為左追到女神我要成為全級第一！: 第二十五章：

個派對屋好大，雖然我地人多但其實一啲都唔迫。我地分左三堆人挽，一邊打機既打機，唱K既唱K，仲有一邊人挽棋盤同卡牌遊戲。啊明同啊傑都一手拉住我話一齊去打機，我見咁耐都冇打機就去左打機。

小欣同啊儀仲有一班女仔係到唱K，我識左小欣咁耐味聽過佢唱歌，今日終於有幸可以聽下，小欣簡左首近期好出名既國語情歌，一班當小欣係女神既小毒毒同學，竟然放低手上既活動，齊齊欣賞小欣既歌聲，而我都按左暫停制去聽壽星小欣佢唱歌。

小欣一開口果然人靚聲甜！聽到我地一班人都十分陶醉，佢唱完之後場上一遍歡呼聲，大家都一齊叫小欣安可多首。之後小欣簡左男女合唱既歌黎唱，佢係唱之前，佢突然之間向住我個方向行過黎，我咩都冇做企左係到。小欣行到黎問我有冇興趣陪佢唱返首，其他人聽到之後就係咁起哄。

係一陣起哄之下，我主動拎起左枱上支咪，我呢一個舉動場上既歡呼聲變得更大。好彩我人稱九龍灣張學友，唱歌呢樣野難我唔到，好快前奏響起，小欣佢唱先之後就到我唱，唱到高潮位我地兩個都一齊望住大家一齊唱，我眼眉望到啊儀係到偷拍我地唱歌，不過算啦因為我都想可以睇返。

唱完之後大家各自各去挽，過左一陣啊儀佢地訂左既比薩外賣送到黎，大家都去左食野，食食下啊傑拍一拍我膊頭示意我要跟著佢，我跟著佢去左個廚房入面，係入面啊儀同啊心都係到，啊儀同我講話要我拎個蛋糕出去比小欣，而佢同啊心就負責唱生日歌，啊傑就負責拍片。





突然所有燈都熄晒，啊儀幫我係蠟燭點着佢就勁心急講快啲拎出去啊，之後我就拎住個蛋糕行左出去，所有人都望住我，包括小欣在內。小欣見到我手上拎著個蛋糕就露出佢個招牌微笑，啊儀同啊心同一大班人一齊向小欣佢唱生日歌，唱完之後大家再講多次生日快樂啊林小欣！

小欣佢今次喜極而泣，佢係咁講好多謝大家幫佢慶祝生日。之後我地一齊叫小欣許過願，佢許完之後就吹熄個蠟燭，我地成班都影左幾張大合照，之後小欣就一個一個咁單獨影，影晒之後我地就繼續食野。

食完之後我地就成班一齊挽真心話大冒險，佢班人唔知係邊到搵到個輪盤出黎同埋一盒真心話大冒險卡。一開始都抽唔中我同小欣，去到唔知第幾輪，抽中左小欣佢，啊儀就問佢要真心話定大冒險，小欣諗左一陣就話要真心話，啊儀就抽左張真心話卡比小欣佢。

小欣打開一睇，條問題竟然係場上有冇你既意中人，班小毒毒聽到條問題都好興奮但有啲失望，因為知道自己冇可能。啊儀同啊傑都一齊講話要講真話啊，在場大家都好期待小欣佢答咩，小欣開口講話有個陣佢望住左我但又瞬間避開左我既眼神。

大家聽到小欣有意中人係呢個派對到，都勁興奮，佢地既目光都全部望向我，搞到我面都紅晒，啊明就暗串講左句得啦，而加有女就唔要兄弟啦！而我就不斷澄清我同小欣只係好朋友，但大家都唔信仲不斷歡呼...