[校園][純愛]《幸運星下的預言》: 後記

以下內容全部夢境

如有雷同實屬巧合

大家都清楚，

今年六月

香港有好多聚會，



我，

亦即係故事嘅男主角--傑仔

唔知點解成日都有野餐

可能覺得一班人一齊去開心啲掛

突然間有一日，



我收到一個whatsapp

原來係佢搵我

筱瑜:「有啲野想你幫幫手呀」

我:「好

做咩呀」



筱瑜:「過嚟上次嗰個公園先丫」

我:「嗯」

只要係佢搵我幫手，

佢講乜我都盡量應承佢

從來都係咁

對住佢真係唔識say no

一去到，

我就一路飲住包朱古力



一路謝佢走呀聽佢講乜

筱瑜:「其實呢原本我係想搵映彤

點知佢話唔得閒叫我搵你

我都唔係傻嘅梗係知佢係咪真係唔得閒啦」

我:「放心啦陣間幫你多謝佢」

筱瑜:「你多謝佢咋話」

我:「做咩呀要點樣幫手」



筱瑜:「我知你呢排有出去

我亦都係為咗呢件事搵你」

咁其實佢要我做咩呢

首先交代背景先，

筱瑜係一個熱衷於政治嘅女仔

佢話2014年雨傘嗰陣自己仍然可以正常步行

發夢都有出去應援

佢話依家都好想去



當然自己知自己事，

佢好想出去

不過真係驚阻住進度

筱瑜:「傑仔你要小心啲呀，

我真係好驚

你知唔知我係好想同你一齊出去

大家都係土生土長嘅香港人，



懷著一樣嘅信念，

但係我咁樣出到去只會拖累

我唔想零付出呀

就係因為咁我先叫你幫手」

我:「你有冇做文宣丫」

筱瑜:「有呀」

我:「咁咪係囉其實你已經有幫手

唔好再怪自己啦唔關自己事呀

抗爭一定係長遠嘅事

心態唔調整好點樣行呀之後

係咪先」

筱瑜:「冇錯

亦都係因為咁所以我今日搵你再幫手」

跟住佢俾咗一疊錢我

筱瑜:「物資就靠你幫手拎喇」

我:「你自己袋住啦

唔夠我就搵你啦」

筱瑜:「我好想出錢又出力

不過真係無能為力

企出嚟真係會成為一個負累

你就當我為咗呢次抗命出一點綿力好唔好

我知唔係好多不過唔想唔參與呀

我好鍾意呢個地方，

呢個地方有我最開心嘅回憶喺度，

難得依家重可以付出

我唔想浪費機會呀」

佢呢種眼神

又係令我唔能夠拒絕

我:「你唔驚我打斧頭咩

呢舊錢話多唔多話少唔少喎」

筱瑜:「你唔會嘅

我唔會信自己睇錯人，

唔係我眼光好

而係嗰個人係你，

當年係咁，

今日都唔會變」

以我了解嘅佢

佢真係會自責自己出唔到嚟

如果唔係嘅話，

佢就唔會出呢舊錢幫手買物資

或者有唔少巴打絲打都曾經接受過

用筱瑜錢買嘅物資

而佢每一次都會叫我小心，

佢話佢雖然唔可以去現場幫手

不過絕對會做好文宣嘅事

雖然大家企喺唔同崗位

但依然係向著同一個理念進發

就係為咗香港出一分綿力

再講一次

以上內容全是夢境，

冇咩可以再講，

香港加油啦