每朝早在巴士站相遇的我和她: 第四章

話咁快就放學, 我呢啲平時冇乜節目嘅人當然一放學就係衝返屋企打機啦, 點知今日放學咁啱好見到Jeff喎, 咁就當然過去hi下佢啦。

「喂 你今日唔洗搞圖書館啲嘢咩」 我行咗去佢隔離

「希大佬? 我要趕住返屋企換衫之後出席表哥嘅婚禮先早走啊 你知啦住康樂園好麻煩㗎嘛」

「仆你個街 又哂命」

大家都知喇airpods係漏音耳筒嚟㗎嗎, 條死仔又戴住對airpods我喺佢隔離梗係聽到佢聽咩歌啦。



"其實毒撚一個更開心 洗撚你講 其實毒撚早晚留在家 卻扮忙"

我聽到之後忍唔住唱返句

「其實毒撚一個不開心 洗撚你講」

「屌知你有女喇 仲要唱到走哂音咁」 佢笑住講

「乜我唱歌真係咁難聽咩」 我講完之後自己都笑咗



「唔講住先喇 個司機等咗我好耐 係咁先啦」 佢講完之後一支箭咁衝咗去架Tesla model X到

「唉 如果我係有錢仔 你話幾好」 我喺心入面講

返到屋企當然係換衫之後開電腦啦, 打開隻battlefield打咗幾鋪望一望出去個窗再睇一睇我隻錶原來已經7:30

「仔 食飯喇」

食完個飯之後我狗衝返房繼續打機, 點知一坐低discord group就有人打嚟, 我接咗個call之後。



「喂~」

「喂 咩料啊峰哥」

「Jeff佢今晚要出席表哥婚禮 我哋三個冇得一齊打機」

「我知呀」

之後我就講咗今日放學啲嘢畀峰哥聽

「屌你咩 有女咋嗎 好撚勁咩 」

「我又幾想聽下你點樣唱到走音」峰哥講完之係就係到鳩笑

佢笑咗成分鐘之後先開始冷靜落嚟



「喂 係喎今日電腦堂聽完你咁講 你好似唔記得咗啲嘢」

「吓」 我聽完峰哥講之後成個黑人問號咁

「問人攞ig電話嗰啲呀 你唔問佢攞你淨係規限每朝早喺巴士站遇見佢」

「好似係喎」

「但係我唔知點開口」

「嗱 等我教你啦 直接問佢咪得囉」

「屌 講完好似冇講過嘢咁」



「食屎啦你 你唔知點開口呀嗎 我咪教你囉 點知又要踩低人哋一翻心意 哼」 峰哥扮啲女人喺到嬲

「咪撚扮女人啦 好撚嘔心啊 屌你老味」

「唉 好啦唔玩你喇 識做啦宜家 冬池 呢 me down 啊」

「up乜鳩啊你 講唔正就咪撚講啦」

「係喇係喇 知你英文勁揪 話時話英文功課做咗未呀」

「梗係未啦 我宜家先開始做咋 咁你啲中文搞掂未」

「一早搞掂啦 就係等你嗰分英文同Jeff嘅中史 我睇動漫都睇咗成個鐘 都仲未等到先discord call你」

「哦~ 原來有陰謀嘅」



「被發現了.jpg」

「屌 係咁先啦唔阻你做英文喇 whatsapp group見喇」

「BYE」

「BYE」

做完之後睇一睇隻錶

「仆街 十點廿八分 打多鋪機都唔得」

冇計啦, 同峰哥傾咗咁耐又要做本垃圾grammar book, 我send完啲答案之後就去咗沖涼刷牙訓覺。



訓咗落床, 我就不斷開始諗如果攞電話失敗咪柒到飛上火星, 一嚟失敗又冇後路, 二嚟C班條友又會影住哂。

我不禁唉咗一聲, 之後就訓着咗。