据完扒後, 同玲玲搭 lift 落到樓下, 玲玲同我講 : 「喂, 頭先埋單好貴呀, 其實我食嘢真係好求其架咋, 咁啦, 下次如果我再嚟嘅話, 我就帶多幾包菜乾比你嘞……..」
 
嘩, 唔好嘞掛, 但響玲玲講緊嘢期間, 隔離有幾個 MK 妹望住玲玲響度吱吱斟斟咁話, 「嘩妳睇個大陸妹啲衫幾娘呀, 但佢側邊條仔又咁鬼有型, 真係嘥哂條仔嘞。」
 
玲玲有啲無奈咁同我講, 「Raymond 哥呀, 不如….我都係自己走先嘞。」 我知道玲玲個心諗咩, 跟住我就再同佢講 : 「唔使理佢哋, 妳不知幾咁靚女, 呀, 我知道呢頭有間 boutique 啲衫唔貴但又好啱妳架, 咁不如我帶妳過去睇吓咯。」
 

 
玲玲聽倒之後話唔使, 但我就堅持拉住佢行過去, 去到呢間 boutique 之後, 玲玲似乎亦比店內嘅衫所吸引住, 始終愛美係女人嘅天性, 玲玲正不斷四圍咁去睇啲衫。
 




個 Sales 介紹咗幾套衫比玲玲入去試, 而我就百無了賴咁響出便等住, 等咗一陣之後, 玲玲換咗套衫出嚟問我覺得點, 我望住玲玲, 果然真係好似成個人都唔同哂咁, 眼前嘅玲玲突然比我多咗一份令人心動嘅感覺。
 
玲玲見我望到佢呆哂咁, 跟住佢再響柜枱揀咗對耳環嚟試帶住, 而我就上前幫佢整理吓個頭同啲衫, 好靚, 估唔到玲玲稍為執吓都會有一種咁迷人嘅魅力。
 

 
買咗幾件衫之後, 我再同玲玲講 : 「喂, 而家咁靚女, 咁不如今日做住我個女朋友先啦。」 玲玲聽到之後就打咗我一吓咁話 : 「唔好玩啦, 我邊敢高攀 Raymond 哥你呀?」
 
我再同佢講 : 「係呢, 不如一陣妳放低個喼響我屋企先, 跟住我再揸架錢七同妳環遊港九新界一週啦。」
 




玲玲問我 : 「咩叫做揸架錢七呀?」
 
我再講 : 「哦, 錢七就即係一架私家車, 不過架車就唔係啲咩靚車, 所以我哋就叫做錢七囉。」
 
買咗幾件衫之後, 玲玲就咁着住件新衫就同我搭車番去我屋企, 入到屋後, 玲玲有啲驚訝咁講 : 「嘩 Raymond 哥, 你間屋雖然唔算係好大, 但不過啲裝修都幾靚喎, 係呢, 你係唔係一個人自己住響呢度架?」
 
我同佢講 : 「得我一個人住咋, 不過妳唔好睇間屋咁細呀, 我每個月供樓都已經供到死死吓架嘞。」 小休一陣之後, 我亦換過便裝, 跟住就同玲玲落去停車場度揸我架二手 Mini 仔出發去。
 
我揸住架車先由獅隧直入沙田, 去到元朗出番荃灣再由西隊過海上山頂, 沿途我哋又食住老婆餅咁一面講解各處名勝比玲玲知道, 黃昏時份, 我揸咗部車入去淺水灣, 跟住我再同玲玲手牽住手咁響沙灘上漫步。
 




玲玲似乎好享受今日我帶住佢四圍咁去, 夕陽景照, 二人響咁浪漫嘅氣氛底下共對, 我問住玲玲, 「聽日星期日, 今晚不如留響我屋企度瞓一晚先走啦。」 玲玲笑住同我講 : 「你又想諗埋啲咩呀?」
 
我拖住佢雙手同佢講 : 「咪就係…..想同妳再做多次咸濕嘢囉。」