為左追到女神我要成為全級第一！: 第四章：

入到餐廳之後，我地就去坐我同啊明既私人位置，因為呢間餐廳個老闆正正係我對面鄰居，佢係一位唔似四十歲既陳叔叔，我由細到大佢都對我好好，所以佢一開餐廳就幫我整左個私人位置比我，等我可以帶啲朋友一齊黎食飯。

我同啊明就嗌左一個焗豬排飯同肉醬意粉，我問小欣想食咩個時，佢個樣表露出一個好無奈既樣出黎，於是我就問佢做咩。
我：做咩啊？
小欣：我...我好似唔係好夠錢食...
我：咁阿，我仲以為你唔岩你心水啊，放心啦你嗌啦，我幫你比住先啦。
小欣：咁好啦，我聽日比返錢你啦！

佢同我都食同一款，係食飯個程中，我同小欣都互相了解左好多野，估唔到小欣都同我有好多共同興趣。





望一望手錶，發現都係時候要返學啦，所以我連忙買完單就慢慢咁行返學。果然小欣既仙氣氣場仍然迷倒一班眾生，就連其他中學學生都望住佢，我仲隱約聽人地係地埋怨自己間中學點解冇呢種同學存在...

返到學校之後，上多兩堂就可以放學啦！望一望個時間表，我頂係英文堂，每一個學渣都唔想面對既一堂，而我上年因為衰左英文先搞到要留級...

小欣去完洗手間返黎見到我又呆左係到，於是又細細力咁拍我一下就問我
小欣：做咩又呆左係到啊？
我：一陣上英文堂，我最廢個科正正就係英文...我唔係好想面對佢...
小欣聽完就係到笑！
小欣：英文有咩好怕喎，你當英文係你打機啲對手咁對付咪可以囉！





聽完小欣咁講，平時上英文堂既我一早已經訓著左係到，但今日我竟然兩堂都冇訓到，就連教左我兩年既李老師都係落堂個時話奇蹟降臨係我身上，大家聽完之後都紛紛大笑起來。

我準備收拾東西個時，小欣問我準備好帶佢參觀呢間中學未，我笑住咁同佢講等我執埋啲嘢就可以行。

我同佢踏出呢個班房後。
我：口唔口渴，我想去小食部買包蘋果綠茶飲！
小欣：我有水飲阿，不過我都可以陪你去買啊！
我：咁呢邊請啊小姐！

買完包綠茶之後，就同佢由最低個層一路掃上去天台，但一般天台都係唔比學生上，但我作為資深學生，係初中個時我一早已經同校工混熟晒，所以上個天台並唔係咩大問題，只不過唔可以逗留得太耐，半個鐘內就要離開天台，廢時訓導又搵我麻煩。









有啲野想同大家講
就係香港人要加油！