下午2時


一輛藍色本田私家車,即將駛上青馬大橋



「哈哈..估唔到阿彩你入左黎之後就有咁多show要出,你真係幾旺我地喎」

鼓手阿忠駕車期間笑道







「係咩....」

今日特意穿上牛仔褲的阿彩不以為其,隨口回答

因為,她的焦點都放在身旁的Ricky







「呢個Ricky又蠢又鈍,邊個會鐘意佢喎!」阿彩心道



Ricky察覺到阿彩正注視自己

「阿彩?做咩事呀?」






這一問,竟使阿彩尷尬得馬上轉頭

「..冇..!冇事...」


「嚇死,你咁樣望法我以為我塊面污糟左,哈哈...」



「我...驚咩呀..望佢咪望佢囉....!尷咩尬呀」

面對Ricky,阿彩竟然心亂如麻








車子跟住前面的車群,準備駛出青馬大橋



「呃-------!」


車子忽然急停,使車內眾人差點飛出坐位


「做乜呀你,無啦啦剎車!」bass手Lester怒罵


「你睇下前面先啦」







三部貨櫃車竟打橫停下,塞著大橋往大嶼山的出口




「搞咩呀,壞車都唔好咁停丫!」

「喂快啦仆街,趕時間架!!!」

其他車輛內都傳來叫罵聲








「唔係好對路....」

較有危機意識的阿彩望到另一邊


「呃-------!」

三架貨櫃車同時以飄移方式停下,塞住前往市區的入口



「仆街,肯定有古怪!」





阿彩捉起Ricky的手:「走呀,有恐..」



可惜阿彩已經太遲


「砰砰砰砰砰砰砰砰!!!!!!!!!」


貨櫃車的司機早已經向天按下板機




「呀--!!」

司機和乘客們一秒前的怒火隨即煙消雲散,嚇得大叫



「咪郁呀!」

「留響車度!」

「stay in the car!」

多個手持步槍的傭兵從貨櫃出來,舉槍要脅車上的人們



「大嶼山搞掂,可以塞埋市區啦」

貨櫃車的司機放低手機,拎起望遠鏡望往大橋的另一端



同樣,各有三架貨櫃車阻塞向九龍的兩個出入口



「計劃初步已經成功,跟住就係等政府黎搵我談判啦」





「唔好郁呀!再郁打爆你個頭!!!」

Ricky等三人被傭兵嚇著,連吸氣也不敢用力


而早已見慣大場面的阿彩沒有害怕,反而想著應對方法

「仆街,最衰今日無帶到果個柒頭整果堆武器,依家點做好呢」

「無左果件戰衣,我未必可以避到子彈,何況佢地又太多人,今次真係中撚哂伏啦...嗱嗱聲call個柒頭先」


阿彩將手伸入口袋,取出手機

偷偷按下電話,撥打阿七的電話號碼




「喂,做咩呀你!」

阿彩的行為被對面的傭兵目睹



「仆街..咁撚樣都睇到!」

阿彩繼續尋找阿七的電話:「快啦屌..搵到啦!」



阿彩成功按下阿七電話的同時,卻被一傭兵拖出車外

「呀!!」


「阿彩!」

Ricky眼見阿彩被捉,馬上撲出車外



「死八婆...想打電話!」

傭兵一腳將電話踩爛



「仆街,都唔知打唔打到比柒頭...」

阿彩心知不妙,如果阿七收不到電話的話,這次可算是賠了夫人又折兵
已有 0 人追稿