我跟Kenneth交代了我會找愷淇做組媽的事,Kenneth也沒說什麼,爽快地答應了。

星期一傍晚,我在教學大樓某個課室門前站著,等候愷淇下課,然後替我「特訓」。

五分鐘後,愷淇終於出來了。

「喂阿翹!.....我約左人呀,你地走先啦!」

「Wow...有仔。」應該是愷淇的同學。



「omate黎架咋,咪亂講。」愷淇說。

「行喇我地。」愷淇招一招手道。

愷淇帶我去了一間位於九龍灣的餐廳,這間餐廳的消費也挺高,隨便一個飯也要七、八十元。

不過第一次跟未來組媽單獨約會,沒關係。

在點餐之後,愷淇便跟我說話。



「阿翹,你有冇咩興趣?」

「踢波...訓下教咁。」

「冇其他拿?」

我搖搖頭。

「嗯...咁你同組仔女可以有咩傾呀?」



「唔知喎...你今日唔係打算教我架咩。」

「係就係,不過都要了解下你先得架...」

我似乎懂非懂地點點頭,然後就看著愷淇。

「...........」此時愷淇也看著我。

「咁啦,如果我地真係一齊玩camp,我就負責帶氣氛,你負責同啲仔女傾下計。」愷淇說。

「傾計?傾咩計。」我問。

「咪問下佢地最近有咩唔開心呀,有冇咩特別嘅野之類囉,總之多啲同仔女講野就ok啦。」愷淇笑道。

「咁樣又好似幾容易,盡量試下。」



「咩盡量,係一定要。」愷淇故裝打我道。

「係!一定!」我連忙點頭。

之後愷淇教我應該怎樣主動跟別人說話。

「對住啲啱啱識嘅人,要溫柔啲、搞笑啲。」

「唔好當佢地係你班莊員,開口埋口都係屌屌聲,唔係我都幫你唔到。」愷淇攤攤手說。

愷淇還有留意我的莊員啊....果然是不甘心。

「知道喇...師父。」我雙手抱拳說。



「搵日約埋Kenneth出黎一齊食個飯啦!」

「哦,我問下佢幾時得。」我淡淡地說。

「仲有呀,過兩個禮拜就interview,係報名就快。」愷淇看看電話說。

「你會報架可?」我說。

「................」

「okok我聽日落去booth嗰度報!」

今次真是投降吧我沒有頭髮。