為左追到女神我要成為全級第一！: 第二十七章：

鈴...鈴...鈴...我比鬧鐘既聲音整醒左，一落床就起刷牙洗面，食完個早餐之後，就換衫返學，啊明係樓下等埋我一齊返學。我同啊明都係傾下打機啲野，去到學校之後，係臨分開之前，啊明講左句等陣有野益你記得睇手機。

由於朝早課室冇老師係到，所以大部分同學一返到學校第一時間都係係到挽手機，有啲女仔仲帶埋平板電腦返黎朝早係到煲劇，我個時睇到都服左佢地啲女仔。返到課室見到小欣已經坐係自己個位到，係到專心咁睇緊本書。

於是我就去坐低自己個位，小欣見到我返黎就同笑住同我講左聲早晨之後就繼續專心咁睇書。我諗返起琴日小欣講過話佢有意中人係派對屋到，我抱著一個好奇既心態去問小欣佢，佢聽到之後就答左我一句唔好咁八掛啦！

我望到佢戴著我琴日送比佢既頸鏈，唔洗問佢都知佢一定好中意我呢份禮物啦！雖然小欣佢叫我唔好八掛，但我好奇心一日味死，我都會係咁問，係我既死纏爛打之下，佢仍然都唔肯講...之後我就係咁講返之前係派對屋有份出席既男仔啲名出黎。

講完一論之後佢都話唔係，就連我都唔係，咁佢究竟中意邊個啊。佢見到咁堅持，就怕左我就話比個提示我。佢寫左一個11數字出黎，之後就叫我自己慢慢諗下啦，我望住呢個數字突然間諗起一個人，係啊權！講起佢就勁啦，上個禮拜先幫我地學校拎到學界足球冠軍，加上個樣又唔差，係學校都有好多花痴，唔通小欣中意佢？



因為啊權係班到係11號，而且佢件波衫都有個1字。於是我就走去問小欣係咪，佢答我可能係啊，佢呢個答案我表示冇言...算見小欣佢唔願意答我就去左自閉，突然間我手機震左一下，一睇係啊明wts我，佢傳送左幾條片比我，我一睇係琴日我同小欣啲互動，原來今朝有野益我係呢啲，我講返句thx就放低左部手機。

小欣見我唔講野於是就同我講如果下星期個英文測驗可以有70分以上就同我講中意邊個，我聽到之後諗到冇諗就話好！但係英文係我弱項，平時測驗考試一係唔合格一係就掹車邊合格...點樣可以一時之間進步咁多呢，係呢個時間點我諗到係一個人，冇錯就係啊明啦！佢一定有辦法幫我！

一放學我就急急腳去啊明間課室，由於我係留班生，所以啊明班入面啲同學我都識晒，係班入面見唔到啊明係到，於是我走去問係到執緊野既同學，一問先知原來啊明佢地仲味放，於是我一邊坐係啊明個位一邊同班內啲同屆同學吹水，過多一陣啊明終於返黎，啊明見到我係到就笑住咁同我講咁快就想請我食飯啦！

我話你幫完我請你食咩都可以啦，啊明就話有咩需要幫手啊俊哥，我立刻話幫我補英文啊！啊明聽到之後係到狂笑，之後好認真問我做咩冇啦啦要佢幫我補英文，我就將我同小欣之間既事一五一十同啊明講晒，點知啊明聽完我講完之後就講左句咁咋，咁好易姐，聽日開始留係學校我幫你補啦，雖然你唔會拎到滿分，但拎70分以上唔係一件冇可能既事。

我同啊明講有你呢啲兄弟真係冇憾了，啊明就話快啲行啦，返屋企溫書啦！之後個星期放學我都去搵啊明補英文，而小欣都會冇啦啦用英文問我問題，雖然都答到佢，但佢話我可以用再好啲既英文答佢，仲教埋我點樣用。



我問佢你好想我可以拎70分以上咩？佢答我本身諗住話要我拎80分以上先肯講，不過佢諗諗下怕我連75分都唔知有冇，所以先話70分以上就可以。我聽到之後我就咁加比心機去學好英文，我一定要拎到70分以上比小欣睇我係可以既，我要佢願賭服輸！















光復香港，時代革命！
五大訴求，缺一不可！
香港警察，知法犯法！
黑警死全家！
香港人加油！