為左追到女神我要成為全級第一！: 第三章：

一起身就望到小欣望住我係到微笑，哇頂一起身就見到一個靚女望住你係到微笑，我感肯定除左同性戀之外，呢個係每一個男人都會有既願望黎！估唔到我單身十七年既高級魔法師都會有咁既一日，世界真的變了，變得陌生了。

小欣望住我咁耐都冇反應，就好細細力咁拍左我一下，我先反應起來，我同佢講左聲唔好意思之後就問佢而加上咩堂，佢就面帶笑容咁同我講上中文啊而加！

本身諗住係個書包拎本書出黎，點知除左幾包薯片之外，一本書都冇...怪不得今日返學個時好似好輕啦，原來如此！唯有死死氣咁問下小欣佢可唔可以一齊睇啦。

我：喂小欣同學可唔可以同你一齊睇本中文書阿，我今日所有科既書都冇帶到啊...
小欣佢笑而不語，佢輕輕咁將本書移向我個到，而我連忙就向佢講唔該晒。

突然佢開聲同我講：


小欣：借比你唔係問題，但我有一個條件，我知道你係留級生，所以你應該好熟悉呢間中學，我想你做我一日導遊，啊俊同學！
我：你又知我叫啊俊同我係留級生既...
小欣：張老師同我講晒你啲野比我知啦！
冇錯張老師就係我地新黎既班主任，估唔到佢會咁對我喎。
我：好啊冇問題，你想幾時啊？
小欣：咁不如今日放學啦，反正我地今日早放，係學校行一陣都可以啦！
我：就咁話啦！

白駒過隙，我係同睡魔競爭之下，終於捱到去放飯時間。我同小欣講左句再見之後，就急急腳去左搵一早企左係門口既啊明一齊去食飯。點知我聽到有個女仔叫緊我個名，好熟悉把聲！果然我一另轉身就見到小欣企左係到。



小欣：啊俊同學阿其實我都係岩岩先搬黎呢到，唔知附近有咩餐廳好食，唔知我可唔可以同埋你地一齊去食呢？

我望一望啊明，啊明個樣充滿驚訝！佢冇諗過我會有女仔主動搵我食飯，更加冇諗過仲要係一個靚女搵我！

男人往往都係會重色輕友，所以我冇理到啊明意見就答應左小欣。就係咁我地就三人行咁去左我同啊明成日食既意式餐廳食飯，係路途中我見到好多男仔都用猥瑣嘅眼神望住小欣，亦有啲用羨慕嘅眼神望住我同啊明。