這天是組爸媽面試的日子,我和愷淇相約了在面試地點外等候,至於Kenneth只需要個人面試。

「愷淇,咁早嘅。」

「我準時開架啦。」愷淇笑道。

進到面試房間,有十位學會幹事並排坐著。

我和愷淇坐在安置好的椅子上,等待面試。



「你地自我介紹下,講下點解想做組爸媽。」

愷淇和我對望一下,我示意她可以先說。

「咁我叫周愷淇啦,讀緊BBA Year1,我性格比較外向,鍾意同其他人交流,希望可以喺大學生涯入面識到一班好朋友,同埋想為新生留下一個美好嘅回憶,所以就想報名做組媽。」

愷淇說罷,便到我發言。

「Um....我叫連浩翹...今..今年讀緊中文系Year1,鍾意踢波,想做組爸....係..係因為想識多啲人。」



愷淇看著我,仿佛在問為什麼說這麼少。

「好,咁你地識唔識帶Game?講三個Ocamp嘅遊戲同埋玩法。」

「呃...」

幸好愷淇全部回答了,不然可能早已被Out。

面試完結後。



「搞咩呀你...Interview先黎口窒窒。」

「有啲緊張...」我抓抓頭說。

「不過好彩有你,我地應該入到。」

愷淇無奈地點點頭。

「係呢,你約左Kenneth未?」愷淇問。

「問左佢,佢話下星期一可以食飯。」

「咁星期一見啦,我要返屋企先喇。」

「哦...好啦,拜拜。」



和愷淇道別後,我獨自一人返回宿舍。

漫長的夜晚,Ronald又睡了。

我只好攤在床上看Instagram。