廢鳩俠2: 19.要保護的同伴

「鈴鈴鈴」


電話鈴起將睡著的阿七叫醒，但幾秒後又停著了


「乜料丫，又廣告電話黎？唔係喎...」







結衣bb:「阿七，頭先打黎既係阿彩黎架，不過淨係打左2秒」


「睇死個臭西彩都係打錯架啦...」阿七不以為然



「仲有呀阿七，青馬大橋有大件事呀？」






「咩..咩大件事呀？」

這話同樣吸引了凪咲




「香港再次發生恐怖襲擊事件，多名恐怖份子用貨櫃車阻塞青馬大橋，警方已經派出反恐部隊到現場戒備，暫時未有橋內被『綁架』既人數，而剛才一名疑似係恐怖份子首領曾經以揚聲器表示自己既要求」






電視拍攝住無數的警察反恐部隊已經在青馬大橋兩邊的出入口戒備，隨時準備衝擊青馬大橋


「突發消息，一名頭戴面具既男子拎住揚聲器，走出青馬大橋！」



鏡頭一轉，該名面具男緩緩走向警方的防線

各反恐部隊隨即舉槍，嚴陣已待



他拎起揚聲器，叫道





「各位警察朋友大家好，依家響青馬大橋裏面，大約有一千名乘客同司機」

「我響四個出入口各放左500公斤既爆藥，我禁一個掣就可以引爆佢地，所以唔好諗住用水警或者直升機進攻」




「咁你想點？！」警方的指揮官同樣以揚聲器回答



「我有兩個要求，第一，我要三億美金作為贖金」


「第二，我要IID，撒出香港」








「！！！」

阿七的神經馬上被觸動


「經過聲紋鑑定，呢個人同蜘蛛機械人既操縱者係同一個人黎」結衣bb道


「即係佢就係拓也口中既韋德，佢果然係幫迪拉斯做野....」







「鈴鈴鈴....」



阿七接過電話


「喂..」


「係我呀，發叔呀」

此刻的發叔，正在中環IID總部飲住咖啡:「阿七你依家有冇睇新聞呀？」






「有呀...聽拓也講，果個人係叫韋德」


「嗯，我摸過佢既底，佢同拓也一樣本身係『某個殺手組織』既殺手，但最近都開始幫迪拉斯做野，今次既目的就係要逼香港政府踢走我地，經過咁多次迪拉斯既恐怖襲擊，政府上面已經唔係好信我地..」

「不過無論結果點都好，今次既襲擊都一定要解決」


「嗯，呢點唔駛發叔你講，我都會去」



掛線後


阿七自知要準備一場大戰

「凪咲，blacksuit一號機依家可以用嗎？」


「嗯，已經修復左90%啦，但係其餘四部機就仲要啲時間連上結衣bb度」



「唉應該都夠既，有埋阿..」

阿七仿佛想到了甚麼，整個人愣住了



凪咲見狀問

「做咩呀阿七？」



「結衣bb，頭先阿彩係響邊度打黎？！幫我追蹤下！」



「....搵到啦，係響青馬大橋呀」





「即係話...阿彩響青馬大橋上面....」凪咲心知不妙

「知道啦！」


阿七得知阿彩成為人質之一，心裡非常焦急「凪咲，即刻幫我準備blacksuit一號機，我要出發去救阿彩啦」

「至於其餘四部blacksuit同埋『果樣野』...你同結衣bb就儘快搞啦」


「知道啦」



阿七的心情猶如熱鍋上的螞蟻

「臭西彩，頂住呀」