

我:「唔係你想點先

陪你出去都得不過都要知咩事架」


筱瑜:「你知佢啦今年18歲

我地細細個講過呢，

去到18歲大家一定要送份禮物俾大家

原來佢記得喎

今年我18歲嗰陣佢真係送咗一條裙俾我

咁我咪禮尚往來囉

你同佢咁熟梗係叫埋你出嚟幫眼」

我:「下原來你生咗日喇

我唔知嘅」

筱瑜:「係你冇問啫

咁我見唔特別咪唔講囉」

我:「下年補數下年補數

幾多月呀」

筱瑜:「4月5號呀」

我:「你係想我幫眼

定係想同我一齊呀」

筱瑜:「梗係想見到你啦

唔通貪你眼光好咩」

我:「你可以話我個人點樣衰點樣狗點樣賤

不過唔可以話我眼光差

因為咁樣即係話埋你」

筱瑜:「痴線」

我:「你望下我幾誠懇」

筱瑜:「係喇好誠懇呀

我冇懷疑過你講大話喎」

我:「下年啦

等我晉升第二個身分同你慶祝生日」

筱瑜:「咩身分呀」

我:「你估下」

筱瑜:「唔想估喎我估野好差」

我:「你咁叻實估到啦」

筱瑜:「唔估呀快啲開估」

我:「答案係

A-Level生」

筱瑜:「原來係咁咋」

我:「係呀唔係以為咩呀」

筱瑜:「冇呀

冇以為啲咩喎」

我:「講笑咋你睇下你丫

我啱啱識嗰個喜怒不形於色嘅筱瑜去咗邊

依家完全兩個人」

筱瑜:「你想我咁嘅話我都得嘅」

我:「唔好呀

你嗰個樣真係冇乜靈魂

依家有血有淚吸引好多」

筱瑜:「真係」

我:「幾時呃過你」

筱瑜:「有冇咁誇張呀有血有淚」

我:「都係講笑啫」

筱瑜:「我都預咗啦」

我:「你想我講嗰幾個字呢

就唔係講出嚟嘅

做出嚟架嘛係咪先

放心啦唔會走你數嘅我話咗咁就咁」

筱瑜:「冇話過唔信你喎」

我:「咁咪乖囉」

跟住重要摸一摸佢個頭

筱瑜:「唔好整呀」

曖昧嘅回憶真係好扣人心弦

即使依家變咗中佬，

仍然記得當年嗰份談情說愛嘅感覺

永遠都係嚟得最真摯。