阿七趕快地返到清水灣的基地


「凪咲!依家咩情況呀?」

阿七留意到,基地除了凪咲外,還有小櫻和拓也


「淫...小櫻你地都響度既...」







「頭...頭先聽到你班朋友話你冇返學,所以想睇下你搞咩姐」

小櫻再道:「原來咸濕阿哥你響度整緊ironman...唔怪之得啦...」



「唔係ironman,係blacksuit呀...一陣再講啦,立法會果度點呀?」







凪咲將新聞報導放到AR熒幕上

鏡頭影住的畫面...




一部高10米,闊15米的蜘蛛型機械人,正站在立法會門外






蜘蛛型機械人有四隻大足,上身連續360度迴轉




旁邊的地面,更有多名警察的屍體



結衣bb解釋

「現場消息指立法會合共有200人,當中包括50位議員,以及多位政府官員」





「大樓裡面一位綁匪都冇,只係有一部蜘蛛型機械人守響出口」

「頭先有兩名議員想偷走,但係...」



結衣bb將數十分鐘前的畫面播出


兩個議員想從大門靜靜離開

卻被門外的蜘蛛型機械人迅速發現


「砰砰砰砰!!!!」





一瞬間,就將兩人射至血肉糢糊



一把男聲,從蜘蛛型機械人裡發出

「親愛既香港政府」

「我要你地半小時內,將庫房內既1000億,以現金放到立法會門前,否則...」


「我地既機械人,將會直接將立法會大樓炸毀」







「呢把聲...咪係」小櫻馬上想起


「係韋德!」

拓也握緊拳頭:「佢..今次既目標竟然係香港政府」



「韋德係咩人黎?」阿七問

「我同佢以前係響殺手組織識,前幾日我同小櫻撞返佢...果然無估錯,係佢搞既鬼!」







「仆街...阿彩呢?」


凪咲搖搖頭

「頭先打過,無人聽呀...」



「咁無辦法啦..」

缺少最好的拍檔,阿七做出一個最驚人的決定



「凪咲,我要用blacksuit」



「吓!仲係完成左80%咋喎..」

凪咲極力阻止:「而且推進器既功率都未達標..你依家就用隨時有危險架..」



「無時間啦,部機械人好快就會炸毀立法會」

阿七行到位於基地中心的blacksuit面前

看來,已經是勢在必行




阿七走入blacksuit的裝甲殼內

「無時間啦凪咲,部機械人好快就會炸毀立法會」



「...係..」

凪咲按下數個按鈕,blacksuit就「咔」一聲關上



阿七張開雙眼,是久違的藍色介面


「阿七,歡迎你再次使用blacksuit呀」

結衣bb道:「不過正如凪咲小姐頭先所講,依家既blacksuit只係出到80%既功率...」


「唔緊要,夠用啦,一陣射擊同分析就靠你啦結衣bb」




阿七命令:「結衣bb,出發」



「吼!!!!!!!」


背部和腳底的噴射器噴出濃煙,準備飛出基地邊的出口


「凪咲,開閘!」


「好!blacksuit,正式啟動!!!!」




阿七控制身子,飛向出口





「砰!!!!!!」

blacksuit的噴射器失控,一口氣撞上基地牆上



「呀,好痛呀屌....」


「唔好意思呀阿七,噴射機啱啱啟動未去到標準模式」結衣bb道





「唉...呢個阿哥...點叫我放心得落呀...」小櫻無奈道
已有 0 人追稿