[酒店甜故] 酒店高層淫事: 第三十三章

吓, 咩咁靠害呀? 我聽倒小燕咁講, 心諗呢次就真係大檸樂嘞, 但突然, 升降機叮咗一聲, 我同小燕即時就向住防煙門出便衝咗出去, 防煙門關咗之後, 跟住我哋就聽到走廊之處正在嘈冤巴閉。
 
「開門摷條香港仔出嚟, 見倒就同我用槍啪咗佢。」
 
我聽倒有人咁講, 即時嚇到腳都軟哂, 小燕示意我哋要行落樓梯度逃走, 但我已經行唔郁再扶住欄杆嚟話, 「唔得…..扶我……」
 
小燕皺住眉頭行埋嚟, 而我就搭住佢膊頭一步一步咁行落樓梯度, 行落咗兩層之後, 跟住我哋又聽倒樓梯下面又有人響度嗌住。
 
「呢層搵唔倒, 上去上面果層再搵吓。」
 


我哋聽倒咁, 小燕已經拉住我手就打開防煙門衝咗入去, 我比小燕拉住咁走, 走到去一間半掩住房門嘅房間度, 我同小燕二話不說就衝咗入去再關埋度房門, 房內, 有個執房女仔見倒我哋衝咗入嚟, 跟住我亦認得呢個女仔係邊個。
 
玲玲好驚訝咁問住我 : 「咦 Raymond, 你哋做咩會走入嚟嘅?」 我同小燕都殊住玲玲叫佢唔好再發出聲響。
 
木門出便走廊正在兵兵嘭嘭, 聲音已經愈嚟愈近, 玲玲正醒目叫我哋走入浴室裡面匿埋先, 我同小燕走咗入浴室之後, 果然跟住, 出面就已傳嚟有人入咗房嘅聲響, 我聽倒有人問玲玲間房仲有無其他人響度, 而玲玲就話只係得佢一個人響度執房之嗎。
 
靜咗一陣之後, 浴室木門正被敲響住, 我聽倒玲玲呼叫話啲人已經走咗, 我打開木門行番出去, 跟住小燕就同玲玲講咗件事出嚟, 玲玲聽到之後大驚。
 
玲玲正憂心重重咁望住我, 跟住佢就叫我哋先留低響間房內, 等佢出去望吓無人之後, 跟住先再叫我哋離開呢度, 玲玲打開度房門裝吓, 見走廊兩邊已經無人之後, 跟住玲玲正細細聲咁同我哋講 : 「無人嘞, 你哋快啲走先啦。」
 


我同小燕開始要準備離去, 但響我哋行出房門之後, 我回望番住玲玲。