柒下柒下咁又去到lunch time, 唉準備又畀人係咁問喇, 但係其實點解佢哋又知? 唔通條女係佢哋派嚟撚鳩我?

「喂 食咩啊」 Jeff問我哋

係喎未同大家介紹我啲friend, 做得毒撚就當然有翻個毒撚圈子啦 咁我都唔例外。

峰哥 - 矮柒肥窮毒, 五樣嘢中哂 

Jeff - 好撚有錢不過on9, 成日講埋啲唔好笑嘅笑話



唔好睇佢哋平時串柒柒咁, 佢哋其實係好好嘅談心對象 仲要有義氣㖭。

「唔係呀? 今日星期幾呀?」峰哥回答返佢 

「哦 係係係 記得記得 星期二大快活呀嗎」 

「話時話 你哋點知今朝啲嘢㗎」 我好好奇咁問

「你今朝畀隔離C班條友影到哂啦 宜家喺C班班群瘋傳 真係水都洗唔清啊」



峰哥講完之後Jeff接住講

「C班啲人仲要強烈譴責你有女㖭呀」

「嘩 咁我以後要小心啲畀佢影到」

「你唔好對條女做埋啲唔正經嘅嘢啊 我會打999拉你㗎」峰哥講完之後又奸笑

「收皮啦 最唔正經嗰個咪就係你囉笨柒」



講真其實峰哥奸笑嗰陣個樣真係好撚柒, 加上佢五大又中哂, 作為friend嘅我都頂唔順。

「揾位啦渠頭」 峰哥好唔爽咁對住我講

過程中Jeff完完全全咁做咗個邊緣人 , 我都唔知點解同峰哥互相屌鳩個陣會唔記得佢嘅存在。

我哋食食下嗰陣, 通常都係峰哥同Jeff喺到傾動漫嘢而我就乜都冇講, 冇計啦動漫嘢我又唔啱。

「喂有套嘢好正喎 個女主又大波」峰哥邊講邊指住佢電話

「0興」Jeff回答佢

「其實呢...你哋信唔信一見鍾情㗎」我好突然咁打斷咗佢哋嘅話題

我都唔知點解, 我會有種衝動去問佢哋。



「errr...就算拍到拖都唔會長久」 Jeff好認真咁講

「咁峰哥你點睇?」

「同Jeff一樣囉」

「啊希你有咩諗法?」峰哥問我

「...sorry我答你唔到」佢一問到我嗰陣我個腦一片空白

之後Jeff意識到個氣氛變得有啲沉重, 所以佢同我哋講 「喂 快啲食嘢啦 宜家37分喇 我趕住去課金」 

就係咁, lunch time嘅時間過咗又要上埋啲閪堂。



上堂嗰陣我不斷係咁諗一見鍾情成功嘅%有幾多, 我一諗到今朝我同Tiffany嘅嘢嗰陣, 又諗返起Jeff嗰句「就算拍到拖都唔會長久」就打沉返我。