《一零六四》: 第十六章「面具」

來到宣布成為正式候選幹事的日子，眾人齊集在會議室內等候結果。

然而宣布結果後，眾人十分驚訝。

「愷淇呢？冇愷淇？」Johnson問。

「係囉，嗰日唔係佢，我地奶左野喇喎。」

「點解佢入唔到？」煒程問。



學會幹事表示結果是一致通過，沒有異議。

奇怪。

這天是星期五，即是又要回家了。

「喂，你冇野嘛。」

愷淇搖搖頭，但看得出她很失落。



要是我提供了解決辦法，拯救了整個活動，卻落選的話，早已把幹事們打趴。

「唔好咁啦。」

我和愷淇離開學校，一起前往巴士站。

「佢地唔識貨啫。」

我不停安慰愷淇，雖然跟她稱不上很熟，但至少是一起玩過Ocamp的人，安慰一下也是需要的。



愷淇沉默片刻後，終於開口。

「唉，其實我知點解我會落選。」

「嗯？」我偷偷地瞄著她。

「因為Nancy唔鍾意我。」

雖然一早就看出來。

但女生的關係真是複雜。

「係佢同啲莊員投訴我，話我扮曬野。」

「你點知。」



愷淇打開了Whatsapp，把電話遞給我。

「因為莊員有同我講返，係佢投訴我。」

「仲話我唔識做人，冇顧及人地感受。」

「當的知道我落選左，就發現佢地揀人嘅條件根本唔係睇工作能力，而係睇交際能力，所以我咪入唔到。」愷淇一直低下頭。

臨分別時，我說了一句話。

「我覺得你做得好好，只係輸比啲小人。」

片刻後，愷淇終於抬起頭，笑了笑。



「得啦，多謝你。」

「我走喇，你上莊加油啦。」愷淇說。

「嗯，拜拜。」

這就是現實。