廢鳩俠2: 12.照顧露露的任務

清水灣，阿七等人的大宅內


「叮噹！」


「有人禁門鐘既...」

聽到大宅門鐘響起，凪咲問:「結衣bb，係咩人禁鐘呀？」






結衣bb將影像投放到凪咲前

「佢地兩個係阿七個妹妹小櫻同佢男朋友拓也呀」



「咁請佢地入黎丫」








「咔」

小櫻和拓也走進屋內


「有冇人呀？！」

小櫻見大廳空無一人，一路叫著







「有~~~~~~」

凪咲跑著上到閣樓，抹著頭上的汗水道:「哈哈，唔好意思呀掛住整野，我叫凪咲呀，係阿七既朋友，多多指教」

「你係咪就係阿七個妹妹小櫻啦？」


「咦..你又知既...唔通係果個AI...」


「嗯！無錯呀！」





凪咲繼續笑得「四萬咁口」:「我去沖茶比你地飲丫！」


「唔..唔駛啦」

拓也開口:「我地黎係搵阿七既」



「阿七唔響度呀，佢去左...去左.....」

凪咲憶起:「係啦，佢去左探佢鐘意果個...果個.....露露san呀！係呀就係露露san呀」


「露露...即係咸濕阿哥鐘意果個...」








沙田，某公屋單位內


「伯母...我買左啲生果上黎呀」

「多謝你呀阿七，呢段時間真係辛苦你呀..」


阿七連日來均有上到露露府上探望

但是...






「露露..呢？」


「佢響房呀..」

露露的母親嘆一口氣，憂心道:「...佢仲係唔肯返學..不過都好難怪既，遇到呢啲事..」

「我已經帶左佢去睇政府既心理醫生架啦，希望佢既情況會有好轉啦」



「我..再勸下佢丫..」





「嗯...」



「咯咯！」

阿七敲下房門:「露露，我係阿七呀...」


等了十多秒，終於得到回應

「...入黎丫」




阿七徐徐打開房門

看到的，卻是個非常虛弱的露露


「露露..你...」

阿七關上房門:「你..無事丫嘛」


「唔好意思呀，我..最近真係無乜心機返學」

露露望住窗外的風景，平靜道


「嗯..我明既..」

阿七也知道，正常人遇到此種事件，的確需要時間



「呃....我響圖書館借左啲書比你呀...你睇下啱唔啱睇..」

「仲有..我買左曲奇餅呀..」

阿七仿如多啦a夢一樣，取出不同東西



「唔好意思呀阿七...要你做咁多野..」露露自己也過意不去

「好小事姐..」




雖然只是閒話家常，但露露似乎開心了不少



轉眼間已到了傍晚

「露露..咁我唔阻你休息啦..我都差唔多要走啦」



「阿七...」

露露竟追住阿七:「多..多謝你呀...」


「為左你..我會快啲好返架.....」



「嗯，加油呀」

「拜..拜阿七...」




離開露露居所後，阿七在行人路上邊行邊想

「依家既香港太多危險啦，又有恐怖份子又有迪拉斯..」

「唔變得更加強，就保護唔到露露bb..」


「登登登！」

阿七拎起手機


「阿七，大件事啦」

電話傳來結衣bb的叫聲


「有恐怖份子襲擊立法會大樓呀」