［已出實體書］《香港殘響》-荃灣倖存者基地: 05

「唔得，冇得傾！」
 
「但係……媽媽，我真係好想……」坐在輪椅上的阿朗神情苦澀。
 
兩母子在實驗室見面不久，就吵架起來。
 
「總之唔可以！你唔好再提！」烏醫生神色嚴厲，雙手環胸，「仲有，你點知道我手上有個種針劑……利用殭屍血清去修復身體嘅藥劑……」
 
「之前…我偷聽到你同首領嘅對話。」
 




「哼，總之，依種針劑係好危險，注射左會有5成機會異變成殭屍，你唔需要再多講。」
 
「媽，你知道凱恩係我女朋友……」朗抓住自己的左斷腿，向下望，「每次見到佢因為訓練或戰鬥而受傷，我都好心痛……我好似咩都做唔到咁，今次大埔一戰，佢腿骨都斷埋，可能終生都有後遺症……見到佢而家意志消沉咁，我真係心如刀割……」
 
「……」
 
阿朗揚起頭，展現堅定的眼神：「媽媽，我真係好想盡一分力，上前線，為全人類戰鬥。」
 
烏醫生有點驚震……
 




從小到大，自己的兒子都是個懦弱怕事的人，直到中學，跟陌生人說話時，仍是不敢看對方的眼睛。
 
真的……第一次見到兒子展現這樣堅定的眼神，表達自己的訴求。
 
烏醫生嘆了口氣，以極輕微的聲音說：「你大個仔啦……」
 
阿朗繼續揚起頭，直視母親。
 
醫生又嘆口氣，「你明白個風險？」
 




「我了解。」
 
醫生打開身前的金屬盒子，取出一支黑色的針劑，「阿凱，你幫佢量度住血壓脈搏。」
 
醫生的手在震。
 
她對另一位手下說：「平叔，由你幫佢打。」
 
一位男研究員將量度生命表徵的機器推過來，接駁好；另一位接過針劑，半跪在朗身前。
 
平叔：「年輕人，你真係諗清楚？」
 
「我想要有健全嘅雙腳。」
 
朗眼前，是一支100ml的針劑，全是漆黑的液體。




 
烏醫生說：「先打50ml……阿仔，跟住會好痛……你要忍一忍。」
 
朗點點頭，針頭刺進他皮膚內。
 
藥液入血，直達五臟六腑……30秒就有反應了。
 
朗全身的血管像是在燃燒，肌肉神經被萬針所刺……
 
他忍不住張口大叫。
 
「等、等多一陣先打？」平叔有點驚惶。
 
「唔使，我頂得順！快啲打埋餘下嘅！」
 




他的決心是如此之大。
 
烏子朗好想好想可以保護她。
 
餘下的50ml也注射進去了。
 
朗緊抓住自己的斷腿，全身痛極，向前一翻身，扯斷了血壓計管……整個人倒在地板上，抽搐。
 
 
凱恩在高錕樓附近的草地，撐著拐杖練行路。
 
骨折的位置仍然是痛……
 
為了媽媽，再苦也要捱下去。
 




要快點讓妹妹重拾笑容。
 
男友阿朗正慢慢走過來。
 
以雙腳行走。
 
恩又驚又喜。
 
她走上前去，「你……你真係打咗嗰種針劑？」
 
阿朗熱淚盈眶，點點頭，「真係好……可以係依個角度望你。」
 
恩輕輕撫摸情人的臉，高興得快要落淚。
 
 




中大劍道部。
 
阿朗穿上一身帥氣的日本劍道裝甲，苗刀刀尖指向前，擺好陣勢。
 
他預先將三棵粗大的樹木從八百米外搬進來，疊成一“品”字狀。
 
全是自己一個人搬動。
 
叱喝一聲，他運起呼吸法揮刀斬樹。
 
嚓。
 
三樹齊斷，木碎飛揚一一
 
「佢真係做到……」我呆一呆。
 
他的師父，施小豪也在看著，同樣感到震驚。

-
歡迎留言~