為左追到女神我要成為全級第一！: 第二十六章：

之後我地就繼續挽啦，過多到一陣終於抽中我啦，啊傑同啊儀都勁興奮，係咁話要真心話定大冒險，我諗左一陣，最後簡左大冒險。

啊儀就立刻幫我抽左張大冒險卡比我，我默默咁打開黎睇，頂！張卡既內容係要璧咚在場其中一位異性10秒。我望住張卡呆左一呆，之後啊明就大叫快啲做啦，做少少野都咁慢仲點做大事啊！

我望住小欣佢，佢見到我望住佢，竟然笑住同我講見你一個呆下呆下，就等我做個位異性啦。我鼓起勇氣行過去一手拉實小欣隻手，帶到佢去牆邊，然後我深呼吸就一手拍落去小欣個頭隔離，我用深情既眼神望住佢，係心入面倒數10秒。10，9，8，7，6，5，4，3，2，1！

係呢10秒入面，異常地安靜，呢一刻係我同小欣先獨有既畫面，10秒過去再次出現嘈雜既聲音，我醒過神來發現佢地仍然繼續大聲起哄，雖然小欣係主動比我璧咚佢，但完左之後佢塊面仍然都紅晒，真係好可愛！

唔經唔覺都已經就黎10點，換言之個派對差唔多完，於是我地就開始還原返個派對屋比我地搞亂左既地方，係走之前我地都影左幾大合照，當然我企係小欣隔離到影啦，最後我地都準時比返個場比負責人。我地之後去左糖水店到食糖水，過程中都十分歡樂。



食完之後大家都準備返屋企休息，因為聽日係星期一，係要返學啊！好彩啲功課做晒，就算味做等聽日返學抄人地算。而我就想送小欣佢返屋企，而啊明都好醒水咁話有朋友約左佢食宵夜，要走先。不過佢臨走前係到奸笑咁同我講唔好挽咁夜啦，記得做足安全措施啊！

我聽完之後我就講左句你都痴線既！之後啊明就一支箭飛走左啦。突然間就得返我同小欣兩個人係到，我見咁夜所以就提議搭的士返去會快啲，我就去接左架的士返黎，幫小欣開門上車。唔知小欣係咪挽得好攰，所以一上到車就係咁打哈欠，過多冇耐佢就成個人訓左落我到。

佢訓得好冧，我忍唔住輕輕咁拎部手機出黎影低小欣睡相，之後我一路都望住窗邊既風景，直到司機提我地就到目的地，我先回過神，我叫司機駛到去小欣屋企樓下，我就落車幫小欣開門，之後叫司機等多陣，我望住小欣佢搭升降機，我先肯上返架的士。

一上車司機就同我講：喂靚仔你女朋友幾靚女喎，一齊左幾耐啊？我比司機突如其來既問題嚇親，之後我立刻話佢唔係我女朋友黎，司機聽完就笑晒口話如果唔係你女朋友黎，咁即係係所謂既「娘娘」啦！我係咁話我同佢只係好朋友黎。點知司機講左句唔洗扮啦細路，司機大哥我食鹽多過你食飯，一睇就知你對個女仔有野啦！

我冇講任何野，之後司機就話如果你真心中意個女仔咪勇敢去追囉，男人老狗怕咩姐，我都感受到個女仔都對你有好感啊！之後司機大哥就係咁分享佢既情史比我聽，明明返我屋企只需要15分鐘車程，點解講講下好似唔止15分鐘咁既。終於到我屋企樓下啦，我諗住拎個銀包出黎比錢個時。



司機大哥竟然另轉頭同我講話今程唔洗比錢啦，就當你聽左我咁耐野既報酬啦，我話點好啊，佢話如果想報答我就勇敢去追個女仔啦，青春嘛，要熱血啲啊！我同個司機講左好啊再見就返左屋左，一返到屋企我一如既往沖完涼就即刻上床訓覺，再唔訓我聽日返學一定會比老師催眠到。