《一零六四》: 第十四章「實力」

歷時半個月的籌備，終於來到活動的日子。

很慶幸我的工作只是搬搬椅子、計計分，否則可能我會把整個活動都搞砸了。

「都幾多人報名。」阿輝悄悄地跟我說。

「有得識女點會冇人參加。」

一輪團體遊戲後，便進入Task Game的環節，男女均等地分組，然後去不同地方完成任務。



至於遊戲內容，當然是有很多身體接觸。

待眾人離去後，主場地只剩下Johnson、我、Nancy和愷淇，其他人則在校園不同地方Hold Task。

「喂，點算，啱啱收到個電話。」

「我地訂野食間餐廳喺運送途中出左啲意外，未必趕到過來，但啲人玩完Task Game就要返黎食野。」Johnson輕聲地說。

只剩下四十分鐘。



「下，咁大鑊。」我問。

學會幹事都看著我們，壓力有點大。

正當眾人都苦惱著，Nancy率先開口。

「不如我地而加再叫外賣？」

「應該趕得切。」



Johnson若有所思地點點頭，也說。

「唯有係...」

「唔得，冇可能。」愷淇突然說。

我抬起頭看著愷淇。

「叫外賣已經趕唔切。」愷淇接著說。

「唔通唔叫？佢地邊有野食？」Nancy皺起眉頭，狠狠地看著愷淇說。

「一定趕唔切，阿翹，你而加即刻去搵埋煒程、阿輝同Dicky幫你，佢地應該分別同一個女仔負責Hold一個Task，就算每個Task嘅負責人少一個都冇問題，最多係辛苦啲。」

「你搵齊佢地之後，去附近間茶餐廳買五十個飯，四個男仔一定拎到，Johnson你同Nancy去Canteen問阿姨拎餐具，我負責睇住呢度同埋聯絡其他人，叫佢地盡量拖住。」



「仲有三十八分鐘，呢到去茶餐廳要十分鐘，落單、等野食最多二十分鐘，行返黎十分鐘，加埋佢地會拖下時間，你地一定夠時間返黎，咁就有野食比到人。」

愷淇一口氣說出整個方案，我和Johnson聽得目定口呆，但時間不容許我發呆，我看了看愷淇，便馬上去找齊男生們行動。

最後，當然是順利解決。

想不到她這麼厲害。