《再見了，還會再見嗎？》: 第42章 – 純情小男孩

我一直跟住Lily行，5分鐘左右就到咗門口。

Lily純熟地打開鐵閘同大門。

「入嚟除鞋放喺側邊啦，唔好企喺外面」

我就好似一個小朋友咁乖乖地聽住Lily嘅指令做每一樣嘢。

「唔使咁區謹喎，當係自己屋企就得㗎喇。坐梳化先啦，使咪要啲嘢飲啊？」





「要杯水得喇唔該」

跟住我行咗去梳化嗰邊坐低咗。

原來Lily屋企都放咗唔少獎牌同獎盃，我諗應該全部都係跳舞啦。

「俾杯水你先，我入去換件衫再出嚟」

換衫……





作為一個正常嘅男仔，又點會唔偷偷地諗衰嘢。

為咗制止自己個腦亂諗呢啲衰嘢，我決定行去……

我緊係唔會行去佢間房偷睇啦，你哋唔好亂諗呀。

我行咗過去睇下佢放喺櫃上嘅獎牌獎盃咋。

驟眼一睇，好多都係冠軍同第一。





我拎起咗佢一張跳舞嘅相，個姿勢係典型芭蕾舞天鵝湖個自轉Pose。

「車仔，做咩睇我啲相嘅？」

聽到Lily把聲，我快快手放返低手上嘅嘢。

「唔使咁驚喎，想睇咪睇囉」

Lily拎起張相遞俾我。

「呢張係我第一次比賽贏嗰陣嘅相，嗰時仲好細個……」

Lily向我介紹咗某啲佢嘅相片同獎座。

其實Lily嘅經歷同我有啲似，都係細個嗰陣俾屋企人叫佢去學呢樣學嗰樣，冇自己選擇嘅權利。





咁大個都未遇過同自己有差唔多經歷嘅人，嗰種有人明自己心路歷程嘅感覺真係好奇妙。

雖然佢媽媽未必好似我媽媽咁惡，而且對自己要求咁高。

不過以一個小朋友嚟講，每逢weekend都要走嚟走去冇得休息，你都咪話唔辛苦。

「睇完就過去做正經嘢啦我哋〜」

Lily屋企比我想像中大，佢哋打通咗2個單位整咗個大客廳出嚟。

我跟喺Lily後面行過去偏廳鋼琴嗰邊。

Lily換咗一條超級短褲，令到我不自覺咁望多兩眼。





我雙眼嘅視線完全離唔開嗰對白滑有肉地嘅腳。望得愈耐，諗嘅嘢就愈衰。

果然有錢嘅人係會容易啲肥，我眼前就係一個例子。

明明只係中三，但Lily已經係少少有前有後，對腳又有啲肉地，唔係嗰種香雞腳。

正常男仔望到都會忍唔住想同佢……

做朋友啦……

Lily喺呢個時候拎轉頭，見到我望住佢對腳。

我隨即抬返高個頭。

「咸濕仔，望緊咩嘢啊？ 話聲我知，等我都一齊望下嘛」





Lily講完之後戚起一邊嘴唇奸笑。

我呢一刻同個犯人冇乜分別。

已經乜都俾人睇穿晒，知道自己做錯咗又冇得抵賴，又冇得唔認錯。

可以做嘅就只係等Lily對我嘅判刑。

「又要偷望又要唔出聲，坐低啦」

Lily拍一拍鋼琴櫈示意我坐喺上面。

我坐低後，Lily都坐咗喺我隔離。





佢捉起咗我隻左手問，

「望咗咁耐，想唔想摸下呀？」

Lily一邊講一邊繼續奸笑。

我唔知道應該點回應Lily好。

問心嗰句，邊有男仔望到白滑靚腳會唔想摸……

但我內心就不斷受到良心嘅責備，知道唔應該做出呢啲事。

「Errr…… 唔好啦…… 咁樣好似唔係幾好喎……」我口窒窒咁回應Lily。

「真係？我俾多次機會你喇」Lily捉住我隻手放咗上佢右邊大脾。

我即刻臉都紅埋，然後縮返開隻手。

呢個女仔係咪傻架，咁隨便俾人摸佢大脾嘅。

「唉，唔玩你喇，又會咁純情嘅。俾著其他仔嘅話，一早就已經掃下同揸下我大脾啦。送到埋口都唔識食，下次唔好咁蠢喇」Lily一邊講一邊拎頭。

你都唔知我內心交戰咗幾耐，先成功控制住自己唔好色心起。

「不過都證明我冇睇錯你，果然係正人君子，如果唔係我點敢帶你上嚟。如果我對嗰個Parco做返同一樣嘅嘢，佢肯定已經對我唔知點啦，我仲唔渣都冇得淨」

「原來係想試我同玩我……」我細細聲自言自語。

Lily企咗起身再遞咗2份譜俾我，然後就唔知行咗去邊。

「喂，咁易唔開心㗎咩。練咗嘢先啦，最多我請你食飯補數」

我冇應佢。

我唔係因為嬲所以唔應佢，而係真係想快啲練好，再快啲返屋企休息。

過咗15分鐘，門口突然有鎖鑰聲。

唔通係Lily爸爸媽媽返嚟？

如果俾Lily屋企人見到我同佢個女孤男寡女共處一身，會唔會即刻融咗我㗎……